Ab Adiis: ki nay dëgg mooy ki ñu ma tudd fi moom te julliwul ci man

عَنِ الحُسَينِ بنِ عَلِيٍّ بنِ أَبِي طَالِبٍ رضي الله عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«الْبَخِيلُ مَنْ ذُكِرْتُ عِنْدَهُ فَلَمْ يُصَلِّ عَلَيَّ».
[صحيح] - [رواه الترمذي والنسائي في الكبرى وأحمد] - [السنن الكبرى للنسائي: 8046]

Jële nañu ci Al-Husayn ibn Aliyun Ibn Abii Taalib yal na leen Yàlla dollee gërëm mu wax ne: Yonnente bi yal na ko Yàlla dolli xéewal ak mucc nee na:
"ki nay dëgg mooy ki ñu ma tudd fi moom te julliwul ci man".
[Wér na] - - [Téere bu mag bi An-nasaa'iy def ci Sunna yi - 8046]

Leeral

Yonnente bi yal na ko Yàlla dolli xéewal ak mucc day moytandikuloo ñàkk a julli ci moom bu ñu déggee turam walla dàkkantalam walla meloom, mu wax ne: ki nay, nay gu mat mooy ki nga xam ne dañu maa tudd fi moom te julliwul ci man; loolu ngir ay bir:
Bi ci njëkk: ndaxte ag nay la ci mbir moo xam ne du tax mu ñàkk lu néew walla lu bari, te du joxe alal, du def it coono.
Ñaareel bi: moom dafa nay ci boppam daldi xañ boppam yiwu julli ci Yonnente bi yal na ko Yàlla dolli xéewal ak mucc; ndaxte li mu ñàkk a julli ci moom moo tax mu nay ñàkk a joxe àq joj def ko dafa war ci moom ngir jëfe ndigal, daal di ciy am ag fay.
Ñatteel bi: julli ci moom joxe yenn àqi Yonnente bi yal na ko Yàlla dolli xéewal ak mucc moo ngi ci, moom moo nu xamal, moo nu gindi, moo nu woo ci Yàlla mu Baarkeel mi te kawe, moo nu indil wahyu gi, ak Sariiha bi, te mooy Sababus sunug gindiku -ginnaaw Yàlla mu Baarkeel mi te kawe - ku julliwul ci moom kon ku nay la ci boppam, ku nay la it ci Yonnente bi yal na ko Yàlla dolli xéewal ak mucc ci àq joj mooy li gën a ndaw ci ay àqam.

Bokk na ci njariñi Adiis bi

1. Bàyyee julli ci Yonnente bi yal na ko Yàlla dolli xéewal ak mucc màndargam nay la.
2. Julli ci Yonnente bi yal na ko Yàlla dolli xéewal ak mucc bokk ci jaamu ak topp Yàlla yi gën ci bépp waxtu, dana feddaliku ci jamono yu ñu ko tudde.
3. An-Nawawii nee na: bu jullee ci Yonnente bi yal na ko Yàlla dolli xéewal ak mucc na boole diggante julli ak sëlmël, te bu mu yem ci benn bi reek; bu mu wax: (sallal Laahu) dong du caagine : (halayhi assalaam) kese.
4. Abu Al-Haaliya nee na li mu wax: (Yàlla ak i malaakaam dañuy julli ci Yonnente bi) nee na: jullig Yàlla ci yonnenteem bi: mooy tagg ko, jullig malaaka yi ak nit ñi: mooy ñaan.
5. Al-Hulaymii nee na: maanaam "Allaahuma salli halaa Muhammat": mooy yaw Yàlla màggal ko ci àdduna ci kaweel turam, ak feeñal diineem, ak desal fi sariihaam, bu allaaxiraa: nga rammloo ko xeetam wi, te rëyal ag fayam ak yoolam, ak feeñal ngëneelam ci ñi jiitu ak ñi mujj ca màqaama ga ñu gërëm, ak jiital ko ci mbooleem way-jege ya ak seede ya.