ဟဒီးဆ်: အကြင်မည်သူမဆို အေးမြသော ဆွလာသ်နှစ်ကြိမ် ( ဖဂျရ်နှင့်အစွရ်)ကို ဝတ်ပြုပါက ဂျန္နသ်သို့ ဝင်ရောက်ရမည်ဖြစ်သည်။
عن أَبِي مُوسَى الأَشْعَرِيِّ رضي الله عنه: أَنَّ رَسُولَ اللهِ صلى الله عليه وسلم قَالَ:
«مَنْ صَلَّى الْبَرْدَيْنِ دَخَلَ الْجَنَّةَ»
[صحيح] - [متفق عليه] - [صحيح البخاري: 574]
المزيــد ...
အဗူမူစာ အရှ်အရီ(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။
အကြင်မည်သူမဆို အေးမြသော ဆွလာသ်နှစ်ကြိမ် ( ဖဂျရ်နှင့်အစွရ်)ကို ဝတ်ပြုပါက ဂျန္နသ်သို့ ဝင်ရောက်ရမည်ဖြစ်သည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။] - [صحيح البخاري - 574]
တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) သည် ဆွလာသုလ်ဘရ်ဒိုင်းန်ဟု ခေါ်သည့် ဖဂျ်ရ်နှင့် အစွရ်ဆွလာသ်ကို အထူးအလေးထားရန် တိုက်တွန်းနှိုးဆော်ထားပြီး၊ ထိုဆွလာသ်နှစ်ခုကို ၎င်းတို့၏ အချိန်တွင်၊ ဂျမာသ်နှင့်အတူ ဝတ်ပြုသူအား ဂျန္နသ်သုခဘုံ၏ ဝမ်းမြောက်ဖွယ်သတင်းကို ပေးအပ်ခဲ့သည်။
ဟဒီးဆ်မှ သိမှတ်ဖွယ်ရာများ
- ဖဂျရ်နှင့် အစွရ်ဆွလာသ်များကို အချိန်မှန်ဝတ်ပြုခြင်း၏ မွန်မြတ်မှုကို (တင်ပြထားသည်)။ အဘယ်ကြောင့်ဆိုသော် ဖဂျရ်ဆွလာသ်သည် အိပ်ခြင်း၏ ချိုမြိန်မှုကာလ ( နှစ်နှစ်ခြိုက်ခြိုက်အိပ်မောကျနေချိန်)တွင် ဝတ်ပြုရခြင်းကြောင့်ဖြစ်ပြီး အစွရ်ဆွလာသ်မှာ လူသားသည် အလုပ်ကိစ္စများနှင့်လုံးပန်းနေရချိန်တွင် ဝတ်ပြုရခြင်းကြောင့်ဖြစ်သည်။ သို့ဖြစ်ရာ ထိုဆွလာသ်နှစ်ခုကို အချိန်မှန်ဝတ်ပြုသူသည် အခြားဆွလာသ်များကို ပို၍ပင် အချိန်မှန်ဝတ်ပြုနိုင်မည်ဖြစ်သည်။
- ဖဂျရ်နှင့် အစွရ်ဆွလာသ်နှစ်ခုကို "အလ်ဘရ်ဒိုင်းန်" (အေးမြသော ဆွလာသ်နှစ်ခု) ဟုခေါ်ဆိုရခြင်းမှာ ဖဂျရ်ဆွလာသ်သည် ညအချိန်၏အေးမြမှုတွင် ကျရောက်ပြီး အစွရ်ဆွလာသ်သည် နေ့အချိန်၏အေးမြမှုတွင် ကျရောက်သောကြောင့်ဖြစ်သည်။ သို့ရာတွင် အစွရ်ဆွလာသ်သည် ပူပြင်းသည့်အချိန်တွင် ကျရောက်သော်လည်း ၎င်းမတိုင်မှီအချိန်နှင့်နှိုင်းယှဉ်ပါက အပူချိန်ပို၍ လျော့နည်းသည့်အချိန်ဖြစ်သည်။ သို့မဟုတ် ထိုဆွလာသ်နှစ်ခုကို "အလ်ဘရ်ဒိုင်းန်" ဟုခေါ်ဆိုရခြင်းမှာ "တဂ်လီဘ်" (တစ်စုံတစ်ရာကို အခြားတစ်ခုထက်သာလွန်အောင် ပြုလုပ်ခြင်း) ပုံစံမျိုးဖြစ်သည်။ ဥပမာအားဖြင့် "အလ်ကမရားန်" (လနှစ်စင်း) ဟုခေါ်ဆိုရာတွင် နေနှင့်လကို ရည်ညွှန်းသကဲ့သို့ဖြစ်သည်။
အမျိုးအစားများ
ထပ်၍
- ဟဒီးဆ်: မုနာဖိက်(အရေခြုံမွတ်စလင်မ်)တို့အပေါ်တွင် အိရှာဆွလာသ်နှင့် ဖဂျရ်ဆွလာသ်သည် အလေးလံဆုံး ဆွလာသ်ဖြစ်သည်။ အကယ်၍ ၎င်းတို့သည် ထိုဆွလာသ်နှစ်ကြိမ်၏ အကျိုးကုသိုလ်အား သိရှိကြလျှင် (လမ်းမလျှောက်နိုင်သဖြင့်) လေးဖက်ထောက်လာရမည်ဆိုလျှင်လည်း မုချလာကြလိမ့်မည်။ အမှန်တကယ်ပင် ငါကိုယ်တော်သည် ဆွလာသ်ဆောက်တည်ရန် အမိန့်ပေးတော်မူမည်။ အိကာမသ်ဆိုပြီးသည့်အခါ လူတို့အားဦးဆောင် ဆွလာသ်ဆောက်တည်ရန် ပုဂ္ဂိုလ်တစ်ဦးအား အမိန့်ပေးတော်မူမည်။ ထို့နောက် ငါကိုယ်တော်သည် ထင်းစီးများပါရှိသော လူတို့နှင့်အတူ(ဂျမာအသ်ဖြင့်)ဆွလာသ်ဆောက်တည်ရန် မလာကြသူများထံသွားပြီး ၎င်းတို့နှင့်အိမ်ကိုပါ မီးရှို့ပစ်ရန် ဆန္ဒရှိတော်မူသည်။
- ဟဒီးဆ်: အကယ်၍ ကြီးလေးသော အပြစ်အကုသိုလ်များကို ရှောင်ကြဉ်ပါက ဆွလာသ်ငါးကြိမ်သည်လည်းကောင်း၊ ဂျုမုအဟ်တစ်ကြိမ်မှ နောက်ဂျုမုအဟ်သည်လည်းကောင်း၊ ရမဿွာန်တစ်လမှ နောက်ရမဿွာန်သည်လည်းကောင်း ယင်းတို့၏ စပ်ကြား၌ရှိသော အကုသိုလ်များအား ပလပ်စေမည်ဖြစ်သည်။
- ဟဒီးဆ်: အကြင်သူသည် ဖဂျရ် ဆွလာသ်ကို ဆောက်တည်လိုက်ပါက ၎င်းသည် အလ္လာဟ်အရှင်မြတ်၏ ထိန်းသိမ်းစောင့်ရှောက်မှုအောက်တွင် ရှိနေမည်ဖြစ်သည်။ အလ္လာဟ်အရှင်မြတ်၏ ထိန်းသိမ်းစောင့်ရှောက်မှုအောက်၌ရှိသည့် တစ်စုံတစ်ရာအား အပြစ်ကျူးလွန်ခဲ့သည့်အတွက် အသင်တို့အား အရှင်မြတ်က ရှာဖွေအရေးယူရခြင်းမျိုး မဖြစ်ကြစေနှင့်။
- ဟဒီးဆ်: ဖရ်ဿ်ွများကိုသာ ကျင့်သုံးခြင်း။
- ဟဒီးဆ်: သန့်ရှင်းစင်ကြယ်မှုသည် အီမာန်ယုံကြည်မှု၏ တစ်ဝက်ဖြစ်သည်။
- ဟဒီးဆ်: အို - ဗိလာလ် ဆွလာသ်အတွက် အိကာမသ်ဆိုပါ၊ ၎င်းဖြင့် ကျွန်ုပ်တို့အား အေးချမ်းသာယာစေပါ။
- ဟဒီးဆ်: မည်သည့်အမလ်ကောင်းမှုသည် အလ္လာဟ်အရှင်မြတ် အနှစ်သက်ဆုံးဖြစ်တော်မူပါနည်းဟု လျှောက်ထားမေးမြန်းခဲ့သည်။ ကိုယ်တော်က ဆွလာသ်အား သူ့အချိန်နှင့်သူ ဆောက်တည်ခြင်းဖြစ်သည်ဟု ဖြေကြားတော်မူခဲ့သည်။ ထို့နောက် မည်သည့်အမလ်ကောင်းမှုသည် အမြတ်ဆုံးပါနည်းဟု မေးလျှောက်ရာ ကိုယ်တော်က မိဘနှစ်ပါးကို ကောင်းမွန်စွာ ပြုစုစောင့်ရှောက်ခြင်းဖြစ်သည်ဟု ဖြေကြားတော်မူခဲ့သည်။ ထို့နောက် မည်သည့်အမလ်ကောင်းမှုသည် အမြတ်ဆုံးပါနည်းဟု မေးလျှောက်ရာ ကိုယ်တော်က အလ္လာဟ်အရှင်မြတ်၏လမ်းတော်တွင် စစ်မက်ပြိုင်ဆိုင်တိုက်ခိုက်ခြင်း ဖြစ်သည်