हदीस: शुक्रबारको दिन स्नान गर्नु हरेक वयस्कमाथि अनिवार्य छ, साथै दाँत माझ्नु र यदि सम्भव छ भने इत्र (सुगन्ध) लगाउनु।

عَنْ عَمْرِو بْنُ سُلَيْمٍ الأَنْصَارِيُّ قَالَ: أَشْهَدُ عَلَى أَبِي سَعِيدٍ قَالَ: أَشْهَدُ عَلَى رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«الغُسْلُ يَوْمَ الجُمُعَةِ وَاجِبٌ عَلَى كُلِّ مُحْتَلِمٍ، وَأَنْ يَسْتَنَّ، وَأَنْ يَمَسَّ طِيبًا إِنْ وَجَدَ».
[صحيح] - [متفق عليه] - [صحيح البخاري: 880]

अम्र बिन सुलैम अन्सारीले बयान गरेका छन्, उनले भने: म गवाही दिन्छु, अबू सईदले भने र उनले गवाही दिए रसूल (सल्लल्लाहु अलैहि वसल्लम) ले भन्नुभयो:
"शुक्रबारको दिन स्नान गर्नु हरेक वयस्कमाथि अनिवार्य छ, साथै दाँत माझ्नु र यदि सम्भव छ भने इत्र (सुगन्ध) लगाउनु।"
[सही] - [मुत्तफकुन अलैहि] - [सही बुखारी - 880]

व्याख्या

नबी (सल्लल्लाहु अलैहि वसल्लम) ले भन्नुभयो, जुमाको नमाज अनिवार्य भएको हरेक वयस्क मुस्लिम पुरुषले शुक्रबारको दिन नुहाउनु पर्छ । त्यसैगरी मिस्वाक आदि प्रयोग गरेर दाँत सफा गर्नुपर्छ । त्यसैगरी छ भने इत्र लगाउनु पर्छ ।

हदीसका केही फाइदाहरू

1. प्रत्येक वयस्क मुस्लिम पुरुषले शुक्रबारको दिन गुस्ल गर्नुपर्छ ।
2. मुस्लिमले आफ्नो सरसफाई गर्नु र गन्ध हटाउनु शरियतद्वारा आवश्यक छ ।
3. शुक्रवारको सम्मान र यसको लागि तयारी गर्ने ।
4. जुमाको नमाजको लागि दाँत माझ्न दृढतापूर्वक सिफारिस गरिन्छ ।
5. जुमाको नमाजको लागि जानु अघि इत्र लगाउन दृढतापूर्वक सिफारिस गरिन्छ ।
6. यदि कुनै महिला नमाज वा अन्य कुनै कामको लागि घरबाट बाहिर निस्कन्छ भने, उसलाई इत्र लगाउन अनुमति छैन । किनभने यो निषेधित हो भन्ने कुरा सुन्नतबाट प्रमाणित छ ।
7. यस हदीसमा "अल-मोहतलिम" शब्दले वयस्कलाई जनाउँछ र यौवनका केही लक्षणहरू छन् । तीनवटा यस्ता लक्षणहरू छन्, जुन पुरुष र महिला दुवैमा पाइन्छ । पहिलो : १५ वर्षको उमेर पुग्नु । दोस्रो : गुप्ताङ्ग वरिपरि खस्रो रौं निस्कनु । तेस्रो : सपना वा बिपनामा वीर्य स्खलन हुनु । जबकि चौथो चिन्ह महिलाको लागि विशिष्ट छ र त्यो महिनावारी हो, त्यसैले जब महिला को महिनावारी हुन्छ, उनी वयस्क भइन् ।