Hadiis: Beed soaba, yaa b sẽn tẽeg mam yʋʋr a soab nengẽ, t'a pa pʋʋs maam ye

عَنِ الحُسَينِ بنِ عَلِيٍّ بنِ أَبِي طَالِبٍ رضي الله عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«الْبَخِيلُ مَنْ ذُكِرْتُ عِنْدَهُ فَلَمْ يُصَلِّ عَلَيَّ».
[صحيح] - [رواه الترمذي والنسائي في الكبرى وأحمد] - [السنن الكبرى للنسائي: 8046]

Yii a Al-hussayn ɭbn ʿAli ɭbn Abɩɩ Ṭaalib nengẽ, (Wẽnd yard be b yiibã yĩnga), a yeelame: Wẽnd Tẽn-tʋʋmã yeelame, (Wẽnd pʋʋsg la A tɩlgr be a yĩngɑ):
«Beed soaba, yaa b sẽn tẽeg mam yʋʋr a soab nengẽ, t'a pa pʋʋs maam ye».
[Naṣʋn Ṣahɩɩhʋn (Gom-sikdem sẽn manege)] - [رواه الترمذي والنسائي في الكبرى وأحمد] - [An-Sunan Al-kʋbraa lɩn-nasaa'ɩy (A An-nasaa'ɩy Sunnah gaf bedrã) - 8046]

bilgrã

Nabiyaamã bugsame (Wẽnd pʋʋsg la A tɩlgr be a yĩngɑ) n yi a pʋʋsgã basbo, b sẽn wat n wʋm a yʋʋrã, maa a sondrã maa a sɩf-rãmbã, n yeele : "Beed soab sẽn pidi, yaa b sẽn tẽeg mam yʋʋr a soab nengẽ, t'a pa pʋʋs maam ye" la rẽnda yaa yεl yĩnga:
Rẽenemã :yɑɑ t'a maana beed ne bũmb yẽ sẽn pa bõnd ne a sababo, pa wʋsgo pɑ bilfu, a ka na n yiis arzεka, a ka na n maan nigd pãng me.
Yiib soaba: yaa t'a maana a meng beedo, la a mong a meng Wẽnd Tẽn-tʋʋmã pʋʋsg keoore (Wẽnd pʋʋsg la A tɩlgr be a yĩngɑ), bala a sẽn tõdg n ka pʋʋs Nabiyaamã, a maana beedo la a tõdg n bas hakε sẽn zao yẽ zugu, tɩ yaa sagell sakre, la a paam keoor a pʋgẽ.
Tãab soaba: tɩ ad a pʋʋsgã, be a pʋgẽ sẽn yaa Nabiyamã (Wẽnd pʋʋsg la A tɩlgr be a yĩngɑ) hakε wã sãnda kũuni, rẽnd yaa yẽnda n wilg tõndo, la yẽnda n tees tõndo, la yaa yẽnda n bool tõnd n tʋg Wẽnd nengẽ (A Naam yɩ wagell n zẽke), la a wa ne wahɩ-kãngã la sãri-kãngã, rẽnd yẽnda la tõnd kãndgrã sababo -Wẽnd loogr poorẽ (A Naam yɩ wagell n zẽke) la ned ning sẽn ka pʋʋs-a a maana a meng beedo, la a maan beed ne a Nabiyaamã (Wẽnd pʋʋsg la A tɩlgr be a yĩngɑ) la woto yaa a hakε-rãmbã sẽn tʋg n paood n yɩɩda.

Sẽn be Hɑdiisã yõod-rãmbẽ

1. Nabiyaamã (Wẽnd pʋʋsg la A tɩlgr be a yĩngɑ) pʋʋsgã basbo, a yaa beed zu-raoogo.
2. Nabiyaamã (Wẽnd pʋʋsg la A tɩlgr be a yĩngɑ) pʋʋsgã, a yaa pẽnegr la tũub sẽn yɩɩd sõmblem, wakat-rãmbã fãa pʋgẽ, la a kengdame b sẽn wat n tẽeg a yʋʋrã.
3. A An-Nawawy yeelame: a sã n pʋʋs Nabiyaamã (Wẽnd pʋʋsg la A tɩlgr be a yĩngɑ) bɩ a tigim "pʋʋsgã" la "tɩlgrã" ne taaba, a ka sõmb n maan b yiibã yembr n bas a to wã ye; bɩ a ra yeel: (Ṣalla Allaah ʿAlayhi) = pʋʋsg be a yɩnga, bal ye, la leb n ra yeele: (ʿAlayhi Wa Sallam)= tɩlgr be a yɩnga, bal me ye.
4. A Abʋl-ʿAaliya yeelame A koεεgã sẽn yeelã pʋgẽ: (Ad Wẽnd ne A Malεgsã pʋʋsda Nabiyaamã) a yeelame: Wẽnd pʋʋsgã (A Naam yɩ wagell n zẽke) A Nabiyaamã: yaa a pẽgre, la malεgsã la ninsaalbã pʋʋsgã: yaa doaaga.
5. La a Al-hɑlɩɩmiy yeelame: rẽnd «Allaahʋmma Ṣalli ʿAlaa Mʋhammadin» maana: m Soab A Wẽnde zɩsg-a dũni ne a yʋʋrã tẽegr zẽkre, la a dĩinã sõngre, la a sãri wã kellego. La laahre: ne a sugsgã reegre a zãmã wã pʋgẽ, la a keoorã wʋsgre la a yel-sõmdã, la a yɩɩdlemã vẽnegre ne rẽenem rãmba la yaoolem rãmbã, sẽn tũ ne Pẽgrã zĩndg zĩigẽ (Al-Maƙaam Al-Mahmuud), la a lʋɩɩs-a pẽnegdbã sẽn yaa seedbã fãa tɑoore.