Hadithi: “Kur ta shihni hënën e Ramazanit, agjëroni, e kur ta shihni hënën e shevalit, hani (bëni Bajram). Nëse është vranët (dhe nuk e shihni), plotësojeni muajin (tridhjetë ditë).”

عَنْ ابْنَ عُمَرَ رَضِيَ اللَّهُ عَنْهُمَا قَالَ: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«إِذَا رَأَيْتُمُوهُ فَصُومُوا، وَإِذَا رَأَيْتُمُوهُ فَأَفْطِرُوا، فَإِنْ غُمَّ عَلَيْكُمْ فَاقْدُرُوا لَهُ».
[صحيح] - [متفق عليه] - [صحيح البخاري: 1900]

Ibn Omeri (Allahu qoftë i kënaqur me të dy!) transmeton se e ka dëgjuar të Dërguarin e Allahut ﷺ duke thënë:
“Kur ta shihni hënën e Ramazanit, agjëroni, e kur ta shihni hënën e shevalit, hani (bëni Bajram). Nëse është vranët (dhe nuk e shihni), plotësojeni muajin (tridhjetë ditë).”
[Ky hadith është sahih] - [Muttefek alejhi] - [Sahihu i Buhariut - 1900]

Shpjegimi

Profeti ﷺ në këtë hadith e sqaroi shenjën e hyrjes dhe daljes së muajit Ramazan, duke thënë: "Kur ta shihni hënën e re të Ramazanit, agjëroni, e nëse mes jush dhe saj ka re dhe nuk mund ta shihni, atëherë plotësojeni muajin Shaban tridhjetë ditë. E kur ta shihni hënën e re të Shevalit, prisheni agjërimin. Ndërsa, nëse mes jush dhe saj ka re dhe nuk mund ta shihni, atëherë plotësojeni muajin Ramazan tridhjetë ditë.

Mësime nga hadithi

1. Mbështetja për ta vërtetuar hyrjen e muajit bëhet mbi shikimin e hënës dhe jo mbi llogaritjet astronomike.
2. Ibn Mundhiri e përcjell ixhmain (konsensusin) se agjërimi nuk është i obligueshëm nëse hyrja e muajit Ramazan përcaktohet vetëm me llogaritje astronomike dhe jo me shikimin e hënës.
3. Është obligim të plotësohet muaji Shaban me tridhjetë ditë, nëse retë ose diçka tjetër pengon shikimin e hënës së Ramazanit.
4. Muaji hënor mund të jetë ose 29-të ditë, ose 30-të ditë.
5. Është obligim të plotësohet muaji Ramazan me tridhjetë ditë, nëse retë ose diçka tjetër pengon shikimin e hënës së Shevalit.
6. Ai që ndodhet në një vend ku nuk ka dikë që e përcjell çështjen e muslimanëve sa i përket agjërimit, ose është dikush që e shpërfill këtë, atëherë duhet të kujdeset për këtë gjë dhe ta verifikojë përmes dikujt që e ka konfirmuar këtë përmes shikimit të tij ose përmes shikimit të dikujt, në të cilin ka besim. Atëherë, i tilli, duhet të agjërojë dhe të prishë agjërimin në bazë të asaj që është vërtetuar te ai.