නබි වදන: කවරෙකු "සුබ්හානල්ලාහිල් අලීම් වබිහම්දිහි" (සර්වබලධාරී අල්ලාහ් සුවිශුද්ධය. ඔහුගේ ප්‍රශංසාව තුළින් සුවිශුද්ධ කරමි) යනුවෙන් පවසා සිටියේ ද ඔහු වෙනුවෙන් ස්වර්ගයේ රට ඉඳි ගසක් හිටවනු ලැබේ
عَنْ جَابِرٍ رَضيَ اللهُ عنهُ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:
«مَنْ قَالَ: سُبْحَانَ اللهِ العَظِيمِ وَبِحَمْدِهِ، غُرِسَتْ لَهُ نَخْلَةٌ فِي الجَنَّةِ».
[صحيح] - [رواه الترمذي] - [سنن الترمذي: 3464]
المزيــد ...
නබි (සල්ලල්ලාහු අලයිහි වසල්ලම්) තුමාණන් ප්‍රකාශ කළ බව ජාබිර් (රළියල්ලාහු අන්හු) තුමා විසින් මෙසේ වාර්තා කරන ලදී:
කවරෙකු "සුබ්හානල්ලාහිල් අලීම් වබිහම්දිහි" (සර්වබලධාරී අල්ලාහ් සුවිශුද්ධය. ඔහුගේ ප්‍රශංසාව තුළින් සුවිශුද්ධ කරමි) යනුවෙන් පවසා සිටියේ ද ඔහු වෙනුවෙන් ස්වර්ගයේ රට ඉඳි ගසක් හිටවනු ලැබේ.
[පූර්ව සාධක සහිත හදීසයකි] - [ඉමාම් තිර්මිදි එය වාර්තා කර ඇත] - [سنن الترمذي - 3464]
කවරෙකු "සුබ්හානල්ලාහි" මම අල්ලාහ්ව සුවිශුද්ධ කරමි. "අල් අලීම්" ඔහුගේ පැවැත්මෙන්, ඔහුගේ ගුණාංගයෙන් හා ඔහුගේ ක්‍රියාවෙන් ඔහු සර්වබලධාරීය. "වබිහම්දිහි" සුවිශුද්ධ ඔහුට පූර්ණවත් ගුණාංග එකතු කිරීමෙන් හිමි වන ප්‍රශංසාව තුළින් සුවිශුද්ධ කරමි යැයි පවසා සිටියේ ද ඔහු එය පවසන වාරයක් පාසාම ඔහු වෙනුවෙන් ස්වර්ග භූමියේ රට ඉඳි ගසක් පැළ කරනු ලැබේ.
හදීසයේ හරය
- උත්තරීතර අල්ලාහ් අධික ලෙස මෙනෙහි කිරීම සඳහා දිරිගැන්වීම. ඒ අතරින් ප්‍රශංසා කිරීමත් සමග සුවිශුද්ධ කිරීම ද එකකි.
- ස්වර්ගය විශාලය. සැබැවින්ම එහි වැවිලි වනුයේ තස්බීහ් හෙවත් අල්ලාහ්ව සුවිශුද්ධ කිරීම හා තහ්මීද් හෙවත් අල්ලාහ්ව ප්‍රශංසා කිරීමය. එය අල්ලාහ්ගෙන් වූ භාග්‍යයක් හා ආශිර්වාදයකි.
- මෙහි වෙනත් ගස් නම් නොකර රට ඉඳි ගස පමණක් විශේෂයෙන් නම් කර ඇත. හේතුව එහි බොහෝ ප්රයෝජන ඇති බැවින් හා එහි පළතුරු නැවුම් බැවිනි. උත්තරීතර අල්ලාහ් අල් කුර්ආනයේ දේවත්වය විශ්වාස කරන මුඃමින්වරයාට හා ඔහුගේ විශ්වාසයට උපමා ගෙන හැර පෑමේදී මෙය පවසා තිබෙන්නේද එබැවිනි.
ප්‍රවර්ග
අමතර
- නබි වදන: මහා පාපයන්ගෙන් වැළකී සිටින විට, පස්වේල සලාතයත්, ජුමුආ වෙන් ජුමුආවටත්, රමළානයෙන් රමළානයටත් ඒවා අතර සිදුවන දෑ සඳහා ඒවා ප්රතිකර්මයන් වනු ඇත.
- නබි වදන: සැබැවින්ම ජනයා කිසිදු යුක්තියකින් තොරව අල්ලාහ්ගේ සම්පත් අතර ගනුදෙනු කරති. එහෙයින් මළවුන් කෙරෙන් නැගිටුවනු ලබන දිනයේ අපා ගින්න ඔවුනට හිමිය.
- නබි වදන: මියගිය ඇත්තන්හට දොස් නොකියනු. සැබැවින්ම ඔවුන් ඉදිරිපත් කළ දෑ වෙතට ශීඝ්රයෙන් ගිය අය වෙති.
- නබි වදන: මුස්ලිම්වරයකුට තම සහෝදරයාව රාත්රී තුනක් අතහැර දැමීම අනුමත වන්නේ නැත. ඔවුන් දෙදෙනා එකිනෙකා මුණ ගැසෙති. ඔහු හරහට පැමිණෙයි. මොහු ද හරහට පැමිණෙයි. ඔවුන් දෙදෙනාගෙන් ශ්රේෂ්ඨ වනුයේ සලාමය ගෙන ආරම්භ කරන තැනැත්තාය.
- නබි වදන: ඥාතී සම්බන්ධකම් බිඳ දමන්නා ස්වර්ගයට පිවිසෙන්නේ නැත.
- නබි වදන: මිනිසුන් අතරින් අල්ලාහ් වෙත වඩාත් කෝපයට ලක් වු තැනැත්තා අධික ලෙස වාද කරන්නාය.
- නබි වදන: කවරෙකු තම සහෝදරයාගේ මාන්යය කෙළසීමෙන් වළක්වන්නේ ද මළවුන් කෙරෙන් නැගිටුවනු ලබන දිනයේ අල්ලාහ් (නිරා) ගින්න ඔහුගේ මුහුණින් වළක්වනු ඇත.