Hadiis: Yãmb a neba! Tuub-y n tʋg Wẽnd nengẽ, tɩ ad mam lebgdame n tʋgd Wẽnd nengẽ raar pʋgẽ noor koabga

عن الْأَغَرِّ رضي الله عنه، وَكَانَ مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«يَا أَيُّهَا النَّاسُ تُوبُوا إِلَى اللهِ، فَإِنِّي أَتُوبُ فِي الْيَوْمِ إِلَيْهِ مِائَةَ مَرَّةٍ».
[صحيح] - [رواه مسلم] - [صحيح مسلم: 2702]

Yii a Al-agarri nengẽ (Wẽnd yard be a yĩnga) la a rag n yaa Nabiyaamã Ṣahaabsã a yembre (Wẽnd pʋʋsg la A tɩlgr be a yĩnga) a yeelame, Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga):
«Yãmb a neba! Tuub-y n tʋg Wẽnd nengẽ, tɩ ad mam lebgdame n tʋgd Wẽnd nengẽ raar pʋgẽ noor koabga».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2702]

bilgrã

Nabiyaamã (Wẽnd pʋʋsg la A tɩlgr be a yĩnga) sagenda nebã tɩ b wʋsg tuubgu la astagfɩrʋllaah maanego la a togs tɩ yẽ mengã tuubdame n tʋgd Wẽnd nengẽ (A Naam zẽk yã) la a kot-A yaafgo raar a yembr pʋgẽ, sẽn yɩɩd noor koabga, la ad b yaool n yaafa Nabiyaamã sẽn reng taoor la sẽn yaoole, la a sẽn baas n maand woto wã, wilgdame t'a gãneg-m-mengã la a Wẽndã tũudum yaa sẽn pidi (A Naam yɩ wagell n zẽke).

Sẽn be Hɑdiisã yõod-rãmbẽ

1. Ned fãa, baa a lɩɩmaoongã sẽn wa n yaa a soaaba, ad a tara tʋlsem, ne a lebs a meng Wẽnd nengẽ, (A Naam yɩ wagell n zẽke) la a pids a mengã ne tuubgu, la ned fãa a ka bak n be kʋʋg-koεεg pʋga ne Wẽnd hakε wã a maanegẽ (A Naam yɩ wagell n zẽke), A yeelame (A Naam zẽk yã): (La tuub-y gill n tʋg Wẽnd nengẽ, yaa yãmb sɩd-kõtbã).
2. Tuubgã yaa sẽn gũbgi, zem tɩ yaa sẽn na n tuub n bas haraam la zũnuub-rãmba, maa sẽn na n tuub kʋʋg koεεgã yinga, waagib-rãmbã tʋʋmã pʋgẽ.
3. Maan pʋ-peelem tuubgã pʋgẽ wã a yaa sart tɩ b reeg-a, rẽnd ned ning sẽn bas zũnuubã tɩ ka Wẽnd yĩnga, yẽ soabã ka tuubd ye.
4. A An-Nawawiy yeelame (Wẽnd na yols-a): Tuubgã tara sart-rãmb n tãabo, yaa a võog a meng n yi Wẽnd kɩɩsgã pʋgẽ la a maan mimsa ne a sẽn tʋmã, la a loe n wãag loe-n-wãag sẽn kenge tɩ yẽ ka na n leb n maan a buud lae-lae ye, la sã n mikame tɩ Wẽnd kɩɩsgã yaga ne ninsaal hakε, yẽ sart-rãmbã yaa a naase, sẽn na n paase, yaa a lebs wẽgdã a rãmba, maa a paam yaafg n yi b rãmbẽ wã.
5. Yaa nek n wilgdẽ tɩ Nabiyaamã (Wẽnd pʋʋsg la A tɩlgr be a yĩnga) yaafã wã kosgã, ka tɩlae tɩ yaa zũnuub la a maan ye, la ad rẽnda yaa a yemblemã ne Wẽnd sẽn pid n ta tεka la a sẽn leb n tab ne Wẽnd yʋʋrã tẽegrã, (A Naam yɩlg yã), la a sẽn leb n tẽegd a mengã ne Wẽnd hakε-rãmba zɩslem, la yamb sẽn tar kʋʋg koεεga baa a sẽn pʋʋs Wẽnd neemã wã bark to-to fãa. La wãnde yaa sẽn na n tuk sor n kõ a poorẽ rãmba, a loogr poorẽ, tɩ b maand woto, la zẽng sẽn ka rẽnda, sẽn yaa raab n be beenẽ.