ჰადისი: ვინც სიზარმაცით გააცდენს სამ პარასკევის ლოცვას, ალლაჰი მის გულს დალუქავს

عَنْ أَبِي الْجَعْدِ الضَّمْرِيِّ رَضيَ اللهُ عنهُ، وَكَانَتْ لَهُ صُحْبَةٌ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ تَرَكَ ثَلَاثَ جُمَعٍ تَهَاوُنًا بِهَا طَبَعَ اللَّهُ عَلَى قَلْبِهِ».
[صحيح] - [رواه أبو داود والترمذي والنسائي وابن ماجه وأحمد] - [سنن أبي داود: 1052]

გადმოცემულია აბუ ჯა'დ ად-დამრისგან (ალლაჰი იყოს მისით კმაყოფილი), ის ერთ-ერთი საჰაბა იყო, რომ ალლაჰის შუამავალმა (ალლაჰის ლოცვა და მშვიდობა მას) თქვა:
«ვინც სიზარმაცით გააცდენს სამ პარასკევის ლოცვას, ალლაჰი მის გულს დალუქავს».
[სანდო (საჰიჰ)] - - [სუნან აბი დაუდ - 1052]

განმარტება

შუამავალმა (ალლაჰის ლოცვა და მშვიდობა მას) გააფრთხილა პარასკევის ლოცვის გაცდენისგან, რადგან ვინც სიზარმაცით და უყურადღებობის გამო სამჯერ პარასკევის ლოცვას მიატოვებს საპატიო მიზეზის გარეშე, ალლაჰი დალუქავს მის გულს და გადააფარებს ფარდას, რომელიც მის გულში სიკეთის მოხვედრას შეუშლის ხელს.

ჰადისის სარგებლობიდან

1. იბნ ალ-მუნზირმა გადმოგვცა მუსლიმთა ერთსულოვანი აზრი, რომ პარასკევის ლოცვა არის ინდივიდუალური სავალდებულო ლოცვა (ფარდ 'აინ).
2. გაფრთხილება, ვინც სიზარმაცით გააცდენს სამ პარასკევის ლოცვას ალლაჰი დალუქავს მის გულს.
3. ვინც გააცდენს პარასკევის ლოცვას საპატიო მიზეზით, ის ამ გაფრთხილებაში არ შედის.
4. აშ-შავქანიმ თქვა: «სიტყვები: (სამი პარასკევის ლოცვა) ამ სიტყვაში შესაძლებელია იგულისხმებოდეს ზოგადად გაცდენა, სულერთია ერთმანეთის მიყოლებით იქნება პარასკევის ლოცვა გაცდენილი თუ სხვადასხვა დროს. თუნდაც ადამიანმა ყოველ წელს ერთი პარასკევის ლოცვა გააცდინოს, უზენაესი ალლაჰი სამი გაცდენის შემდეგ დალუქავს მის გულს, ჰადისი აშკარად ამაზე მიუთითებს, ასევე შესაძლებელია, რომ აქ იგულისხმებოდეს ერთმანეთის მიყოლებით ზედიზედ გაცდენა».