Hadith: Izay nanao vavaka amin'ny fotoana mangatsiatsiaka roa dia miditra amin'ny Paradisa
عن أَبِي مُوسَى الأَشْعَرِيِّ رضي الله عنه: أَنَّ رَسُولَ اللهِ صلى الله عليه وسلم قَالَ:
«مَنْ صَلَّى الْبَرْدَيْنِ دَخَلَ الْجَنَّةَ»
[صحيح] - [متفق عليه] - [صحيح البخاري: 574]
المزيــد ...
Tatitra azo avy tamin'i Abo Mossa Al-Ash'ari (R.A), niteny ilay Irak'Allah (S.W.A) manao hoe :
"Izay nanao vavaka amin'ny fotoana mangatsiatsiaka roa dia miditra amin'ny Paradisa".
[Mari-pototra] - [Notantarain’i Bokhari sy Moslim] - [Sahìh Al-Bokhari - 574]
Namporisika ny Mpaminany (S.A.W) amin'ny fahazotoana manao vavaka amin'ny fotoana mangatsiatsiaka roa, izany dia Fajr sy Asr, ary nanome vaovao mahafaly ho an'izay manatanteraka izany amin'ny zony feno eo amin'ny lafiny fotoana sy miaraka amin'ny maro sy ny hafa ankoatr'izany, ny fanaovany izany dia antony hidirany amin'ny Paradisa.
Lesona azo avy amin'ny Hadith
- Fahasoavana azo amin'ny fifikirana amin'ny vavaka Fajr sy Asr; satria amin'ny fajr dia ao anatin'ny tsiron'ny torimaso, ary ny Asr dia ao am-panatanterahana ny raharaham-pivelomana, ka izay mifikitra amin'izy roa dia azo antoka kokoa hifikitra amin'ny vavaka sisa ambiny.
- Nantsoina hoe mangatsiatsiaka ny vavaka fajr sy Asr; satria ny Fajr ahitana atsiakan'ny alina, ary ny Asr ahitana atsiakan'ny atoandro, na dia amin'ny fotoana mafana aza fa io fotoana io mba efa malefaka kokoa ny hafanany raha oharina amin'ny teo alohany, na koa fiantsoana azy tahaka izany dia noho ny fanakambanana fotsiny toy ny fitenenana hoe : ny volana roa izay ilazana ny masoandro sy ny volana.
Ireo sokajy
Fanampiny
- Hadith: Hitanao, raha toa ka manatanteraka an'ireo fanompoam-pivavahana Soalat izay voadidy Amiko Aho, ary manatanteraka ihany koa ny fifadian-kanina amin'ny volana Ramadany, ary nanaja tsara ny ara-dalàna izany hoe : (ireo zavatra HALAL) sy nisitaka avokoa an'ireo zava-boarara izany hoe : (ireo zavatra HARAM), ka tsy manampy amin'izany intsony, Moa ve ahazo an-jara hiditra ao amin'ny Paradisa ny Tenako ?, Namaly Azy i Mpaminany (S.W.A) manao hoe : " Eny ", Nilaza izy no sady nanao fianiana amin'ny Tompo Allah fa hoe : tena marina Aho fa tsy hanampy mihoatra izany intsony
- Hadith: Ny fidiovana dia tafiditra ho anisany an-tsasakin'ny finoana; ary ny fitenenana hoe : " Alehamdolillah " (Dera sy vonahitra ary fisorana feno fankasitrahana ho an'i Tompo Allah) dia mameno ny mizana; vato fan-dajana ny fitenenana hoe : " Soubehànallwahi wal-hamdolillàhy " (Midera sy mankasitraka an'i Tompo Allah) dia mameno ny manelanelana ny lanitra sy ny tany izany
- Hadith: Ny vavaka dimy isan'andro, ny vavaka zoma hatramin'ny zoma manaraka, ary ny ramadany hatramin'ny ramadany manaraka, dia famafana ny eo anelanelan'izy ireo raha miala amin'ny fahotana lehibe
- Hadith: Na iza na iza ny manao ny Vavaka maraina (Soalat Sobhy) dia eo ambanin'ny fiarovan'i Tompo Allah
- Hadith: “Ny vavaka tena mavesatra indrindra ho an’ireo mpihatsaravelatsihy dia ny vavaka hariva (Icha) sy ny maraina (Fajr), ary raha fantan'izy ireo ny ao aminy, dia ho tonga hanao izany izy ireo na dia handady aza
- Hadith: “Ry Bilal ô! Atsangano ny soalat, ampakao sasatra amin'alalan'izany izahay”
- Hadith: asa inona no tena tian'Allah? Hoy izy : “Ny fivavahana amin’ny fotoana voatondro” Hoy izy : Inona aorian'izany? Namaly izy : “ny fanaovan-tsoa amin’ny ray aman-dreny.” Hoy izy : “Dia inona aorian'izany? namaly izy : “Jihad amin’ny làlan’Allah.”