Hadiis: Gεnaab koom soob sɩfa

عَنْ مَيْمُونَةُ أُمِّ المؤمِنينَ رضي الله عنها قَالتْ:
وَضَعْتُ لِلنَّبِيِّ صَلَّى اللهُ عَلَيْهِ وَسَلَّمَ غُسْلًا، فَسَتَرْتُهُ بِثَوْبٍ، وَصَبَّ عَلَى يَدَيْهِ، فَغَسَلَهُمَا، ثُمَّ صَبَّ بِيَمِينِهِ عَلَى شِمَالِهِ، فَغَسَلَ فَرْجَهُ، فَضَرَبَ بِيَدِهِ الأَرْضَ، فَمَسَحَهَا، ثُمَّ غَسَلَهَا، فَمَضْمَضَ وَاسْتَنْشَقَ، وَغَسَلَ وَجْهَهُ وَذِرَاعَيْهِ، ثُمَّ صَبَّ عَلَى رَأْسِهِ وَأَفَاضَ عَلَى جَسَدِهِ، ثُمَّ تَنَحَّى، فَغَسَلَ قَدَمَيْهِ، فَنَاوَلْتُهُ ثَوْبًا فَلَمْ يَأْخُذْهُ، فَانْطَلَقَ وَهُوَ يَنْفُضُ يَدَيْهِ.
[صحيح] - [متفق عليه] - [صحيح البخاري: 276]

Yii a Maymuuna nengẽ, sẽn yaa muumin-rãmbã ma wã, (Wẽnd yard be a yĩnga), a yeelame:
M rɩgla Nabiyaamã ko-soodem (Wẽnd pʋʋsg lɑ A tɩlgr be ɑ yĩngɑ) n lud-a ne fuugu, t'a kiig koomã a nus a yiibã, n pek nus a yiibã, rẽ poorẽ a rɩk a rɩtg nugã n kiig koomã a goabgẽ wã n pek a taoorã, n rɩk a nugã n wẽ Tẽngã n saag a nugã ne Tẽngã, n pεk-a, rẽ poorẽ t'a wugs a noorã la a fẽes a yõorã, la a pek a nengã la a kãntɩɩs a yiibã, rẽ poorẽ t'a kiig a zugã koomã, n widem a yĩngã fãa ne koomã, rẽ poorẽ t'a lak bilfu n pek a na-tagdɩ wã, tɩ mam kõ-a fuugu, t'a ka reeg ye, n leege, tɩ yẽnda yaa sẽn yẽes koomã a yĩngẽ wã ne a nus a yiibã.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 276]

bilgrã

A Maymuuna, sẽn yaa muumin-rãmbã ma wã, kõta kibare (Wẽnd yard be a yĩnga), Nabiyaamã (Wẽnd pʋʋsg lɑ A tɩlgr be ɑ yĩngɑ) koomã soob bilgri, t'a sã n na n so Gεnaaba, ne a Maymuuna sẽn tẽgneg koom sẽn na yɩl t'a so, la a lud-a-la ne fu-roogo, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) maan sẽn watã:
Rẽenem: a kiiga koomã a nus a yiibã pʋgẽ, n pek nus a yiibã, taoor t'a na n ka tʋm-b laokã pʋgẽ ye.
Yiib soaba: a kiiga koomã ne rɩtgã a goabgã zugu, n pek a taoorã; tɩ yaa sẽn na n yɩlg taoorã n yi bũmb ning sẽn tablg beenẽ, sẽn yaa Gεnaabã.
Tãab soaba: a wẽ a nugã ne Tẽngã n saag Tẽngã, rẽ poorẽ t'a pεk-a, sẽn na yɩl n yiis rẽgdã sẽn be nugẽ wã.
Naas soaba: a wugs a noorã, ne a sẽn na n kẽes koomã a noorẽ wã, n wugsi, rẽ poorẽ t'a furs-a, la a fẽes a yõorã, ne a sẽn na n kẽes koomã a yõorẽ wã n fõogẽ rẽ poorẽ t'a yiis-a, tɩ yaa sẽn na n yɩlg rẽgdã.
Nu soaba: a pek a nengã la a kãntɩɩs a yiibã.
Yoob soaba: a kiiga koomã a zugẽ wã.
Yopoe soaba: a kiiga koomã a yĩngã fãa sẽn ketã.
Nii soaba: a toeema zĩigã n pek a na-tagdɩ wã, bala a rag n ka pek-b ye.
Rẽ poorẽ a waa ne peende, sẽn na yɩl t'a ru a yĩnga, la a ka reeg ye, n kell n saagd koomã a yĩngẽ wã n yẽesd ne a nugã.