Hadiis: Ned ning sẽn wa n tʋg n reeg lɩslaam hakε ne wẽenego, rẽnd Wẽnd maaname tɩ Bugum yaa tɩlae ne a soabã, la A gɩdga arzãnã a zugu» tɩ rao yeel-a: baa yaa bũmb bilfu Wẽnd Tẽn-tʋʋmã? La a yeel yã: «Baa yaa bilf wala ra-wãbdga

عن أَبِي أُمَامَةَ إِياسِ بنِ ثَعْلَبَةَ الحَارِثِيِّ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«مَنِ اقْتَطَعَ حَقَّ امْرِئٍ مُسْلِمٍ بِيَمِينِهِ، فَقَدْ أَوْجَبَ اللهُ لَهُ النَّارَ، وَحَرَّمَ عَلَيْهِ الْجَنَّةَ» فَقَالَ لَهُ رَجُلٌ: وَإِنْ كَانَ شَيْئًا يَسِيرًا يَا رَسُولَ اللهِ؟ قَالَ: «وَإِنْ قَضِيبًا مِنْ أَرَاكٍ».
[صحيح] - [رواه مسلم] - [صحيح مسلم: 137]

Yii a Abɩɩ Ʋmaama ɭyaas ɭbn Ṯaalaba Al-haariṯiy nengẽ, (Wẽnd yard be a yĩnga), tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame:
«Ned ning sẽn wa n tʋg n reeg lɩslaam hakε ne wẽenego, rẽnd Wẽnd maaname tɩ Bugum yaa tɩlae ne a soabã, la A gɩdga arzãnã a zugu» tɩ rao yeel-a: baa yaa bũmb bilfu Wẽnd Tẽn-tʋʋmã? La a yeel yã: «Baa yaa bilf wala ra-wãbdga».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 137]

bilgrã

Nabiyaamã (Wẽnd pʋʋsg la A tɩlgr be a yĩnga) bugsame n yi wẽeneg ne Wẽnde, zĩri-beedo, n miẽ tɩ yaa zĩri-beedo, sẽn na paam n reeg lɩslaam hakε, bala yẽnda rolbã sõmba ne Bugum la b mong-a arzãnã, a leb n yaa zũnuub bεdã a yembre. Tɩ ned yeele: Wẽnd Tẽn-tʋʋmã: baa t'a sẽn reeg bũmb ningã paoodame? La Nabiyaamã (Wẽnd pʋʋsg la A tɩlgr be a yĩnga) yeel yã, baa tɩ yaa ra-wãbdga sẽn fãsg tɩɩgẽ, a tara yelle.

Sẽn be Hɑdiisã yõod-rãmbẽ

1. Yaa bugsg tɩ b bas nebã hakε-rãmb reesgo, la tall nong-kεgeng n paam n kɩs-b b rãmba, a paoodame maa a waoogame, la b bãng tɩ bʋ-bʋʋd sã n bʋ n tudgi a ka yɩt sabab n kõt ned sor t'a reeg bũmb ninga sẽn ka sõmb ne-a wã ye.
2. An-Nawawiy (Wẽnd na yols-a) yeelame: Lɩslaambã hakε rɩɩbo n tũ ne haraamã, b maan-a lame t'a yaa bedre, la welgr ka be bilf la wʋsg ye, bala Nabiyaamã (Wẽnd pʋʋsg la A tɩlgr be a yĩnga) yeelame: "Baa yaa bilf wala ra-wãbdga".
3. An-Nawawiy (Wẽnd na yols-a) yeelame: Sɩbg-kãngã yaa ned ning sẽn reeg lɩslaam hakε n kell n maan kaalem n ka tuubi, la sã n yaa ned ning sẽn tuuba la a maan mimsa la a lebs hakε wã n kõ b rãmba la a bãng a sẽn na n maaneg n yi a pʋgẽ la a loe n wãag t'a ka na n leb n tʋm a buudu, rẽnd zũnuubã lʋɩ n basa yãwã soabã.
4. Al-Ƙaadiy yeelame (Wẽnd na yols-a): B sẽn welg tɩ lɩslaam hakε wã, bala yaa bãmb la b sẽn gomd ne wã, neb wʋsg sẽn tʋmd ne sãri wã me yaa bãmba, ka rat n na n wilg tɩ zẽng sẽn ka lɩslaam hakε me yõsgame ye, sẽn ka lɩslaam hakε yaa wala lɩslaam hakε rɩɩbo.
5. An-Nawawiy yeelame (Wẽnd na yols-a): zĩri-beedã yaa fo sẽn na n togs bũmb tɩ yõsge, ne pu-toogo maa yĩmbu, zem tɩ yaa sẽn looge maa sẽn na n wate.