عَنْ عَمْرِو بْنُ سُلَيْمٍ الأَنْصَارِيُّ قَالَ: أَشْهَدُ عَلَى أَبِي سَعِيدٍ قَالَ: أَشْهَدُ عَلَى رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«الغُسْلُ يَوْمَ الجُمُعَةِ وَاجِبٌ عَلَى كُلِّ مُحْتَلِمٍ، وَأَنْ يَسْتَنَّ، وَأَنْ يَمَسَّ طِيبًا إِنْ وَجَدَ».

[صحيح] - [متفق عليه]
المزيــد ...

Daga Amr Dan Sulaim Al-Ansari ya ce: Na shaida Abu sa'id ya ce: Na shaida Manzon Allah - tsira da amincin Allah su tabbata agare shi - ya ce:
"Wanka ranar Juma'a wajibi ne akan kowanne baligi, kuma ya yi asuwaki, ya shafa tirare in ya samu".

Ingantacce ne - Bukhari da Muslim suka Rawaito shi

Bayani

Annabi - tsira da amincin Allah su tabbata agare shi - ya bayyana cewa wanka ranar Juma'a abu ne mai karfi kamar wajibi a hakkin kowanne namiji baligi daga musulmai daga wanda juma'a ta wajaba akansa, kuma ya tsaftace hakoransa da asuwaki da makancinsa, ya kuma shafa tirare da kowanne irin tirare mai kanshi.

Fassara: Turanci Fassara Yaren Faransanci Sifaniyanci Turkiyanci urdu Indonisiyanci Bosniyanci Rashanci Fassarar Bangaliyanci Fassara da Yaren Chanise Farisanci Tagalog Kwafar laakwalwar zuwa bugere fassara Vietnam Sinhalese Uighur Kurdawa Portuguese Malayalam Swahili bushtu Asami السويدية الأمهرية
Manufofin Fassarorin

Daga Cikin Fa idodin Hadisin

  1. Karfafar mustahabbancin wanka ranar Juma'a akan kowanne mutum musulmi baligi.
  2. Tsafta da kawar da wari mara kyau abin nema ne a shari'a ga kowanne musulmi.
  3. Girmama ranar Juma'a, da yin tanadi saboda ita.
  4. Karfafa mustahabbancin asuwaki a Juma'a.
  5. Anso Shafa tirare da kowanne irin tirare mai ƙanshi kafin tafiya Juma'a.
  6. Mace idan ta fita daga gidanta dan sallah ko waninta, to tirare ba ya halatta gareta; Dan nunin sunna akan haramcin hakan.
  7. Wanda ya isa mafarki shi ne baligi, balaga tana faruwa ne da wasu alamomi.
  8. Uku daga ciki mace da namiji suna tarayya a cikinsu, su ne:
  9. Na farko: Cikar shekara goma sha biyar.
  10. Na biyu: Idan gashi mai kauri ya tsiro a gefen farji.
  11. Na uku: Zubar maniyyi ta hanyar mafarki ko ta hanyar sha'awa koda ba tare da mafarki ba.
  12. Amma alama ta hudu to ita ce take kebantar mace, ita ce kuwa: Al’ada, idan mace ta yi al’ada to ta zama baliga.