Hadiis: Ned ning sẽn so arzũm raar gεnaab koom, rẽ poorẽ n kẽng pĩndɑ, yaa wala a maana doaag ne yʋgemde

عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنِ اغْتَسَلَ يَوْمَ الجُمُعَةِ غُسْلَ الجَنَابَةِ ثُمَّ رَاحَ، فَكَأَنَّمَا قَرَّبَ بَدَنَةً، وَمَنْ رَاحَ فِي السَّاعَةِ الثَّانِيَةِ، فَكَأَنَّمَا قَرَّبَ بَقَرَةً، وَمَنْ رَاحَ فِي السَّاعَةِ الثَّالِثَةِ، فَكَأَنَّمَا قَرَّبَ كَبْشًا أَقْرَنَ، وَمَنْ رَاحَ فِي السَّاعَةِ الرَّابِعَةِ، فَكَأَنَّمَا قَرَّبَ دَجَاجَةً، وَمَنْ رَاحَ فِي السَّاعَةِ الخَامِسَةِ، فَكَأَنَّمَا قَرَّبَ بَيْضَةً، فَإِذَا خَرَجَ الإِمَامُ حَضَرَتِ المَلاَئِكَةُ يَسْتَمِعُونَ الذِّكْرَ».
[صحيح] - [متفق عليه] - [صحيح البخاري: 881]

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame:
«Ned ning sẽn so arzũm raar gεnaab koom, rẽ poorẽ n kẽng pĩndɑ, yaa wala a maana doaag ne yʋgemde, la ned ning sẽn kẽnga wakɑt a yiibã, yaa wala a maana doaag ne naafo, la ned ning sẽn kẽnga wakat a tãabã, yaa wala a maana doaag ne pesg sẽn tar yɩɩla, la ned ning sẽn kẽnga wakat a naasã, yaa wala a maana doaag ne noaaga, la ned ning sẽn kẽnga wakat a nu wã, yaa wala a maana doaag ne gelle, la limaamã sã n yi malεgsã watame n kelgd Tẽegrã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 881]

bilgrã

Nabiyaamã kõta kibare (Wẽnd pʋʋsg la A tɩlgr be a yĩnga) kẽng pĩnd n tʋg arzũmã Pʋʋsgẽ wã yel-sõmde, la a sɩngda ne wĩndgã pukr n tʋg n tãag limaamã waoongo, a yaa wakat a nu, tɩ b pʋɩt-a-la boag a nu n zems ne wĩndgã pukri n tʋg tãag limaamã kõom la a mimbarã rʋʋbo:
Rẽenemã: Ned ning sẽn so koom n pids wala gεnaam koom, rẽ poorẽ n kẽng arzũm miisrẽ wã, rẽenem wakatã, yaa wala a maana doaag ne yʋgemde.
Yiib soaba: ned ning sẽn kẽnga wakɑt a yiibã, yaa wala a maana doaag ne naafo.
Tãab soaba: ned ning sẽn kẽnga wakat a tãabã, yaa wala a maana doaag ne pe-raoog sẽn tar yɩɩla.
Naas soaba: ned ning sẽn kẽnga wakat a naasã, yaa wala a maana doaag ne noaaga.
Nu soaba: ned ning sẽn kẽnga wakat a nu wã, yaa wala a maana doaag ne gelle.
La limaamã sã n yi n na n maan hʋtbã wã, malεgsã sẽn zĩ ragnoyẽ wã n gʋlsd miisrã rẽenem kẽedbã la sẽn pʋgdbã, b yalsda gʋlsgã, la b wa n kelgd Tẽegrã la Hʋtbã.

Sẽn be Hɑdiisã yõod-rãmbẽ

1. Yaa pirsg tɩ b so koom arzũm raare, la a yɩtame taoor tɩ f na n ka kẽng Pʋʋsgã.
2. A wilgda yɩɩlem ning sẽn be sãd pĩnd n kẽng arzũmã Pʋʋsgã wĩndgã wakat rẽemsã sɑsɑ.
3. Yaa pirsg tɩ b yãg n tʋg tʋʋm sõmbs maanego.
4. Malεgsã wata arzũmã Pʋʋsgo, la b kelgd ẖʋtbã wã.
5. Malεgsã sẽn be miisrã ragnoyẽ wã, b gʋlsda watbã yʋy, rẽenem rãmbã la sẽn pʋgdbã, arzũmã Pʋʋsg waoong pʋgẽ.
6. A ɭbn Ragεb yeelame: a koεεgã sẽn yeel tɩ "ned ning sẽn so arzũm raar gεnaab koom, rẽ poorẽ n kẽngã" wilgdame tɩ bʋʋ nonglem ne arzũm koom soobo, sẽn sɩng fɑgirã pukri, la a yaoolmã yaa yi wĩndgã pukr poorẽ n kẽng ɑrzũmã.