1. Li jiitu
  2. Ràññetle yi
  3. Dégg diine ak i cosaanam

Hadiis ku sangu bisub Àjjuma sangug janaba topp mu dem julli ji, dana mel ni ku saraxe ag giléem

عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنِ اغْتَسَلَ يَوْمَ الجُمُعَةِ غُسْلَ الجَنَابَةِ ثُمَّ رَاحَ، فَكَأَنَّمَا قَرَّبَ بَدَنَةً، وَمَنْ رَاحَ فِي السَّاعَةِ الثَّانِيَةِ، فَكَأَنَّمَا قَرَّبَ بَقَرَةً، وَمَنْ رَاحَ فِي السَّاعَةِ الثَّالِثَةِ، فَكَأَنَّمَا قَرَّبَ كَبْشًا أَقْرَنَ، وَمَنْ رَاحَ فِي السَّاعَةِ الرَّابِعَةِ، فَكَأَنَّمَا قَرَّبَ دَجَاجَةً، وَمَنْ رَاحَ فِي السَّاعَةِ الخَامِسَةِ، فَكَأَنَّمَا قَرَّبَ بَيْضَةً، فَإِذَا خَرَجَ الإِمَامُ حَضَرَتِ المَلاَئِكَةُ يَسْتَمِعُونَ الذِّكْرَ».

Jële nañu ci Abuu Hurayrata yal na ko Yàlla dollee gërëm mu jële ci Yonnente bi yal na ko Yàlla dolli xéewal ak mucc mu wax ne:
«ku sangu bisub Àjjuma sangug janaba topp mu dem julli ji, dana mel ni ku saraxe ag giléem, ku dem ci ñenteelu waxtu wi moo ngi mel ni ku saraxe aw nag, ku dem ci ñatteelu waxtu wi moo ngi mel ni ku jegeele am kuuy mu ami béjjan, ku dem ci ñenteelu waxtu wi moo ngi mel ni ku saraxe ag ginaar, ku dem ci juróomeelu waxtu wi moo ngi mel ni ku saraxe ab nen, bu imaam bi génnee maalaaka yi ñëw di déglu xutba gi».

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér Téere Al-buxaariy bi gën a wér - 881

Leeral gi

Yonnente bi yal na ko Yàlla dolli xéewal ak mucc day xamle ngëneelu teel a dem ca jullig Àjjuma ja, Teel gi nag day tàmbalee ci bu jant bi fenkee ba baa imaam bi di ñëw; moom nag juróomi waxtu la, dees na ko séddale juróomi xaaj ci kem waxtu yi ci diggante bi jant bi fenkee ba baa imaam bi di dugg si di yéeg ci minbar bi ngir xutba:
Bu njëkk bi: ku sangu sangu mu mat kem sangu janaba, topp mu dem ca jàkkay Àjjuma ja ci waxtu wu njëkk wi moo ngi mel ku saraxe ag giléem.
Ñaareel bi: ku dem ci ñaareelu waxtu wi moo ngi mel ni ku saraxe aw nag.
Ñatteel bi: ku dem ci ñatteelu waxtu wi moo ngi mel ni ku saraxe am kuuy -muy xar mu mag- mu am ay béjjan.
Ñenteel bi: ku dem ci ñenteelu waxtu wi moo ngi mel ni ku saraxe ag ginaar.
Juróomeel bi: ku dem ci jurómeelu waxtu wi moo ngi mel ni ku saraxe aw nen.
Bu imaam bi génnee ngir xutba; malaaka yi toogoon ci bunt bi di bind ñiy njëkk a dugg si jàkka ji ak ña ca tege daal di bàyyi mbind mi, ñëw toog di déglu tudd Yàlla gi ak xotba gi.

Bokk na ci njariñi hadiis bi

  1. Soññee ci sangu bisub Àjjuma, balaa ñuy dem ca julli ga.
  2. Ngëneelu teel a dem ca jullig Àjjuma ja ci waxtu wi njëkk ci bëccëg gi.
  3. Soññee ci gaawantu jëm ci jëf yu baax yi.
  4. Malaaka yi dañuy teewe jullig Àjjuma ji di déglu xutba.
  5. Malaaka yi ci bunti jàkka yi lañuy nekk, di bind ñiy ñëw ci jullig Àjjuma ji, ki jiitu ak ka ca tege.
  6. Ibn Rajab nee na: li mu wax ne: "ku sangu bisu Àjjuma, topp mu wéy" day tegtale ne sangu lu ñu sopp la ci bisub Àjjuma, njëlbeenam mooy bu fajar gi fenkee, ag mujjam mooy jëm ca jullig Àjjuma ja.

Gaaral firi yi

53 Làkk wi
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
AZ Azərbaycan الأذربيجانية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية