Hadithi: I Dërguari i Allahut ﷺ ka qenë njeriu më bujar, e bujaria e tij arrinte kulmin gjatë Ramazanit, kur e takonte Xhibrili

عَنِ ابْنِ عَبَّاسٍ رضي الله عنهما قَالَ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ أَجْوَدَ النَّاسِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ، وَكَانَ يَلْقَاهُ فِي كُلِّ لَيْلَةٍ مِنْ رَمَضَانَ فَيُدَارِسُهُ القُرْآنَ، فَلَرَسُولُ اللَّهِ صَلَّى اللهُ عَلَيْهِ وَسَلَّمَ أَجْوَدُ بِالخَيْرِ مِنَ الرِّيحِ المُرْسَلَةِ.
[صحيح] - [متفق عليه] - [صحيح البخاري: 6]

Ibn Abasi (Allahu qoftë i kënaqur me të!) tregon:
"I Dërguari i Allahut ﷺ ka qenë njeriu më bujar, e bujaria e tij arrinte kulmin gjatë Ramazanit, kur e takonte Xhibrili. E takonte atë çdo natë Ramazani dhe e mësonte Kuranin me të. I Dërguari ﷺ në vepra të mira ka qenë më bujar sesa era që fryn (plot mirësi)."
[Ky hadith është sahih] - [Muttefek alejhi] - [Sahihu i Buhariut - 6]

Shpjegimi

Profeti ﷺ ishte njeriu më bujar, e bujaria e tij ishte kulmore gjatë muajit Ramazan, meqë e jepte atë që kërkohej për ata që kishin nevojë. Fakti se bujaria e tij ishte kulmore janë dy shkaqe:
I pari: Takimi që e kishte me Xhibrilin (alejhi selam).
I dyti: Mësimi i Kuranit së bashku, respektivisht leximi i tij përmendsh.
Xhibrili (alejhi selam) i mësonte Profetit ﷺ çdo gjë që i qe shpallur nga Kurani, kësisoj i Dërguari i Allahut ﷺ ishte më bujar, më bamirës dhe veprues i hairit, dhe më i shpejtë për t'u sjellë dobi njerëzve sesa era e mirë që e dërgon Allahu me shi e mëshirë.

Mësime nga hadithi

1. Sqarimi i bujarisë së Profetit ﷺ dhe se bujaria e tij ishte kulmore, veçanërisht në Ramazan, pasi është muaji i adhurimeve dhe sezon i veprave të mira.
2. Inkurajimi për të qenë bujar në çdo kohë dhe është e rekomandueshme që një gjë e tillë të shtohet gjatë muajit Ramazan.
3. Gjatë muajit Ramazan duhet të shtohet bujaria, dhënia, bamirësia e leximi i Kuranit.
4. Ndër shkaqet e ruajtjes së dijes është mësimi dhe përsëritja e saj së bashku me nxënësit e dijes dhe dijetarët.