Хадис: Силерден кимиңер жума намазына келсе, жуунуп келсин
عن عَبْدِ اللهِ بْنِ عُمَرَ رضي الله عنهما قَالَ: سَمِعْتُ رَسُولَ اللهِ صلى الله عليه وسلم يَقُولُ:
«مَنْ جَاءَ مِنْكُمُ الْجُمُعَةَ فَلْيَغْتَسِلْ».
[صحيح] - [متفق عليه] - [صحيح البخاري: 894]
المزيــد ...
Абдулла бин Умар (аларга Аллах ыраазы болсун) айтат: Аллахтын элчиси (ага Аллахтын тынчтыгы жана мактоосу болсун) минтип айтканын уктум:
"Силерден кимиңер жума намазына келсе, жуунуп келсин".
[Сахих (ишенимдүү)] - [Муттафакун алайхи (хадистин ишенимдүүлүгүнө бир ооздон макулдашылган)] - [Сахих ал-Бухари - 894]
Пайгамбарыбыз (ага Аллахтын тынчтыгы жана мактоосу болсун) жума намазга барууну каалаган адам, жанабаттан жуунгандай жуунуп барганы жакшы экенин баса белгилеп айткан.
Хадистин пайдалары
- Жума намазына жууну баса белгиленген. Бул мусулмандар үчүн сүннөт. Намазга жөнөргө жакын жуунса андан да жакшы болот.
- Тазалыкка жана жагымдуу жытка көңүл буруу мусулман адамдын жакшы адеп-ахлактарынан. Айрыкча адамдарга жолуга турган же чогуу отура турган жерге барганда бул маанилүү. Өзгөчө жума намазына жана жамаат менен намаз окула турган мечиттерге барганда.
- Хадистеги кайрылуу жума намазына баруу моюнуна жүктөлгөн адамдарга гана тиешелүү. Анткени, жума намазына ушулар барат.
- Жумага барган адамдын таза болуусу мустахаб. Ал жуунуп денесинен жагымсыз жытты кетирип, жыттуу нерселерди сүртүнүп алышы керек. Эгер даарат алуу менен чектелсе, бул да жетиштүү болот.
Категориялар
Дагы...
- Хадис: Эгер жаныңдагы адамга жума күнү имам кутба айтып жаткан маалда: "Тынчтанып ук» - десең да, анда куру сөз сүйлөгөн болосуң
- Хадис: Жунуб адамдын кандай жуунуу керектиги тууралуу
- Хадис: Аллахтын элчиси (ага Аллахтын тынчтыгы жана мактоосу болсун) жунубдуктан жуунганда, алгач эки колун жууп, анан намазга даарат алгандай даарат алчу да, андан кийин толук жуунчу
- Хадис: Ар бир мусулман жети күндө бир жуунууга милдеттүү, ошол күндөрдө башын жана денесин жууйт
- Хадис: Кимде-ким жума күнү жунуптуктан жуунгандай жуунуп, анан эртелеп мечитке барса,