Hadith: “ចូរឲ្យក្រុមទាំងឡាយដែលបោះបង់ចោលជុមអាត់ត្រូវតែបពា្ឈប់សកម្មភាពនេះ។ បើមិនដូច្នោះទេ អល់ឡោះជាម្ចាស់នឹងបោះត្រាភ្ជិតទៅលើដួងចិត្ដរបស់ពួកគេ។ ក្រោយមក ពួកគេប្រាកដជានឹងក្លាយជាអ្នកព្រងើយកន្ដើយជាមិនខាន”។

عن عبد الله بن عُمر وأبي هريرة رضي الله عنهما أنهما سمعا رسول الله صلى الله عليه وسلم، يقول على أعواد منبره:
«لَيَنْتَهِيَنَّ أَقْوَامٌ عَنْ وَدْعِهِمُ الْجُمُعَاتِ أَوْ لَيَخْتِمَنَّ اللهُ عَلَى قُلُوبِهِمْ، ثُمَّ لَيَكُونُنَّ مِنَ الْغَافِلِينَ».
[صحيح] - [رواه مسلم] - [صحيح مسلم: 865]

អំពី អាប់ទុលឡោះ ពិន អ៊ូមើរ និង អាពូហ៊ូរ៉យរ៉ោះ رضي الله عنهما ពិតណាស់គាត់ទាំងពីរបានឮរ៉ស៊ូលុលឡោះ ﷺ លោកបានមានប្រសាសន៍ដោយកាន់ឈើច្រត់នៅលើមិមពើររបស់លោកថា៖
“ចូរឲ្យក្រុមទាំងឡាយដែលបោះបង់ចោលជុមអាត់ត្រូវតែបពា្ឈប់សកម្មភាពនេះ។ បើមិនដូច្នោះទេ អល់ឡោះជាម្ចាស់នឹងបោះត្រាភ្ជិតទៅលើដួងចិត្ដរបស់ពួកគេ។ ក្រោយមក ពួកគេប្រាកដជានឹងក្លាយជាអ្នកព្រងើយកន្ដើយជាមិនខាន”។
[صحيح] - [رواه مسلم] - [صحيح مسلم - 865]

Explanation

ក្នុងពេលដែលណាពី ﷺ នៅលើមិមពើរ លោកបានព្រមានជនទាំងឡាយដែលបោះបង់ គេចវេះមិនចូលរួមសឡាតជុមអាត់ដោយគ្មានមូលហេតុអនុគ្រោះដោយការធ្វេសប្រហែស ឬខ្ជិលច្រអូសត្រូវតែបពា្ឈប់សកម្មភាពនេះ។ បើមិនដូច្នោះទេ អល់ឡោះជាម្ចាស់នឹងបោះត្រាភ្ជិតទៅលើដួងចិត្ដរបស់ពួកគេ ដាក់គម្របលើដួងចិត្តនោះ ព្រមទាំងធ្វើឲ្យមាននៅលើដួងចិត្តរបស់ពួកគេនោះនូវរនាំងដែលរារាំងវាអំពីការដើរតាមសេចក្តីពិត។ ក្រោយមក ពួកគេប្រាកដជានឹងក្លាយជាអ្នកព្រងើយកន្ដើយពីមូលហេតុដែលនាំមកនូវប្រការល្អ និងមើលស្រាលចំពោះការគោរពតាមបង្គាប់ជាមិនខាន។

Benefits from the Hadith

1. ព្រមានចំពោះការគេចវេះមិនចូលរួមសឡាតជុមអាត់ ហើយវាស្ថិតក្នុងចំណោមបាបកម្មធំ។
2. អាន់ណាវ៉ាវី បាននិយាយថា៖ ហាទីស្ហនេះបញ្ជាក់ថា ការសឡាតជុមអាត់ គឺជាកាតព្វកិច្ចលើជនមូស្លីមគ្រប់រូប។
3. បង្គាប់ប្រើឲ្យធ្វើមិមពើរដើម្បីថ្លែងឃុតហ្ពះ។
4. អាស្ស៊ិនទី បាននិយាយថា៖ អត្ថន័យរបស់វា ពោលគឺមានរឿងពីរដែលត្រូវកើតឡើងដោយចៀសមិនផុត គឺត្រូវបញ្ឈប់ការបោះបង់ចោលសឡាតជុមអាត់ ឬមួយក៏អល់ឡោះជាម្ចាស់នឹងបោះត្រាភ្ជិតទៅលើដួងចិត្តរបស់ពួកគេ ពីព្រោះការមានទម្លាប់បោះបង់សឡាតជុមអាត់ គឺធ្វើឲ្យស្នឹមគ្របដណ្តប់លើដួងចិត្ត ងធ្វើឱ្យព្រលឹងមើលស្រាលចំពោះការគោរពតាមបង្គាប់។
5. គប្បីលើអ្នកទូន្មាន និងអ្នកដាស់រំលឹកត្រូវលាក់ឈ្មោះបុគ្គលដែលខ្លួនចង់ទូន្មាន(ណែនាំជាទូទៅដោយមិនរំលឹកចំៗឈ្មោះ) ព្រោះការធ្វើដូចនោះ គឺធ្វើឲ្យជននោះងាយនឹងទទួលយកការដាស់តឿន ហើយអនុវត្តតាមបទបញ្ជាទាំងឡាយ។