हदीस: स्वार्थी त्यो हो जसका सामु मेरो नाम लिइयो र उसले म माथि दरूद पढेन ।
عَنِ الحُسَينِ بنِ عَلِيٍّ بنِ أَبِي طَالِبٍ رضي الله عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«الْبَخِيلُ مَنْ ذُكِرْتُ عِنْدَهُ فَلَمْ يُصَلِّ عَلَيَّ».
[صحيح] - [رواه الترمذي والنسائي في الكبرى وأحمد] - [السنن الكبرى للنسائي: 8046]
المزيــد ...
हजरत हुसैन बिन अली बिन अबू तालिब (रजियल्लाहु अन्हुमा)को वर्णन छ, उहाँ भन्नु हुन्छ : अल्लाहका रसूल (सल्लल्लाहु अलैहि व सल्लम)ले भन्नु भयो :
स्वार्थी त्यो हो जसका सामु मेरो नाम लिइयो र उसले म माथि दरूद पढेन ।
[सही] - - [सुनन् कुब्रा लिन्निसाई - 8046]
नबी (सल्लल्लाहु अलैहि वसल्लम) ले आफ्नो नाम, उपनाम, वा विशेषता सुनेको बेला उनमाथि दुआ नपढ्नुको बारेमा चेतावनी दिनुभयो, र भन्नुभयो: "सबभन्दा कन्जूस व्यक्ति त्यो हो जसको अगाडि मेरो नाम आउँछ र उसले दुआ पढ्दैन।" यसका कैयौँ कारणहरू छन् :
पहिलो : उसले यस्तो कुरा खर्च गर्नमा कन्जुस्याइँ देखायो जसमा अलिकति पनि घाटा छैन । यसमा न माल खर्च हुन्छ न मिहिनेत लाग्छ ।
दोस्रो : उसले आफूलाई अल्लाहका रसूल(सल्लल्लाहु अलैहि व सल्लम)माथि दरूद पढ्ने विशिष्टताबाट वञ्चित राख्यो । उसले उहाँ(सल्लल्लाहु अलैहि व सल्लम)माथि दरूद नपढेर यस्तो हक पुरा गर्नमा कुन्जुस्याइँ देखायो भने यस सन्दर्भमा भनिएको आदेश पुरा गर्न र पुण्य एवं प्रतिफल पाउनका लागि उसले गर्नु पर्ने थियो ।
तेस्रो : नबी(सल्लल्लाहु अलैहि व सल्लम)माथि दरूद पढ्नु उहाँका हामी माथि भएका हकहरू पुरा गर्ने विभिन्न तरिकाहरू मध्ये एक हो: किन कि उहाँले हामीलाई तालिम दिनु भएको छ, हाम्रो मार्ग दर्शन गर्नु भयो, उहाँले नै हामीलाई अल्लाह तआलातर्फ बोलाउनु भयो, उहाँले नै हामीहरूतर्फ यो वही (प्रकाशना) लिएर आउनु भयो र यो शरीअत ( नीति शास्त्र) पनि । अल्लाह तआला पछि उहाँ नै हामीहरूको मार्ग दर्शनका माध्यम हुनु हुन्छ । तसर्थ उहाँ माथि दरूद न पढ्ने वाला स्वयम् आफ्ना लागि र आफ्नो नबी (सल्लल्लाहु अलैहि व सल्लम)को एउटा सानो हक पुरा गर्नमा पनि कन्जुस्याइँ गर्ने वाला हो ।
हदीसका केही फाइदाहरू
- अल्लाहका नबी (सल्लल्लाहु अलैहि व सल्लम) माथि दरूद नपढ्नु कन्जुसीको प्रतीक हो ।
- नबी(सल्लल्लाहु अलैहि व सल्लम)माथि दरूद पढ्नु हरेक समयमा उत्तम पुण्यको काम हो । तर उहाँको चर्चा भएको बेलामा यसको ताकिद झन् बढ्न जान्छ ।
- इमान नववी (रहिमहुल्लाह) भन्नु हुन्छ : नबी(सल्लल्लाहु अलैहि व सल्लम)माथि दरूद पढ्ने बेलामा दरूद र सलाम एकै साथ पढ्नु पर्छ, कुनै एउटा मात्र पढ्नु हुन्न। जस्तै: केवल "सल्लल्लाहु अलैहि" वा केवल "अलैहिस्सलाम" मात्र भन्नु ।
- अबू आलियाले अल्लाह तआलाको कथन {अल्लाह एवं उनका फरिश्ताहरू नबीमाथि ‘दया प्रेषण’ (दरूद पठाउने) गर्छन् ।} को बारेमा भन्नु हुन्छ : "सलात"को शब्द यदि अल्लाहको तर्फबाट नबी(सल्लल्लाहु अलैहि व सल्लम)का हकमा प्रयोग भयो भने यसको अर्थ प्रशंसा गर्नु को हुन्छ । यदि फरिश्ता र मानिसहरूको तर्फबाट प्रयोग भएको छ भने यसको अर्थ "दुआ गर्नु " हुन्छ ।
- हलीमी (रहिमहुल्लाह) भन्नु हुन्छ : "अल्लाहुम्म सल्लि अला मुहम्मद" को अर्थ हो: हे अल्लाह ! यो संसारमा उहाँको जिक्र (चर्चा)लाई उच्च पारेर, उहाँको धर्मलाई फैलाएर, उहाँको शरीअतको संरक्षण गरेर उहाँलाई महान् बनाइ दिनु होस्, र परलोकमा, उहाँको सिफारिसलाई उहाँका अनुयायीहरूको हकमा कबूल गरेर , उहाँको प्रतिफल र पुण्यलाई बढाएर र अधिल्ला पछिल्ला सबै मानिस मध्ये मकामे महमूदद्वारा उहाँको विशेषता दर्शाएर र भएका सबै सानिध्य प्राप्त व्यक्तित्वहरूमा उहाँलाई प्राथमिकता दिएर ।(उहाँलाई महान् बनाइ दिनु होस् । )
थप
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।
- हदीस: मृतकलाई गालीगलौज नगर, किनकि उनीहरू पहिले गरेका (राम्रा वा नराम्रा) कर्मतर्फ फर्किसकेका छन् ।”
- हदीस: “कुनै मान्छेको लागी आफ्नो भाइसँग तीन दिनभन्दा बढी बोलचाल बन्द राख्न जायज छैन । दुबै एक अर्कालाई भेट्छन् तर अर्कोतिर मुख फर्काएर बस्छन भने दुई मध्ये सबैभन्दा राम्रो त्यो हो जसले सलाम गर्नमा पहल गर्छ ।
- हदीस: सम्बन्ध तोड्ने व्यक्ति स्वर्गमा प्रवेश गर्ने छैन ।
- हदीस: अल्लाहको नजरमा सबैभन्दा घृणित व्यक्ति त्यो हो जो अत्यन्त झगडालु र सधैं विवादमा रहन्छ ।
- हदीस: जसले आफ्नो भाइको इज्जत र मर्यादाको रक्षा गर्छ, अल्लाहले उसलाई न्यायको दिन नरकको आगोबाट बचाउनुहुनेछ ।