فەرموودە: ئەگەر بینیتان ئەوا ڕۆژوو بگرن، وئەگەر بینیتان ئەوا ڕۆژوو بشکێنن، ئەگەر نادیار بوو لێتان ئەوا خەمڵاندنی بۆ بکەن

عن عبد الله بن عمر رضي الله عنهما قال: سمعت رسول الله صلى الله عليه وسلم يقول: «إذا رَأَيْتمُوه فَصُومُوا، وإذا رَأَيْتُمُوه فَأفْطِروُا، فإن غُمَّ عليكم فَاقْدُرُوا له».
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە عبداللەی کوڕی عومەرەوە -ڕەزای خوای لێبێت- دەڵێت: گوێم لە پێغەمبەری خودا -صلى اللە علیە وسلم- بوو کە دەیفەرموو: «ئەگەر بینیتان (مانگی ڕەمەزان) ئەوا ڕۆژوو بگرن، وئەگەر بینیتان (مانگی شەوال) ئەوا ڕۆژوو بشکێنن، ئەگەر نادیار بوو لێتان ئەوا خەمڵاندنی بۆ بکەن (واتە: سی ڕۆژی شەعبان ، وسی ڕۆژ ڕەمەزان تەواو بکەن)».
[صەحیحە] - [بوخاری و موسلیم هاوڕان لەسەری]

شیکردنەوە

حوكمەکانی شەریعەت لەسەر بنچینە دانراون بۆیە لێیان لا نادرێت مەگەر بە دڵنیایی ویەقینەوە نەبێت. ولەوانەش: بنچینە ئەوەیە کە مانگی شەعبان وەکو خۆی سی ڕۆژە، ونابێت ڕۆژووی ڕەمەزان بگیرێت بە بێ بینینی هیلالی مانگی ڕەمەزان، بۆیە پێغەمبەر -صلى اللە علیە وسلم- ڕۆژووگرتنی ڕەمەزان وڕۆژووشکاندنی بەستەوە بە بینینی هیلال (مانگ). ئەگەر ڕێگرێک هەبوو وەکو هەور یان تۆز وخۆڵ یان هەرشتێکی تر کە وا بکات کە مانگ نەبینرێت، ئەوا لەم کاتەدا سی ڕۆژی مانگی شەعبان تەواو دەکرێت؛ چونکە بنچینە مانەوەیەتی وەکو خۆی وبۆیە حوکمەکەی لاناچێت مەگەر بە یەقین ودڵنیاییەوە نەبێت.