Hadithi: “Ai që i fal dy namazet e freskëta (sabahun dhe ikindinë), do të hyjë në Xhenet.”

عن أَبِي مُوسَى الأَشْعَرِيِّ رضي الله عنه: أَنَّ رَسُولَ اللهِ صلى الله عليه وسلم قَالَ:
«مَنْ صَلَّى ‌الْبَرْدَيْنِ دَخَلَ الْجَنَّةَ»
[صحيح] - [متفق عليه] - [صحيح البخاري: 574]

Ebu Musa Esh'ariu (Allahu qoftë i kënaqur me të!) transmeton se i Dërguari i Allahut ﷺ ka thënë:
“Ai që i fal dy namazet e freskëta (sabahun dhe ikindinë), do të hyjë në Xhenet.”
[Ky hadith është sahih] - [Muttefek alejhi] - [Sahihu i Buhariut - 574]

Shpjegimi

Profeti ﷺ në këtë hadith na ka inkurajuar të jemi të kujdesshëm në faljen e dy namazeve që falen në kohë të freskët, që janë: namazi i sabahut dhe i ikindisë, si dhe ka përgëzuar se, kushdo që i fal ato, duke i përmbushur rregullat e tyre, si: koha e saktë, falja me xhemat dhe rregulla të tjera, atëherë këto dy namaze do të jenë shkak që ai njeri të hyjë në Xhenet.

Mësime nga hadithi

1. Vlera e kujdesit ndaj namazit të sabahut dhe të ikindisë, sepse sabahu është atëherë kur gjumi është i këndshëm, kurse ikindia është kur njeriu është i zënë me punë, kështu që, kushdo që kujdeset për këto dy namaze, e ka më të lehtë që të kujdeset dhe për namazet e tjera.
2. Namazi i sabahut dhe i ikindisë u quajtën "dy namazet e freskëta", sepse në namazin e sabahut gjendet freskia e natës, kurse në namazin e ikindisë gjendet freskia e ditës, edhe nëse ndodh që ky i fundit të jetë në kohë të nxehtë, mirëpo ajo kohë është më pak e nxehtë se koha para saj, ose këtu janë quajtur të dyja kohët të freskëta për shkak të bashkimit të tyre në një fjalë të vetme, siç thuhet kur bashkohet dielli dhe hëna në një fjalë të vetme: "Dy hënat"