Hadiis: Ned ning sẽn yõga mam koomã yõgb buudu, rẽ poorẽ, n pʋʋs rakaar a yiibu, n ka tags dũni yεl a pʋgẽ, Wẽnd yaafda a zũnuub sẽn reng taoore
عَنْ حُمْرَانَ مَوْلَى عُثْمَانَ بْنِ عَفَّانَ رضي الله عنه:
أَنَّهُ رَأَى عُثْمَانَ بْنَ عَفَّانَ دَعَا بِوَضُوءٍ، فَأَفْرَغَ عَلَى يَدَيْهِ مِنْ إِنَائِهِ، فَغَسَلَهُمَا ثَلَاثَ مَرَّاتٍ، ثُمَّ أَدْخَلَ يَمِينَهُ فِي الْوَضُوءِ، ثُمَّ تَمَضْمَضَ وَاسْتَنْشَقَ وَاسْتَنْثَرَ، ثُمَّ غَسَلَ وَجْهَهُ ثَلَاثًا، وَيَدَيْهِ إِلَى الْمِرْفَقَيْنِ ثَلَاثًا، ثُمَّ مَسَحَ بِرَأْسِهِ، ثُمَّ غَسَلَ كُلَّ رِجْلٍ ثَلَاثًا، ثُمَّ قَالَ: رَأَيْتُ النَّبِيَّ صَلَّى اللهُ عَلَيْهِ وَسَلَّمَ يَتَوَضَّأُ نَحْوَ وُضُوئِي هَذَا، وَقَالَ: «مَنْ تَوَضَّأَ نَحْوَ وُضُوئِي هَذَا ثُمَّ صَلَّى رَكْعَتَيْنِ لَا يُحَدِّثُ فِيهِمَا نَفْسَهُ غَفَرَ اللهُ لَهُ مَا تَقَدَّمَ مِنْ ذَنْبِهِ».
[صحيح] - [متفق عليه] - [صحيح البخاري: 164]
المزيــد ...
Yii a Hʋmraan sẽn yaa a ʿƲsmaan ɭbn ʿAffaan neemã-lalldã, a yeelame tɩ yẽ yãa a ʿƲsmaan ɭbn ʿAffaan t'a kɩt tɩ b wa ne Pʋʋs laaga, t'a kɩll n kiig a nus a yiibã n pek-b noor a tãabo, rẽ poorẽ t'a rɩk a rɩtgã n tʋm koomã pʋgẽ, n yãk n wuk a noorã la a fẽes a yõyã, la a fẽes n yiisi, rẽ poorẽ t'a pek a nengã noor a tãabo la a nus a yiibã n tɩ tãag kãntɩɩsẽ wã, noor a tãabo, n yaool n saag a zugã, rẽ poorẽ t'a pek nao a yiibã fãa gill noor a tãabo, n yaool n yeele: mam yãa Nabiyaamã (Wẽnd pʋʋsg la A tɩlgr be a yĩnga) t'a maand wala mam sẽn yõgd koomã to-to wã, la a yeele: «Ned ning sẽn yõga mam koomã yõgb buudu, rẽ poorẽ, n pʋʋs rakaar a yiibu, n ka tags dũni yεl a pʋgẽ, Wẽnd yaafda a zũnuub sẽn reng taoore».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 164]
A ʿƲsmaane, (Wẽnd yard be a yĩnga) a wilga Nabiyaamã (Wẽnd pʋʋsg la A tɩlgr be a yĩnga) koomã yõgb bilgr sẽn yaa a soaba, sẽn tũ ne maan tɩ b gese, sẽn na yɩlẽ tɩ vẽnegrã ta tεka, rẽnd a kɩtame tɩ b wa ne Pʋʋs-laag ne koom, t'a pʋdg n kiig a nus a yiibã noor a tãabo, rẽ poorẽ a rɩka a rɩtg nugã n tʋm laagẽ wã, n yiis koomã n ning a noorẽ, n lebg n pursi, rẽ poorẽ t'a fõog koomã ne a yõorã, rẽ poorẽ, n yiis-a n fẽese, rẽ poorẽ t'a pek a nengã noor a tãabo, rẽ poorẽ t'a pek a nus a yiibã n tɩ tãag kãntɩɩsã, noor a tãabo, rẽ poorẽ t'a saag a nusã ne a zugã t'a nusã yaa sẽn madag ne koom vugri, rẽ poorẽ t'a pek a nao a yiibã, n tʋg n tãag nao-kugã noor a tãabo.
La a sẽn wa n sε wã, (Wẽnd yard be a yĩnga) a kõ-b-la kibare, tɩ yẽ yãa Nabiyaamã (Wẽnd pʋʋsg la A tɩlgr be a yĩnga) t'a yõk wala ko-kãngã yõkrã bilgri, la a kõ-b kibɑ-noogo (Wẽnd pʋʋsg la A tɩlgr be a yĩnga) tɩ ned ning sẽn yõka koomã wala yẽ koomã yõkr bilgri, n pʋʋs rakaar a yiibu, ne Wẽn-zoεεga, la ning-m-yamẽ, a Soabã taoore, A Naam yɩ wagell n zẽke, rakaar a yiibã pʋgẽ, rẽnd Wẽnd rond-a lame, a sẽn yõk koomã tɩ pidã la Pʋʋs-kãngã sẽn yaa Wẽnd bal yĩngã, Wẽnd rond-a lame keoore, n yaaf a zũnuub-rãmbã sẽn reng taoorã.
Sẽn be Hɑdiisã yõod-rãmbẽ
- B bʋʋ nonglem tɩ b pek nus a yiibã taoor tɩ b na n ka kẽes-b laokã pʋgẽ ye, koomã yõgb sɩngr sasa, baa tɩ f sã n ka yik f goẽemẽ, la sã n mikame t'a nekɑ gõeemẽ yʋngo, rẽnd yaa tɩlae t'a pek-ba taoor t'a na n ka ning-b koomẽ wã ye.
- Sõmba ne karen-saamba t'a rɩk sor sẽn yaa koεεga, sẽn tõe n fasem, la bãngrã leb n tabend karem-biigã nengẽ, sẽn be rẽ pʋgẽ, a wilgd-b lame sẽn tũ ne tʋʋmde, tɩ b gese.
- Sõmba ne pʋʋsda t'a rig yεl nins sẽn gaamd a sũurã, sẽn yaa dũni soagla, bala Pʋʋsgã pidbã la a taabã, tũuda ne sũurã meng sẽn na n yag ne-a, sã n ka rẽ, tagsgã yaa toogo tɩ b tõog n tɩlg n yi-a, rẽnd sã n yaa woto yaa tɩlae tɩ f zab ne f yõorã la f ra saag n pʋg f yõorã, yamleoog yel-kãngã pʋgẽ ye.
- B bʋʋ nonglem tɩ b maan tayaamun (rɩtg-rɩtgo) koomã yõgb pʋgẽ.
- Sãri wã maaname tɩ sakdẽ tɩ b tõe n tũnug noorã wugsgu la koomã fõogr yõorẽ wã la a fẽesgã ne taaba.
- B bʋʋ nonglem tɩ b pek nengã la nus a yiibã la nao a yiibã noor a tãabo, la tɩlae wã yaa vugri.
- Wẽnd yaaf zũnuub-rãmb nins sẽn loogã wã tũuda ne yεl a yiib sẽn na n tigim taaba: koomã yõgbo, rakaar a yiib Pʋʋsgo, n tũ ne bilgr ning sẽn togs hadiisã pʋgẽ wã.
- Koomã yõgb yĩn-will fãa tara toaaga: Rẽnd nengã toaaga, yaa sẽn sɩng zugã zoobdã sẽn minim n bundẽ wã tεka, n tʋg n tãag sẽn na n sig n wa toεεngẽ wã la lemdẽ wã sã n yaa woglem. La a yalmã sɩngda tʋbrẽ wã n tʋg n tãag tʋbr a to wã. La nugã toaag sɩngda nus-biisã rʋdẽ, n tʋg n tãag kãntɩɩgã, yẽ me la soak ning sẽn be lʋllã la kangã sʋka. La zugã toaag sɩngda zoobdã sẽn minim n bund zĩig ningã kɩremse, n kẽng yublã yĩngri, la tʋb a yiibã saagre. La naoorã toaaga, yẽ yaa naoorã fãa gilli, n lagem ne rʋdr ning sẽn be yẽ la kargã sʋka.