Ab Adiis: ku sàkku a dog àqi jullit ci giñam, Yàlla waral na ci moom Sawara, araamal ci moom àjjana" jenn waay ne ko: donte mbir mu ndaw la yaw Yonnente Yàlla bi? Mu ne ko: "donte ab bantu Araak la

عن أَبِي أُمَامَةَ إِياسِ بنِ ثَعْلَبَةَ الحَارِثِيِّ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«مَنِ اقْتَطَعَ حَقَّ امْرِئٍ مُسْلِمٍ بِيَمِينِهِ، فَقَدْ أَوْجَبَ اللهُ لَهُ النَّارَ، وَحَرَّمَ عَلَيْهِ الْجَنَّةَ» فَقَالَ لَهُ رَجُلٌ: وَإِنْ كَانَ شَيْئًا يَسِيرًا يَا رَسُولَ اللهِ؟ قَالَ: «وَإِنْ قَضِيبًا مِنْ أَرَاكٍ».
[صحيح] - [رواه مسلم] - [صحيح مسلم: 137]

Jële nañu ci Abii Umaamata Iyaas ibn Sahlabata Al-Haarisii yal na ko Yàlla dollee gërëm mu jële ci Yonnente Yàlla bi yal na ko Yàlla dolli xéewal ak mucc mu wax ne:
"ku sàkku a dog àqi jullit ci giñam, Yàlla waral na ci moom Sawara, araamal ci moom àjjana" jenn waay ne ko: donte mbir mu ndaw la yaw Yonnente Yàlla bi? Mu ne ko: "donte ab bantu Araak la".
[Wér na] - [Muslim soloo na ko] - [Téere Muslim bi gën a wér - 137]

Leeral

Yonnente bi yal na ko Yàlla dolli xéewal ak mucc day moytandikuloo giñ ngir dog àqi jullit, te fayug loolu mooy yayoo sawara, ak xañ ko àjjana, te ci bàkkaar yu mag yi la bokk. Jenn waay ne ko: yaw Yonnente Yàlla bi, donte la muy giñ mbir mu tuuti la? Yonnente bi yal na ko Yàlla dolli xéewal ak mucc ne ko: donte loolu dafa toll ne bantu socc bi ñuy jële ci garabu Araak.

Bokk na ci njariñi Adiis bi

1. Moytandikuloo jël àqi ñeneen ñi, ak xër ci jox ko boroomam ak lu mu néew-néew, ak ne àtteb aji-àtte ji ci njuumte du daganalal nit ki lu mu moomul.
2. An-Nawawii nee na: àqi julit dañu koo araamal lool te amul teqale ci diggante àq ju néew ak ju bari; ndax li Yonnente bi wax ne: «donte dafa toll ni bantu Araak».
3. An-Nawawii wax ne: mbugal gii ngir kiy dog àqi jullit ñi ba faatu te tuubul la, bu dee ku tuub nag daal di réccu la mu def delloo àq ja boroomam, daal di cay deñ, mu dogu ne du ca dellu kon bàkkaar ba wàcc na ci moom.
4. Al-Xaadii nee na: dañu ko a jagleel jullit ñi ndaxte ñoom lañu doon wàqanteel ak mbooleem ñiy jëflànte ci sariiha, waaye du ne ki dul jullit bokku ca, waaye seen àtte mooy àtteem ci loolu.
5. An-Nawawii nee na: fen mooy xibaare mbir mu wuute ak na mu ame, ci ag tay walla njuumte, moo xam xibaare gi ci lu weesu la walla lu ñëwagul.