Ḥadīth: Ang sinumang pupunta kabilang sa inyo sa ṣalāh sa Biyernes ay maligo siya."}

عن عَبْدِ اللهِ بْنِ عُمَرَ رضي الله عنهما قَالَ: سَمِعْتُ رَسُولَ اللهِ صلى الله عليه وسلم يَقُولُ:
«‌مَنْ ‌جَاءَ ‌مِنْكُمُ ‌الْجُمُعَةَ فَلْيَغْتَسِلْ».
[صحيح] - [متفق عليه] - [صحيح البخاري: 894]

Ayon kay `Abdullāh bin `Umar (malugod si Allāh sa kanilang dalawa) na nagsabi: {Nakarinig ako sa Sugo ni Allāh (basbasan siya ni Allāh at pangalagaan) na nagsasabi:
"Ang sinumang pupunta kabilang sa inyo sa ṣalāh sa Biyernes ay maligo siya."}
[Tumpak] - [Nagkasang-ayon sa katumpakan nito] - [Ṣaḥīḥ Al-Bukhārīy - 894]

Ang Pagbibigay-linaw

Nagbibigay-diin ang Propeta (basbasan siya ni Allāh at pangalagaan) na ang sinumang nagnais na pumunta sa ṣalāh sa Biyernes, tunay na isinakaibig-ibig para sa kanya na maligo siya tulad ng pagpaligo para sa janābah.

Ang mga Katuturan ng Ḥadīth

1. Ang pagbibigay-diin sa pagpaligo sa Biyernes, na ito ay sunnah para sa mananampalataya sa araw ng Biyernes, at na ito sa sandali ng pagpunta sa ṣalāh ay maging pinakamainam.
2. Ang pagsisigasig sa kalinisan at kabanguhan ng amoy ay kabilang sa mga kaasalan ng Muslim at mga etiketa niya. Nabibigyang-diin ang usapin sa sandali ng pakikipagkita sa mga tao at pakikisalamuha sa kanila, lalo na sa pagtitipon at mga grupo.
3. Ang pakikipag-usap sa ḥadīth ay ukol sa sinumang kinakailangan sa kanya ang pagdalo sa ṣalāh sa Biyernes dahil siya mismo ay ang pupunta roon.
4. Isinasakaibig-ibig sa sinumang pupunta sa ṣalāh sa Biyernes na siya ay maging malinis kaya maliligo siya hanggang sa maglaho ang mga amoy mula sa katawan niya at magpapabango siya. Kung magsasawa siya ng wuḍū' lamang, sasapat din sa kanya iyon.