ჰადისი: ვინც თქვენგან აპირებს მივიდეს პარასკევის ლოცვაზე, დაე, გააკეთოს სრული განბანვა (ღუსლი)

عن عَبْدِ اللهِ بْنِ عُمَرَ رضي الله عنهما قَالَ: سَمِعْتُ رَسُولَ اللهِ صلى الله عليه وسلم يَقُولُ:
«‌مَنْ ‌جَاءَ ‌مِنْكُمُ ‌الْجُمُعَةَ فَلْيَغْتَسِلْ».
[صحيح] - [متفق عليه] - [صحيح البخاري: 894]

გადმოცემულია აბდულლაჰ იბნ 'უმარისგან(ალლაჰი იყოს მათგან კმაყოფილი), რომელმაც თქვა: გავიგონე, რომ შუამავალი (ალლაჰის ლოცვა და მშვიდობა მას) ამბობდა:
«ვინც თქვენგან აპირებს მივიდეს პარასკევის ლოცვაზე, დაე, გააკეთოს სრული განბანვა (ღუსლი)».
[სანდო (საჰიჰ)] - [შეთანხმებული] - [საჰიჰ ალ-ბუხარი - 894]

განმარტება

მოციქული (ალლაჰის ლოცვა და მშვიდობა მას) ხაზგასმით აღნიშნავს, რომ იმ ადამიანს, ვინც აპირებს პარასკევის ლოცვაზე მისვლას, სასურველია სრულად განიბანოს, რაც მსგავსია იმ განბანვისა, რომელიც სავალდებულოა სქესობრივი კავშირის შემდეგ.

ჰადისის სარგებლობიდან

1. პარასკევის ლოცვის დღეს სრული განბანვის შესრულების მნიშვნელობის დადასტურება, რომელიც სუნნაა მორწმუნისთვის. სასურველია, რომ ეს განბანვა შესრულდეს უშუალოდ ლოცვაზე წასვლის წინ, რადგან ეს დრო ყველაზე უკეთესად ითვლება.
2. სისუფთავისა და სასიამოვნო სურნელზე ზრუნვა არის მუსლიმის თვისება და ზნეობა, განსაკუთრებით მაშინ, როდესაც ის ხვდება ხალხს და იმყოფება მათ საზოგადოებაში. ეს განსაკუთრებულ მნიშვნელობას იძენს პარასკევის ლოცვების და კოლექტიური თაყვანისცემის დროს.
3. ჰადისში მიმართვა განკუთვნილია მათთვის, ვისზეც პარასკევის ლოცვის ვალდებულებაა დაკისრებული, რადგან სწორედ მათ ევალებათ ამ ლოცვაზე მისვლა.
4. სასურველია, რომ მან, ვინც პარასკევის ლოცვაზე მიდის, ყურადღებით დაიცვას საკუთარი სისუფთავე: შეასრულოს სრული განბანვა (ღუსლი), რათა სხეულიდან ნებისმიერი უსიამოვნო სუნი მოიშოროს და გამოიყენოს სურნელოვანი საშუალებები. თუმცა, თუ იგი შემოიფარგლება მხოლოდ მცირე განბანვით (აბდესით), ესეც საკმარისი იქნება.