فەرموودە: ((سه‌رشویشتنا ڕۆژا ئه‌ینییێ واجبه‌ ل سه‌ر هه‌ر كه‌سه‌كێ بالغ و كو ئه‌و سیواكی بكار بینیت و كو بێهنه‌كا خۆش ل خۆ بكەت ئه‌گه‌ر ب ده‌ست بكه‌ڤیت))

عَنْ عَمْرِو بْنُ سُلَيْمٍ الأَنْصَارِيُّ قَالَ: أَشْهَدُ عَلَى أَبِي سَعِيدٍ قَالَ: أَشْهَدُ عَلَى رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«الغُسْلُ يَوْمَ الجُمُعَةِ وَاجِبٌ عَلَى كُلِّ مُحْتَلِمٍ، وَأَنْ يَسْتَنَّ، وَأَنْ يَمَسَّ طِيبًا إِنْ وَجَدَ».
[صحيح] - [متفق عليه] - [صحيح البخاري: 880]

عه‌مرێ كوڕێ سوله‌یمێ ئه‌نصاڕی دبێژیت: ئه‌ز شاهده‌ییێ ل سه‌ر ئه‌بو سه‌عیدی دده‌م كو وی گۆت: ئه‌ز شاهده‌ییێ ل سه‌ر پێغه‌مبه‌رێ خودێ (صه‌لات و سه‌لامێن خودێ ل سه‌ر بن) دده‌م كو وی گۆت:
((سه‌رشویشتنا ڕۆژا ئه‌ینییێ واجبه‌ ل سه‌ر هه‌ر كه‌سه‌كێ بالغ و كو ئه‌و سیواكی بكار بینیت و كو بێهنه‌كا خۆش ل خۆ بكەت ئه‌گه‌ر ب ده‌ست بكه‌ڤیت)).
[صحيح] - [متفق عليه] - [صحيح البخاري - 880]

شیکردنەوە

پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو سه‌رشویشتنا ڕۆژا ئه‌ینییێ وه‌كی كارێ فه‌ر و واجب؛ كاره‌كێ پێدڤییه‌ و پشتڕاستكرن ل سه‌ر هاتییه‌ كرن بۆ هه‌ر زه‌لامه‌كێ بالغ یێ نڤێژا ئه‌ینییێ ل سه‌ر فه‌ڕز بیت، و كو ددانێن خۆ ب سیواكی یان تشتێن وه‌كی وی پاقژ بكه‌ت، و كو بێهنه‌كا خۆش ل خۆ بكەت.

لە سوودەکانی فەرموودەکە

1. گرنگی و پشتڕاستكرن ل سه‌ر سوننه‌تبوونا سه‌رشویشتنا ڕۆژا ئه‌ینییێ بۆ هه‌ر زه‌لامه‌كێ موسلمانێ بالغ.
2. خۆپاقژكرن و نه‌هێلانا بێهنێن نه‌خۆش كاره‌كێ داخوازكرییه‌ ژ لایێ شه‌ریعه‌تیڤه‌ بۆ موسلمانی.
3. مه‌زنكرنا ڕۆژا ئه‌ینییێ و خۆ بۆ ئاماده‌كرن.
4. گرنگی و پشتڕاستكرن ل سه‌ر بكارئینانا سیواكی بۆ ڕۆژا ئه‌ینییێ.
5. سوننه‌تبوونا بێهنخۆشكرنێ ب هه‌ر بێهنه‌كا خۆش به‌ری چوونێ بۆ نڤێژا ئه‌ینییێ.
6. ژن ده‌مێ ژ مال ده‌ردكه‌ڤیت بۆ نڤێژێ یان بۆ هه‌ر كاره‌كی، دروست نینه‌ بێهنێن خۆش ل خۆ بكەت؛ ژ به‌ر كو سوننه‌ت و فه‌رمووده‌ وێ چه‌ندێ دیار دكه‌ن كو ئه‌ڤ كاره‌ ل سه‌ر ژنێ یێ حه‌رامه‌.
7. كه‌سێ بالغ ئه‌وه‌ یێ گه‌هشتبیته‌ ژییێ بالغبوونێ و بالغبوون ب چه‌ندین نیشانان دهێته‌ ناسین: سێ ژ وان زه‌لام و ژن تێدا دهه‌ڤپشكن: یا ئێكێ: ته‌مامكرنا پازده‌ سالییێ. یا دووێ: شینبوونا مویێن ستویر و زڤڕ ل ده‌ورێن عه‌وره‌تی. یا سێیێ: هاتنا ئاڤا شه‌هوه‌تێ (مه‌نی) چ ب خه‌ون بیت یان ب شه‌هوه‌ت بیت، هه‌تا ئه‌گه‌ر بێی خه‌ون ژی بیت. به‌لێ نیشانا چارێ یا تایبه‌ته‌ ب ژنێڤه‌ كو ئه‌و ژی: زڤڕۆكا هه‌یڤانه‌یه‌، ڤێجا ئه‌گه‌ر ژن تووشی زڤڕۆكا هه‌یڤانه‌ بوو؛ ئه‌ڤه‌ ئه‌و بالغ بوو‌.