Hadithi: Atij që merr abdes sikurse ky abdesi im dhe i fal dy rekate, pa u shpërqendruar, do t'i falen mëkatet e së kaluarës
عن حمران مولى عثمان أنَّه رأى عثمان دعا بوَضُوء، فأفرَغ على يَدَيه مِن إنائه، فغَسَلهُما ثلاثَ مرَّات، ثمَّ أدخل يَمينَه في الوَضُوء، ثمَّ تَمضمَض واستَنشَق واستَنثَر، ثُمَّ غَسل وَجهه ثَلاثًا، ويديه إلى المرفقين ثلاثا، ثم مسح برأسه، ثمَّ غَسل كِلتا رجليه ثلاثًا، ثمَّ قال: رأيتُ النَّبِي صلى الله عليه وسلم يتوضَّأ نحو وُضوئي هذا، وقال: (من توضَّأ نحو وُضوئي هذا، ثمَّ صلَّى ركعتين، لا يحدِّث فِيهما نفسه غُفِر له ما تقدَّم من ذنبه).
[صحيح] - [متفق عليه]
المزيــد ...
Humrani, i çrobëruari i Othmanit, tregon se pa Othmanin teksa kërkoi një enë me ujë (për të marrë abdes). Kështu, fillimisht derdhi (ujin nga ena) në duart e tij dhe i lau duart tri herë, pastaj futi dorën e djathtë në ujë dhe shpëlau gojën e hundën dhe e nxori (ujin) jashtë, pastaj lau fytyrën dhe duart deri në bërryla nga tri herë, i dha mes'h kokës dhe, fare në fund, lau secilën këmbë nga tri herë. Pastaj tha: E kam parë Profetin ﷺ duke marrë abdes në këtë formë pastaj tha: "c2">“Atij që merr abdes sikurse ky abdesi im dhe i fal dy rekate, pa u shpërqendruar, do t'i falen mëkatet e së kaluarës.”
Ky hadith është sahih. - Muttefek alejhi.
Ky hadith madhështor përfshin në vete përshkrimin e plotë të Profetit ﷺ. Othmani (Allahu qoftë i kënaqur me të!), meqë dinte mirë si t'i mësonte e t'u shpjegonte, ua mësoi përshkrimin e abdesit të Profetit ﷺ me një metodë praktike, që të jetë më i kuptueshëm. Ai kërkoi një enë me ujë (për të marrë abdes). E, për të mos e përlyer (ujin), nuk e futi dorën brenda (në enë), mirëpo e derdhi (ujin nga ena) në duart e tij dhe i lau duart tri herë, derisa i pastroi. Më pas e futi dorën e tij të djathtë në enë, ku mori ujë, e shpëlau gojën e hundën (dhe e nxori ujin jashtë). Pastaj lau fytyrën e tij tri herë dhe duart e tij, përfshirë bërrylat, nga tri herë, i dha mes'h tërë kokës një herë dhe, fare në fund, lau këmbët nga tri herë. Kur e përfundoi këtë praktikë dhe abdesin plotësisht, i njoftoi se e ka parë Profetin ﷺ duke marrë abdes në këtë formë e pastaj Profeti ﷺ u ka treguar: "Atij që merr abdes sikurse ky abdesi im dhe i fal dy rekate i përkushtuar dhe zemra tij të jetë e pranishme para Zotit të tij të Lartmadhërishëm, Ai, i Lartësuari, në saje të mirësisë së Tij do ta shpërblejë për këtë abdes të plotë dhe për këtë namaz të sinqertë duke ia falur mëkatet e së kaluarës.
Mësime nga hadithi
- Vlera e prijësit të besimtarëve, Othmanit (Allahu qoftë i kënaqur me të!) dhe kujdesi i tij për ta shpërndarë diturinë dhe Sunetin.
- Mësimi me vepër, sepse është më kumtues dhe më i përpiktë.
- Është e pëlqyer të lahen duart para se të futen në enë në fillim të abdesit, edhe nëse nuk është zgjuar nga gjumi, se, nëse është zgjuar nga gjumi i natës, atëherë është obligim të lahen (se nuk e di ku i ka shkuar dora në gjumë).
- Ai që e bën adhurimin për Allahun dhe synon me këtë t'i mësojë njerëzit, nuk do t'i mangësohet gjë prej sinqeritetit.
- Mësuesi duhet të ndjekë metodat më të afërta për kuptimin dhe rrënjosjen e diturisë.
- Ai që futet në adhurim, duhet t'i largojë mendimet që ndërlidhen me punët e kësaj bote, si dhe duhet ta luftojë unin për këtë gjë, sepse njeriut gjatë namazit i vjen ajo gjë me të cilën është preokupuar.
- Pëlqehet që gjatë abdesit dhe gjatë marrjes së ujit për larjen e gjymtyrëve të fillohet nga ana e djathtë.
- Ligjshmëria e renditjes ndërmjet shpëlarjes së gojës, hundës dhe nxjerrjes së ujit prej saj.
- Larja e fytyrës tri herë.
- Mes'hu i tërësishëm i kokës një herë.
- Larja e këmbëve së bashku me thembrat tri herë.
- Është obligim renditja gjatë marrjes së abdesit, sepse Allahu urdhëroi t'i jepet mes'h kokës dhe këtë gjë e ka futur ndërmjet larjes së këmbeve dhe gjymtyrëve të tjera, gjë që tregon se renditja është obligim.
- Ky është përshkrimi i plotë i abdesit të Profetit ﷺ.
- Ligjshmëria e namazit pas abdesit.
- Për të qenë namazi i plotë dhe i përkryer zemra duhet të jetë e pranishme para Allahut të Lartësuar. Këtu ka inkurajim për sinqeritet dhe tërheqje vërejtjeje nga mospranimi i namazit të atij që është shpërqendruar gjatë namazit me çështje të kësaj bote. Atij që i vijnë mendime të kësaj bote për sa kohë që është brenda namazit dhe i largon ato, shpresohet se do ta arrijë këtë shpërblim.
- Larja e duarve së bashku me bërrylat tri herë.
- Shpërblimi i premtuar ndërlidhet duke i bashkuar të dy çështjet: marrjen e abdesit në formën e lartcekur dhe faljen e dy rekateve namaz pas tij në formën e përshkruar më lart.
- Shpërblimi i marrjes së abdesit dhe faljes së dy rekateve me përulje është shkak për faljen e mëkateve të kaluara nga Allahu.