Hadithi: Ruajuni nga urina, sepse dënimi më i shumtë i varrit është për shkak të saj
عن أبي هريرة رضي الله عنه مرفوعًا: «اسْتَنْزِهوا من البول؛ فإنَّ عامَّة عذاب القبر منه».
[صحيح] - [رواه الدارقطني]
المزيــد ...
Ebu Hurejra (Allahu qoftë i kënaqu me të!) tregon se Profeti ﷺ ka thënë: "Ruajuni nga urina, sepse dënimi më i shumtë i varrit është për shkak të saj!"
[Ky hadith është sahih] - [E shënon Darakutniu]
Në këtë hadith, Profeti ﷺ na shpjegon një nga arsyet më të zakonshme të dënimit të varrit, që është mosruajtja dhe mospastrimi nga urina.
Mësime nga hadithi
- Kujdesi që të jemi të pastër dhe të largohemi nga urina, në mënyrë që ajo të mos prekë në trupin dhe rrobat tona.
- Më mirë është të shpejtohet larja e saj dhe të pastrohemi pasi të jemi përlyer me të, që të mos na shoqërojë papastërtia, por obligim është që kjo papastërti të largohet para namazit (se namazi nuk pranohet duke qenë i papastër).
- Urina është e papastër, kështu që, nëse ndodhet në trup, rrobë ose në një vend, e bën të papastër, rrjedhimisht namazi nuk është i vlefshëm, sepse të qenët i pastër nga papastërtia është një nga kushtet e namazit.
- Mosruajtja nga urina është prej mëkateve të mëdha.
- Pohimi se dënimi i varrit është i vërtetë dhe se ai është i vërtetuar me Kuran, sunet dhe ixhma (konsensus të dijetarëve).
- Pohimi i shpërblimit - ndëshkimit në botën tjetër. Fazat e para të ahiretit (botës tjetër) janë varret. Varri ose është kopsht i Xhenetit, ose gropë e Zjarrit.
Kategoritë
Më shumë
- Hadithi: “Ai që merr abdes, le ta futë ujin në hundë dhe le t'i fryjë, ndërsa ai që pastrohet me gurë nga jashtëqitja, le ta bëjë në numër tek
- Hadithi: Para se Profeti ﷺ të hynte në nevojtore, thoshte: “Allahume inni eudhu bike minel-hubuthi vel-habaith! - O Allah, kërkoj mbrojtjen Tënde kundrejt të këqijve dhe të këqijave (shejtanëve meshkuj dhe femra)!