Hadith: “ជនកំណាញ់ គឺជនដែលមានគេរំលឹកពីខ្ញុំនៅចំពោះមុខខ្លួន ប៉ុន្ដែគេមិនសឡាវ៉ាតមកចំពោះខ្ញុំ”។

عَنِ الحُسَينِ بنِ عَلِيٍّ بنِ أَبِي طَالِبٍ رضي الله عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«الْبَخِيلُ مَنْ ذُكِرْتُ عِنْدَهُ فَلَمْ يُصَلِّ عَلَيَّ».
[صحيح] - [رواه الترمذي والنسائي في الكبرى وأحمد] - [السنن الكبرى للنسائي: 8046]

អំពី អាល់ហូសេន ពិន អាលី ពិន អាពីត៏ឡឹប رضي الله عنهما បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ជនកំណាញ់ គឺជនដែលមានគេរំលឹកពីខ្ញុំនៅចំពោះមុខខ្លួន ប៉ុន្ដែគេមិនសឡាវ៉ាតមកចំពោះខ្ញុំ”។
[صحيح] - [رواه النسائي في الكبرى] - [السنن الكبرى للنسائي - 8046]

Explanation

ណាពី ﷺ លោកបានព្រមានចំពោះការមិនព្រមសឡាវ៉ាត(ប្រសិទ្ធិពរជ័យ)ដល់រូបលោកនៅពេលដែលគេបានឮឈ្មោះ ឬងារ ឬលក្ខណៈសម្បត្តិរបស់លោក។ លោកបានមានប្រសាសន៍ថា៖ អ្នកដែលកំណាញ់ពិតប្រាកដ គឺអ្នកដែលមានគេរំលឹកពីខ្ញុំនៅចំពោះមុខគេ តែគេមិនសឡាវ៉ាតមកចំពោះរូបខ្ញុំ។ នោះគឺដោយសារហេតុផលមួយចំនួន៖
ទីមួយ៖ វាជាភាពកំណាញ់ចំពោះប្រការមួយដែលមិនធ្វើឱ្យគេខាតបង់អ្វីបន្តិចទាល់តែសោះ ហើយក៏មិនត្រូវចំណាយទ្រព្យសម្បត្តិ ឬកម្លាំងពលកម្មអ្វីឡើយ។
ទីពីរ៖ គឺគេកំណាញ់ចំពោះខ្លួនឯង និងហាមឃាត់ខ្លួនឯងពីផលបុណ្យនៃការសឡាវ៉ាតលើណាពី ﷺ ព្រោះតែការមិនសឡាវ៉ាតលើណាពី ﷺ ។ គេមានចិត្តកំណាញ់ និងមិនចង់បំពេញនូវកាតព្វកិច្ចនៃការអនុវត្តតាមបទបញ្ជា ដើម្បីទទួលបានផលបុណ្យឡើយ។
ទីបី៖ ការសឡាវ៉ាតលើណាពី ﷺ គឺជាការបំពេញសិទ្ធិមួយចំនួនរបស់ណាពី ﷺ ។ ជាការពិតណាស់ លោកជាអ្នកបង្រៀនពួកយើង ជាអ្នកណែនាំពួកយើង និងជាអ្នកអំពាវនាវពួកយើងទៅកាន់អល់ឡោះជាម្ចាស់។ លោកបាននាំមកនូវវ៉ាហ៊ីនេះ និងច្បាប់សាសនានេះមកកាន់ពួកយើង។ លោកគឺជាមូលហេតុនៃការទទួលបានការចង្អុលបង្ហាញរបស់ពួកយើង(បន្ទាប់ពីអល់ឡោះជាម្ចាស់)។ ជនណាដែលមិនសឡាវ៉ាតលើលោក គឺគេពិតជាបានកំណាញ់ចំពោះខ្លួនឯង និងកំណាញ់ចំពោះណាពី ﷺ ដោយសារតែពួកគេមិនបានបំពេញសិទ្ធិដ៏តូចបំផុតក្នុងចំណោមបណ្តាសិទ្ធិទាំងឡាយរបស់លោក។

Benefits from the Hadith

1. ការមិនសឡាវ៉ាត(ប្រសិទ្ធិពរជ័យ)លើណាពី ﷺ គឺជាសញ្ញានៃភាពកំណាញ់។
2. ការសឡាវ៉ាត(ប្រសិទ្ធិពរជ័យ)លើណាពី ﷺ ស្ថិតក្នុងចំណោមទង្វើកុសលដ៏ប្រសើរបំផុតនៅគ្រប់ពេលវេលាទាំងអស់ ជាពិសេស នៅពេលដែលមានគេរំឭកដល់រូបលោក។
3. អ៊ីម៉ាំ អាន់ណាវ៉ាវី បាននិយាយថា៖ នៅពេលគេសឡាវ៉ាតលើណាពី ﷺ ចូរឲ្យគេសឡាវ៉ាតផង និងឲ្យសាឡាម មិនគួរកំណត់ត្រឹមតែមួយណានោះទេ។ ដូចនេះ គេមិនគួរនិយាយថា៖ “صلى الله عليه” ឬក៏ “عليه السلام” តែមួយនោះឡើយ។
4. អាពូអាលីយ៉ះ បានបកស្រាយបន្ទូលរបស់អល់ឡោះ៖ “إن الله وملائكته يصلون على النبي” (ជាការពិតណាស់ អល់ឡោះនិងម៉ាឡាអ៊ីកាត់របស់ទ្រង់កំពុងតែសឡាវ៉ាតលើណាពី)ថា៖ ការសឡាវ៉ាតរបស់អល់ឡោះជាម្ចាស់ចំពោះណាពីរបស់ទ្រង់ គឺទ្រង់កោតសរសើរដល់លោក។ ចំណែកឯការសឡាវ៉ាតរបស់ម៉ាឡាអ៊ីកាត់និងមនុស្សលោក គឺការបួងសួង។
5. អ៊ីម៉ាំ ហាលីមី បាននិយាយថា៖ អត្ថន័យនៃឃ្លា៖ “اللهم صلّ على محمد” (ឱអល់ឡោះជាម្ចាស់! សូមទ្រង់មេត្តាសឡាវ៉ាតលើណាពីមូហាំម៉ាត់) គឺមានន័យថា៖ ឱអល់ឡោះជាម្ចាស់! សូមទ្រង់មេត្តាលើកតម្កើងដល់លោកនៅក្នុងលោកិយនេះតាមរយៈការលើកតម្កើងកិត្តិនាមរបស់លោក ធ្វើឲ្យសាសនារបស់លោកលេចធ្លោឡើង និងថែរក្សាក្បួនច្បាប់បញ្ញត្តិរបស់លោក។ ហើយនៅថ្ងៃបរលោក សូមទ្រង់មេត្តាលើកតម្កើងដល់លោកដោយផ្តល់ឱ្យលោកអាចធ្វើអន្តរាគមន៍ដល់ប្រជាជាតិរបស់លោក ហើយបន្ថែមផលបុណ្យ និងឋានៈដល់លោក បង្ហាញពីឧត្តមភាពរបស់លោកចំពោះមនុស្សជំនាន់មុននិងជំនាន់ក្រោយ ដោយ អាល់ម៉ាកម អាល់ម៉ះម៉ូត(ឋានៈដែលត្រូវបានគេកោតសរសើរ) ហើយផ្តល់អាទិភាពដល់លោកលើអ្នកបម្រើទាំងអស់ដែលត្រូវបាននាំមកជិតជាសាក្សី។