ഹദീസ്: നിങ്ങൾ മൂത്രമൊഴിച്ചാൽ ശുദ്ധീകരിക്കുക. ഖബർ ശിക്ഷയിൽ മിക്കതും അത് കാരണത്താലാണ്.
عن أبي هريرة رضي الله عنه مرفوعًا: «اسْتَنْزِهوا من البول؛ فإنَّ عامَّة عذاب القبر منه».
[صحيح] - [رواه الدارقطني]
المزيــد ...
അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "നിങ്ങൾ മൂത്രമൊഴിച്ചാൽ ശുദ്ധീകരിക്കുക. ഖബർ ശിക്ഷയിൽ മിക്കതും അത് കാരണത്താലാണ്."
സ്വഹീഹ് - ദാറഖുത്നി ഉദ്ധരിച്ചത്
ഖബർ ശിക്ഷയുടെ കാരണങ്ങളിൽ ഒന്ന് നബി -ﷺ- ഈ ഹദീഥിൽ നമുക്ക് വിശദീകരിച്ചു തന്നിരിക്കുന്നു. അത്തരം കാരണങ്ങളുടെ കൂട്ടത്തിൽ ജനങ്ങൾക്കിടയിൽ ഏറ്റവും വ്യാപകമായ ഒരു കാര്യമാണത്. മൂത്രമൊഴിച്ചാൽ ശരിയായി ശുദ്ധീകരിക്കാതിരിക്കുകയും, വൃത്തിയാക്കാതിരിക്കുകയും ചെയ്യുക എന്നതാണത്.
ഹദീഥിൻ്റെ പാഠങ്ങളിൽ നിന്ന്
- * മൂത്രം ശുദ്ധീകരിക്കുന്നതിൽ കാത്തുസൂക്ഷിക്കേണ്ട ശ്രദ്ധയും, ശരീരത്തിലോ വസ്ത്രത്തിലോ മൂത്രമാകാതിരിക്കാൻ അതിൽ നിന്ന് അകലം പാലിക്കേണ്ടതിൻ്റെ ആവശ്യകതയും.
- * മൂത്രം ഒഴിക്കുകയോ ശരീരത്തിലാവുകയോ ചെയ്താൽ ഏറ്റവും പെട്ടെന്ന് കഴുകുകയും, ശുദ്ധീകരിക്കുകയും ചെയ്യുന്നതാണ് കൂടുതൽ നല്ലത്. കാരണം നജസ് ഒപ്പം കൊണ്ടുനടക്കുന്നത് അതിലൂടെ ഒഴിവാക്കാൻ കഴിയും. എന്നാൽ നമസ്കാരത്തിൻ്റെ സന്ദർഭത്തിൽ അത് ശുദ്ധീകരിക്കുക എന്നത് നിർബന്ധമാകുന്നതാണ്.
- * മൂത്രം നജസാണ്. അത് ശരീരത്തിലോ വസ്ത്രത്തിലോ ഏതെങ്കിലും പ്രതലത്തിലോ ആയാൽ അവിടം നജസാകും. ആ അവസ്ഥയിൽ നമസ്കാരം ശരിയാവുകയില്ല. കാരണം നജസുകളിൽ നിന്ന് ശുദ്ധിയാവുക എന്നത് നമസ്കാരത്തിൻ്റെ നിബന്ധനകളിൽ ഒന്നാണ്.
- * മൂത്രം ഒഴിക്കുന്നത് ശുദ്ധീകരിക്കാതിരിക്കുക എന്നത് വൻപാപങ്ങളിൽ പെട്ട കാര്യമാണ്.
- * ഖബറിൽ ശിക്ഷയുണ്ട് എന്ന കാര്യം ഈ ഹദീഥ് സ്ഥിരീകരിക്കുന്നു. ഖുർആനിലും സുന്നത്തിലും സ്ഥിരപ്പെട്ട, പണ്ഡിതന്മാർക്കിടയിൽ ഏകാഭിപ്രായമുള്ള വിഷയമാണത്.
- * പരലോകത്തെ പ്രതിഫലം സ്ഥിരീകരിക്കുന്നു. പരലോകത്തിൻ്റെ ആദ്യത്തെ ഘട്ടമാണ് ഖബർ. മനുഷ്യരുടെ ഖബറുകൾ ഒന്നല്ലെങ്കിൽ സ്വർഗത്തിലെ പൂന്തോപ്പുകളിൽ ഒരു പൂന്തോപ്പായിരിക്കും. അല്ലെങ്കിൽ നരകത്തിൻ്റെ ഗർത്തങ്ങളിലൊന്നായിരിക്കും.
വിഭാഗങ്ങൾ
കൂടുതൽ
- ഹദീസ്: ആരെങ്കിലും അശ്ലീലമോ ധിക്കാരമോ പ്രവർത്തിക്കാതെ ഹജ്ജ് ചെയ്താൽ മാതാവ് അവനെ പ്രസവിച്ച ദിവസത്തേതു പോലെയാണ് അവൻ മടങ്ങിവരിക.
- ഹദീസ്: വൻ പാപങ്ങളിൽ ഏറ്റവും വലുത് ഏതാണെന്ന് ഞാൻ നിങ്ങൾക്ക് അറിയിച്ചു തരട്ടെയോ?
- ഹദീസ്: ഒരാൾ തന്റെ (മുസ്ലിം) സഹോദരനെ ഇഷ്ടപ്പെടുന്നുണ്ടെങ്കിൽ അവൻ അയാളെ ഇഷ്ടപ്പെടുന്നുണ്ടെന്ന് അയാളെ അറിയിക്കട്ടെ.
- ഹദീസ്: അല്ലാഹുവിൽ പങ്കുചേർക്കൽ, മാതാപിതാക്കളെ ഉപദ്രവിക്കൽ, കൊലപാതകം, കള്ളസത്യം എന്നിവ വൻപാപങ്ങളാകുന്നു.
- ഹദീസ്: പ്രയാസത്തിലും എളുപ്പത്തിലും, സന്തോഷത്തിലും ദുഃഖത്തിലും (നബി -ﷺ- യുടെ കൽപ്പനകൾ) കേൾക്കുകയും അനുസരിക്കുകയും ചെയ്യാമെന്നും, ഞങ്ങളുടെ കാര്യത്തേക്കാൾ അവിടുത്തെ കാര്യം പ്രാധാന്യത്തിൽ എടുക്കാമെന്നും, ഭരണാധികാരികളോട് അധികാരത്തിൻ്റെ കാര്യത്തിൽ എതിർത്തു നിൽക്കില്ലെന്നും ഞങ്ങൾ റസൂൽ -ﷺ- യോട് ബയ്അത് (കരാർ) ചെയ്തു.
- ഹദീസ്: ഭക്ഷണം സന്നിഹിതമായാൽ നിസ്കാരമില്ല. മലമൂത്ര വിസർജ്ജനം ആവശ്യമായി വന്നാലും നിസ്കാരമില്ല.
- ഹദീസ്: വെള്ളിയാഴ്ച ദിവസം ഇമാം ഖുതുബ പറഞ്ഞു കൊണ്ടിരിക്കെ നിൻ്റെ സഹോദരനോട് 'മിണ്ടാതിരിക്കൂ' എന്ന് പറഞ്ഞാൽ നീ അനാവശ്യം പ്രവർത്തിച്ചിരിക്കുന്നു.