Hadithi: “Disa njerëz ose le t'i japin fund lënies së xhumave, ose Allahu do t'ua vulosë zemrat, e pastaj do të jenë nga të shkujdesurit.”

عن عبد الله بن عُمر وأبي هريرة رضي الله عنهما أنهما سمعا رسول الله صلى الله عليه وسلم، يقول على أعواد منبره:
«لَيَنْتَهِيَنَّ أَقْوَامٌ عَنْ وَدْعِهِمُ الْجُمُعَاتِ أَوْ لَيَخْتِمَنَّ اللهُ عَلَى قُلُوبِهِمْ، ثُمَّ لَيَكُونُنَّ مِنَ الْغَافِلِينَ».
[صحيح] - [رواه مسلم] - [صحيح مسلم: 865]

Abdullah ibn Omeri dhe Ebu Hurejra (Allahu qoftë i kënaqur me ta!) transmetojnë se i Dërguari i Allahut ﷺ, teksa ishte në shkallët e minberit, tha:
“Disa njerëz ose le t'i japin fund lënies së xhumave, ose Allahu do t'ua vulosë zemrat, e pastaj do të jenë nga të shkujdesurit.”
[Sahih] - [Transmeton Muslimi] - [Sahihu i Muslimit - 865]

Shpjegimi

Profeti, ﷺ teksa ishte në minber, paralajmëroi kundër lënies së namazit të Xhumasë dhe mungesës në të pa arsye, nga neglizhenca dhe përtacia, përndryshe Allahu do t’ua vulosë zemrat, do t’i mbulojë ato dhe do të vendosë mbi to një pengesë që i ndalon nga ndjekja e së vërtetës. Pastaj ata do të bëhen prej të shkujdesurve ndaj shkaqeve të së mirës, me shpirtra që largohen nga adhurimet.

Mësime nga hadithi

1. Paralajmërimi i rreptë kundër mosmarrjes pjesë në namazin e Xhumasë dhe se kjo bën pjesë në mëkatet e mëdha.
2. Neveviu ka thënë: "Kjo tregon se namazi i Xhumasë është detyrim individual (ar. farz ajn)."
3. Ligjshmëria e përdorimit të minberit për mbajtjen e hutbes.
4. Sindiu ka thënë: "Kuptimi është se njëra nga dy gjërat do të ndodhë patjetër: ose do të heqin dorë nga braktisja e namazit të Xhumasë, ose Allahu i Lartësuar do t’ua vulosë zemrat. Vazhdimi i braktisjes së namazit të Xhumasë bën që zemra të mbulohet nga ndryshku dhe shpirtrat ta humbin dëshirën për akte të adhurimit."
5. Predikuesi dhe këshilluesi duhet të përmbahet nga përmendja e emrave të atyre që dëshiron t’i këshillojë, sepse kjo mënyrë është më e përshtatshme për pranimin e këshillës dhe zbatimin e urdhrave.