عن أبي موسى الأشعري - رضي الله عنه- قال: قال رسول الله صلى الله عليه وسلم : «من صلى البَرْدَيْنِ دخل الجنة».
[صحيح] - [متفق عليه]
المزيــد ...

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی موسای ئەشعەریەوە -ڕەزای خوای لێبێت- کە پێغەمبەر -صلى الله علیه وسلم- دەفەرموێت: «ئەوەی پارێزگاری لە ئەنجامدانی (نوێژی بەیانی ونوێژی عەسر -البردین-) بکات؛ ئەوا دەچێتە بەهەشتەوە».
صەحیحە - بوخاری و موسلیم هاوڕان لەسەری

شیکردنەوە

واتای فەرموودەکە: پارێزگاری لەم دوو نوێژە لە هۆکارەکانى چوونە بەهەشتن. ومەبەست: نوێژی بەیانی ونوێژی عەسرە، وبەڵگەش ئەم فەرموودەیە کە پێغەمبەر -صلى الله عليه وسلم- دەفەرموێت: (صلاة قبل طلوع الشمس وقبل غروبها)، واته: (نوێژکردن پێش دەرچوونی خۆر وپێش ئاوا بوونی)، ولە ریوایەتی (مسلم)دا: (نوێژی عەسر وبەیانی)، پاشان جەریر -گێڕەرەوەى فەرموودەکە-: ئەم ئایەتەی خوێندنەوە {وَسَبِّحۡ بِحَمۡدِ رَبِّكَ قَبۡلَ طُلُوعِ ٱلشَّمۡسِ وَقَبۡلَ غُرُوبِهَا} [طه: 130]، واته: {بەحەمد و سوپاس وستایشی پەروەردگارت تەسبیحاتی خودا بکە لە پێش ھەڵاتنی خۆر ولە پێش ئاوابوونیـدا}، وبە (بەردەین - البَرْدَيْنِ) ناونران: بە واتای سارد وفێنک دێن چونکە لە کاتێکی ڕۆژدا ئەنجامدەدرێن کە هەوا فێنک دەبێت وگەرما نامێنێت [لە پاش عەسر]، وفەرموودەی زۆر هاتووە لەسەر فەزڵی ئەم دوو نوێژە، لەوانەش پێغەمبەر -صلى الله علیه وسلم- دەفەرموێت: (لا يلج النار رجلٌ صلى قبل طلوع الشمس وقبل أن تغرب)، واته: (ناچێتە دۆزەخەوە کەسێک پێش دەرچوونی خۆر وپێش ئاوا بوونی نوێژ بکات) [رواه مسلم: 634]. تایبەتکردنیان بۆ ئەوەیە چونکە کاتی نوێژی بەیانی کاتی ئارامی وخەوتنە، وکاتى عەسر کاتی بەجێهێنانى کارەکانى ڕۆژ وبازرگانیەکانە، وئەنجامدانیان لە کاتی خۆیاندا نیشانەى ڕزگارکردنی نەفسە لە تەمەڵی وخۆشویستنی پەرستنە، وهەرکەسێک پارێزگاری لەم نوێژانە بکات ئەوا لە پێشترە کە پارێزگاری لە نوێژەکانى تر کات، بۆیە باسکردنی فەزڵیان ماناى ئەوە نیە کە ئەوەى ئەم دوو نوێژە ئەنجامبدات وسێ فەرزەکەى تر ئەنجام نەدات ئەوا پاداشتی بۆ هەیە، نەخێر بەڵکو ئەمە پێچەوانەى دەقەکانە، ومسوڵمان دەبێت پارێزگاری لە هەموو نوێژە فەرزەکان بکات بە بێ جیاوازی، ولە کاتى خۆی ئەنجامیان بدات بەو شێوەیەی کە فەرمانی پێکراوە، بە جەماعەت ئەنجامبدرێت لە لایەن پیاوانەوە، چونکە نوێژی جەماعەت واجبە، ونابێت پیاو واز لە نوێژی جەماعەت بهێنێت لە مزگەوتدا مەگەر بەهۆی عوزر وبیانوویەک نەبێت.

وه‌رگێڕانی ماناكان: ئینگلیزی فەڕەنسی ئیسپانی تورکی ئۆردی ئەندەنوسی بۆسنی ڕووسی بەنگالی چینی فارسی تاگالۆگ هیندی ڤێتنامی سینهالی ئیگۆری هوسا پورتوغالی سه‌واحیلی
پیشاندانی وەرگێڕانەکان
زیاتر