Ḥadīth: Ang sinumang nag-iwan ng tatlong [ṣalāh sa] Biyernes dala ng pagwawalang-bahala, magpipinid si Allāh sa puso niya."}

عَنْ أَبِي الْجَعْدِ الضَّمْرِيِّ رَضيَ اللهُ عنهُ، وَكَانَتْ لَهُ صُحْبَةٌ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ تَرَكَ ثَلَاثَ جُمَعٍ تَهَاوُنًا بِهَا طَبَعَ اللَّهُ عَلَى قَلْبِهِ».
[صحيح] - [رواه أبو داود والترمذي والنسائي وابن ماجه وأحمد] - [سنن أبي داود: 1052]

Ang saling ito ay nangangailangan ng dagdag na pagrerepaso at pag-eeksakto..

Ayon kay Abu Al-Ja`d Aḍ-Ḍamrīy (malugod si Allāh sa kanya), na nagkaroon ng pagkakasamahan [ng Propeta]: {Ang Sugo ni Allāh (basbasan siya ni Allāh at pangalagaan) ay nagsabi:
"Ang sinumang nag-iwan ng tatlong [ṣalāh sa] Biyernes dala ng pagwawalang-bahala, magpipinid si Allāh sa puso niya."}
[Tumpak] - [Nagsalaysay nito sina Imām Abū Dāwud, Imām At-Tirmidhīy, Imām An-Nasā'īy, Imām Ibnu Mājah, at Imām Aḥmad] - [Sunan Abī Dāwud - 1052]

Ang Pagbibigay-linaw

Nagbigay-babala ang Propeta (basbasan siya ni Allāh at pangalagaan) na ang sinumang nag-iwan ng ṣalāh sa Biyernes nang tatlong ulit dala ng pagwawalang-bahala at dala ng pagkukulang nang walang maidadahi-dahilan, magpapasak at magtatakip si Allāh sa puso niya sa pamamagitan ng paghadlang sa pagpapaabot na kabutihan sa kanya.

Ang mga Katuturan ng Ḥadīth

1. Nagkuwento si Ibnu Al-Mundhir ng pagkakabuklod ng hatol na ang ṣalāh sa Biyernes ay isang tungkulin ng isang individuwal.
2. Ang banta laban sa sinumang nagwaksi ng [ṣalāh sa] sa Biyernes dala ng pagwawalang-bahala na magpinid si Allāh sa puso niya.
3. Ang sinumang nagwaksi [ng ṣalāh] sa Biyernes dahil sa isang madadahilan ay hindi napaloloob sa banta.
4. Nagsabi si Ash-Shawkānīy: Ang sabi niya: "tatlong [ṣalāh sa] Biyernes" ay nagsasaposibilidad na tumukoy ito sa pagkapangyari ng pagwaksi nang walang pasubali, maging nagkasunod man ang mga Biyernes o nagkahiwa-hiwalay ang mga ito, kahit kung sakaling nagwaksi sa bawat taon ng isang Biyernes ay talagang magpipinid si Allāh (napakataas Siya) sa puso niya matapos ng ikatlong pagwaksi. Ito ay ang hayag na kahulugan ng ḥadīth. Nagsasaposibiidad [din] na tinutukoy ang tatlong Biyernes na nagkakasunuran.