Hadithi: “Atij që i lë tri xhuma pa arsye, Allahu do t'ia vulosë zemrën.”

عَنْ أَبِي الْجَعْدِ الضَّمْرِيِّ رَضيَ اللهُ عنهُ، وَكَانَتْ لَهُ صُحْبَةٌ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ تَرَكَ ثَلَاثَ جُمَعٍ تَهَاوُنًا بِهَا طَبَعَ اللَّهُ عَلَى قَلْبِهِ».
[صحيح] - [رواه أبو داود والترمذي والنسائي وابن ماجه وأحمد] - [سنن أبي داود: 1052]

Ebu Xha'd Damriu (Allahu qoftë i kënaqur me të!), i cili e kishte shoqëruar Profetin, transmetoi se i Dërguari i Allahut ﷺ ka thënë:
“Atij që i lë tri xhuma pa arsye, Allahu do t'ia vulosë zemrën.”
[Sahih] - [رواه أبو داود والترمذي والنسائي وابن ماجه وأحمد] - [Suneni i Ebu Davudit - 1052]

Shpjegimi

Profeti ﷺ në këtë hadith paralajmëroi kundër lënies së namazit të Xhumasë, duke sqaruar se atij që i lë tri xhuma nga përtacia dhe neglizhenca, pa ndonjë arsye të vlefshme, Allahu do t'ia vulosë dhe t'ia mbulojë zemrën, duke e penguar që e mira të arrijë tek ajo.

Mësime nga hadithi

1. Ibn Mundhiru ka përcjellë konsensusin e dijetarëve se namazi i Xhumasë është detyrë individuale (ar. farz ajn).
2. Ky hadith përmban kërcënim për atë që e lë Xhumanë nga neglizhenca, se Allahu do t’ia vulosë zemrën.
3. Ky kërcënim nuk e përfshin atë që e lë Xhumanë për ndonjë arsye të vlefshme.
4. Sheukaniu ka thënë: "Sa i përket fjalës së tij: “tri xhuma”, kjo mund të nënkuptojë lënien e Xhumasë në çfarëdo forme, qoftë njëra pas tjetrës apo me ndërprerje, edhe sikur të linte një xhuma çdo vit. Pas herës së tretë, Allahu i Lartësuar do t’ia vuloste zemrën, sipas kuptimit të dukshëm të hadithit. Gjithashtu, mund të nënkuptojë (nëse lihen) tri xhuma radhazi."