Ab Adiis: yéen nit ñi tuubleen jëm ci Yàlla, man de damay tuub ci bis bi téeméeri yoon

عن الْأَغَرِّ رضي الله عنه، وَكَانَ مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«يَا أَيُّهَا النَّاسُ تُوبُوا إِلَى اللهِ، فَإِنِّي أَتُوبُ فِي الْيَوْمِ إِلَيْهِ مِائَةَ مَرَّةٍ».
[صحيح] - [رواه مسلم] - [صحيح مسلم: 2702]

Jële nañu ci Al-Axarri yal na ko Yàlla dollee gërëm mu bokkoon ci Sahaabay Yonnente bi yal na ko Yàlla dolli xéewal ak mucc, mu wax ne: Yonente Yàlla bi nee na:
«yéen nit ñi tuubleen jëm ci Yàlla, man de damay tuub ci bis bi téeméeri yoon».
[Wér na] - [Muslim soloo na ko] - [Téere Muslim bi gën a wér - 2702]

Leeral

Yonente bi yal na ko Yàlla dolli xéewal ak mucc digal na nit ñi ñuy baril tuub ak jéggalu, mu xibaar ci boppam ne moom day tuub jëm ci Yàlla mu kawe di ko jéggalu ci bis bi lu ëpp téeméeri yoon, te moom jéggalees na ko li jiitu ci ay bàkkaaram ak li mujj, nekk ci loolu matug toroxlu ak jaamu Yàlla mu màgg mi.

Bokk na ci njariñi Adiis bi

1. Kenn ku nekk ag lu dayoom man a toll ak darajaam ci gëm, day aajowoo dellu ci Yàlla mu Baarkeel mi te kawe, ak mottali boppam ci tuub, te kenn ku nekk manul ñàkk ag gàtteñlu ci taxaw ci àqi Yàlla mu Baarkeel mi te kawe: (tuubleen yéen way-gëm ñépp jëm ci Yàlla).
2. Tuub day matale moo xam ci yu araam yi la ak bàkkaar yi walla ci gàtteñlu ci def yu war yi la.
3. Sellal ci tuub sàrt la ngir mu nangu, ku bàyyi ab bàkkaar ngir ku dul Yàlla kooku tuubul.
4. An-Nawawii nee na: tuub amna ñatti sàrt: mu bàyyi bàkkaar bi, ak mu réccu def ga, ak mu dogu ci bañ a dellu ci lu mel noonu ba fàww, bu bàkkaar bi ajoo ci àqi doomu Aadama kon day am sàrtub ñenteel, te mooy: delloo tooñaange gi boroomam, walla amal ag cet ca moom.
5. Ag bàyyikoo xel ci ne jéggalug Yonente bi du caagine daa am ay bàkkaar yu mu def, wante loolu ngir matug njaamam la ak ug ajoom ci tudd Boroomam mu Sell mi, ak yëgam màggug àqi Yàlla, ak gàtteñlug jaam bi ak lu mu man a def ci sant ay xéewalam, te it ci buntub yoonal la ñeel xeetam wi, ak yeneen xereñte yu dul yooyu.