Hadithi: “Atij që thotë: "Subhanallahil adhim ue bihamdih (I Lartësuar është Allahu i Madhëruar dhe Atij i takon falënderimi!), i mbillet një palmë hurme në Xhenet.”

عَنْ جَابِرٍ رَضيَ اللهُ عنهُ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:
«مَنْ قَالَ: سُبْحَانَ اللهِ العَظِيمِ وَبِحَمْدِهِ، غُرِسَتْ لَهُ نَخْلَةٌ فِي الجَنَّةِ».
[صحيح] - [رواه الترمذي] - [سنن الترمذي: 3464]

Xhabiri (Allahu qoftë i kënaqur me të!) transmeton se Profeti ﷺ ka thënë:
“Atij që thotë: "Subhanallahil adhim ue bihamdih (I Lartësuar është Allahu i Madhëruar dhe Atij i takon falënderimi!), i mbillet një palmë hurme në Xhenet.”
[Sahih] - [Transmeton Tirmidhiu] - [Suneni i Tirmidhiut - 3464]

Shpjegimi

Profeti ﷺ në këtë hadith ka njoftuar se kushdo që thotë: “Subhanallāh”, duke e madhëruar Allahun e Lartësuar në Qenien, Cilësitë dhe Veprat e Tij, dhe “ue bihamdih”, duke ia atribuar Atij cilësitë e përsosmërisë dhe lavdërimit, për çdoherë që e thotë këtë dhikër, Allahu i mbjell atij një palmë hurme në tokën e Xhenetit.

Mësime nga hadithi

1. Ky hadith inkurajon në përmendjen e shpeshtë të Allahut të Lartësuar, e cila përfshin njëkohësisht tesbihun (fjalën, subhanallah) dhe tahmidin (fjalën, elhamdulilah).
2. Xheneti është i gjerë, ndërsa mbjellja e tij është tesbihu (thënia subhanallah) dhe tahmidi (thënia elhamdulilah), si mirësi dhe dhuratë nga Allahu i Lartësuar.
3. Palma e hurmës është përmendur në mënyrë të veçantë në këtë hadith, përveç pemëve të tjera, për shkak të dobive të shumta dhe bereqetit të frutit të saj. Për këtë arsye, Allahu i Lartësuar e ka marrë atë si shembull për besimtarin dhe besimin e tij në Kuran.