ഹദീസ്: വെള്ളിയാഴ്ച്ച ദിവസം കുളിക്കുക എന്നത് പ്രായപൂർത്തിയായ എല്ലാവർക്കും മേൽ നിർബന്ധമാണ്. (അതു പോലെ) പല്ലുതേക്കുക എന്നതും, സുഗന്ധം ലഭ്യമാണെങ്കിൽ അത് പുരട്ടുക എന്നതും

عَنْ عَمْرِو بْنُ سُلَيْمٍ الأَنْصَارِيُّ قَالَ: أَشْهَدُ عَلَى أَبِي سَعِيدٍ قَالَ: أَشْهَدُ عَلَى رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«الغُسْلُ يَوْمَ الجُمُعَةِ وَاجِبٌ عَلَى كُلِّ مُحْتَلِمٍ، وَأَنْ يَسْتَنَّ، وَأَنْ يَمَسَّ طِيبًا إِنْ وَجَدَ».
[صحيح] - [متفق عليه] - [صحيح البخاري: 880]

അംറുബ്‌നു സുലൈം അൽ അൻസ്വാരീ -رَضِيَ اللَّهُ عَنْهُ- നിവേദനം: അബൂ സഈദ് അൽ ഖുദ്‌രി ഇപ്രകാരം പറഞ്ഞതായി ഞാൻ സാക്ഷ്യം വഹിക്കുന്നു: (അബൂ സഈദ് പറഞ്ഞു:) നബി -ﷺ- പറഞ്ഞതായി ഞാൻ സാക്ഷ്യം വഹിക്കുന്നു:
"വെള്ളിയാഴ്ച്ച ദിവസം കുളിക്കുക എന്നത് പ്രായപൂർത്തിയായ എല്ലാവർക്കും മേൽ നിർബന്ധമാണ്. (അതു പോലെ) പല്ലുതേക്കുക എന്നതും, സുഗന്ധം ലഭ്യമാണെങ്കിൽ അത് പുരട്ടുക എന്നതും."
[صحيح] - [متفق عليه] - [صحيح البخاري - 880]

വിശദീകരണം

വെള്ളിയാഴ്ച്ച ദിവസം കുളിക്കൽ പ്രായപൂർത്തിയായ ജുമുഅ നിർബന്ധമുള്ള, ഓരോ മുസ്‌ലിം പുരുഷനും നിർബന്ധമായ ഒരു കർമ്മം ചെയ്യുന്നത് പോലെ പ്രാധാന്യമുള്ളതാണ്. പല്ലുകൾ തേച്ചു വൃത്തിയാക്കുക എന്നതും, നല്ല മണമുള്ള സുഗന്ധങ്ങളിൽ ഏതെങ്കിലും പുരട്ടുക എന്നതും ഇതു പോലെത്തന്നെ.

ഹദീഥിൻ്റെ പാഠങ്ങളിൽ നിന്ന്

1. പ്രായപൂർത്തിയായ ഓരോ മുസ്‌ലിം പുരുഷനും വെള്ളിയാഴ്ച്ച ദിവസം കുളിക്കുക എന്നത് - മുഅക്കദത്തായ - ഏറ്റവും പ്രാധാന്യമുള്ള സുന്നത്താണ്.
2. വൃത്തി കാത്തുസൂക്ഷിക്കലും, ദുർഗന്ധങ്ങൾ നീക്കലും ഒരു മുസ്‌ലിമിനെ സംബന്ധിച്ചിടത്തോളം മതപരമായ ബാധ്യതയാണ്.
3. വെള്ളിയാഴ്ച്ച ദിവസത്തെ ആദരിക്കലും, അതിന് വേണ്ടി ഒരുങ്ങേണ്ടതിൻ്റെ ആവശ്യകതയും.
4. വെള്ളിയാഴ്ച്ച ദിവസം പല്ലു തേക്കുക എന്നത് ഏറെ പ്രധാനപ്പെട്ട സുന്നത്താണ്.
5. ജുമുഅഃക്ക് പോകുന്നതിന് മുൻപ് എന്തെങ്കിലും സുഗന്ധം പുരട്ടൽ സുന്നത്താണ്.
6. സ്ത്രീകൾ മസ്ജിദിലേക്കോ മറ്റോ പുറപ്പെടുമ്പോൾ സുഗന്ധം പൂശൽ അനുവദനീയമല്ല; അപ്രകാരം ചെയ്യുന്നത് വിലക്കിയ ഹദീഥുകൾ സ്ഥിരപ്പെട്ടിട്ടുണ്ട്.
7. പ്രായപൂർത്തി എത്തിയവനെ കുറിച്ചാണ് ഹദീഥിൽ 'മുഹ്തലിം' എന്ന് പറഞ്ഞത്. പ്രായപൂർത്തി എത്തി എന്ന് അറിയിക്കുന്ന ചില അടയാളങ്ങളുണ്ട്. അതിൽ മൂന്ന് കാര്യങ്ങൾ പുരുഷനും സ്ത്രീക്കും ഒരു പോലെ ഉണ്ടാവുന്നതാണ്. അവ:
8. ഒന്ന്: പതിനഞ്ചു വയസ്സ് തികയുക.
9. രണ്ട്: ഗുഹ്യസ്ഥാനത്തിന് ചുറ്റും കട്ടിയുള്ള രോമം മുളക്കുക.
10. മൂന്ന്: സ്വപ്നസ്ഖലനം മുഖേനയോ, അതല്ലാത്ത ലൈംഗികതാൽപ്പര്യത്തോടെയോ ഇന്ദ്രിയം പുറപ്പെടുക.
11. നാലാമത്തെ അടയാളം സ്ത്രീകൾക്ക് മാത്രം പ്രത്യേകമായതാണ്. ആർത്തവം സംഭവിക്കുക എന്നതാണത്. സ്ത്രീക്ക് ആർത്തവം ആരംഭിച്ചാൽ അതോടെ അവൾ പ്രായപൂർത്തിയായി.