Hadiis: Ned sã n bas arzũm-rãmb a tãabo, ne yam yaal-yaale, Wẽnd pagda a sũurã

عَنْ أَبِي الْجَعْدِ الضَّمْرِيِّ رَضيَ اللهُ عنهُ، وَكَانَتْ لَهُ صُحْبَةٌ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ تَرَكَ ثَلَاثَ جُمَعٍ تَهَاوُنًا بِهَا طَبَعَ اللَّهُ عَلَى قَلْبِهِ».
[صحيح] - [رواه أبو داود والترمذي والنسائي وابن ماجه وأحمد] - [سنن أبي داود: 1052]

Yii a Abɩɩ Gaʿad Aḍ-Ḍamriy nengẽ, (Wẽnd yard be a yĩnga) a rag n yaa sahaabga, tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a yeelame:
«Ned sã n bas arzũm-rãmb a tãabo, ne yam yaal-yaale, Wẽnd pagda a sũurã».
[Naṣʋn Ṣahɩɩhʋn (Gom-sikdem sẽn manege)] - [رواه أبو داود والترمذي والنسائي وابن ماجه وأحمد] - [Sunan Abɩɩ Daawʋʋd - 1052]

bilgrã

Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) bugsdame tɩ b ra bas arzũmã Pʋʋsg ye, la ad ned ning sẽn basa arzũm-rãmb a tãab Pʋʋsgo, ne yam yaal-yaale la maan-n-kʋʋge, tɩ padang ka be, Wẽnd pagda a sũurã, t'a gɩdgd sõmã wã tɩ ka tat-a ye.

Sẽn be Hɑdiisã yõod-rãmbẽ

1. A ɭbn Al-Munzɩr togsa bãngdbã no-sɩʋʋre tɩ arzũmã Pʋʋsg yaa tɩlae ne ned fãa.
2. Pʋleng wẽngã yɩta ne ned ning sẽn basa arzũmã Pʋʋsg ne yam yaal-yaalã, tɩ Wẽnd na n pag a sũurã.
3. Ned ning sẽn basa arzũm Pʋʋsgo, sẽn tũ ne padanga, a ka kẽed pʋleng wẽng-kãngã pʋgẽ ye.
4. Aš-šawkaaniy yeelame (Wẽnd na yols-a): a koεεgã a sẽn yeel tɩ (arzũm-rãmb a tãabã) tõe t'a raabã yaa basg bala, zem tɩ tũnuga taaba maa arzũm-rãmba welga taaba, baa t'a sã n bas yʋʋmd a yembre pʋgẽ fãa arzũm a yembre, arzũmã a tãabã loogr poorẽ, Wẽnd pagda a sũurã (A Naam zẽk yã) yaa woto la hadiisã vẽenega, la tõeeme tɩ b rata arzũm-rãmb a tãab sẽn pʋgl taaba.