Јазик
  1. Дома
  2. Категории
  3. Доблести и манири

Хадис „О, луѓе, покајте се пред Аллах! Зашто јас секој ден Му се покајувам Нему повеќе од стопати.“

Доблести и манири Вредности Вредностите на зикрот

عن الْأَغَرِّ رضي الله عنه، وَكَانَ مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«يَا أَيُّهَا النَّاسُ تُوبُوا إِلَى اللهِ، فَإِنِّي أَتُوبُ فِي الْيَوْمِ إِلَيْهِ مِائَةَ مَرَّةٍ».

Ел-Егер, Аллах нека е задоволен со него, кој бил еден од асхабите на Божјиот пратеник, салаллаху алејхи ве селем, пренесува дека тој рекол:
„О, луѓе, покајте се пред Аллах! Зашто јас секој ден Му се покајувам Нему повеќе од стопати.“

صحيح رواه مسلم صحيح مسلم - 2702

Објаснување

Божјиот пратеник, салаллаху алејхи ве селем, им наредува на луѓето да се каат и постојано да бараат прошка од Аллах, и истовремено ги известува дека тој лично секој ден се кае и бара прошка повеќе од стопати – иако му се простени и минатите и идните гревови. Со тоа се изразува неговата длабока понизност и целосна преданост на Возвишениот Аллах.

Од придобивките на хадисот

  1. Секој човек, без оглед на неговиот степен на иман и положба, има потреба постојано да се враќа кон Севишниот Аллах и да се усовршува преку искрено покајание. Бидејќи секој – без исклучок – има извесен пропуст во исполнувањето на обврските кон Возвишениот Аллах, како што Тој вели: „И покајте се сите заедно пред Аллах, о, верници, за да бидете успешни.“ (Ен-Нур, 31)
  2. Покајанието е општа обврска, било да се работи за гревови и забранети дела, или за пропусти при извршувањето на задолжителните обврски.
  3. Искреноста (ихлас) е услов за прифаќање на покајанието – оној што ќе го остави гревот од некоја друга причина, а не поради Аллах, не се смета за вистински покајаник.
  4. Имамот ен-Невеви рекол: „Покајанието има три услови: да се остави гревот, да се жали поради неговото правење и цврсто да се одлучи дека никогаш повеќе нема да се врати на него. А ако гревот се однесува на некое право на друг човек, тогаш има и четврт услов, а тоа е да му се надомести неправдата на оној кому му е направена или да се добие халал од него.“
  5. Напомена: Барањето прошка од Пратеникот, салаллаху алејхи ве селем, не значи дека е поради направен грев – туку тоа е дел од неговата потполна покорност и постојано сеќавање на Аллах, и израз на неговата длабока свест за величината на Божјото право, како и за неможноста човек целосно да Му се заблагодари за Неговите бројни дарови. Воедно, тоа е пример за уметот по него.

Преглед на преводи

45 Јазик
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
MG Malagasy المالاجاشية
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
Категории
Повеќе...