हदीस: रसूल (सल्लल्लाहु अलैहि वसल्लम) सम्पूर्ण मानिसहरूमध्ये सर्वाधिक परोपकारी हुनुहुन्थ्यो। विशेषगरी रमजानको महिनामा, जब जिब्रील (अलैहिस्सलाम) उहाँसँग भेट गर्नुहुन्थ्यो
عَنِ ابْنِ عَبَّاسٍ رضي الله عنهما قَالَ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ أَجْوَدَ النَّاسِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ، وَكَانَ يَلْقَاهُ فِي كُلِّ لَيْلَةٍ مِنْ رَمَضَانَ فَيُدَارِسُهُ القُرْآنَ، فَلَرَسُولُ اللَّهِ صَلَّى اللهُ عَلَيْهِ وَسَلَّمَ أَجْوَدُ بِالخَيْرِ مِنَ الرِّيحِ المُرْسَلَةِ.
[صحيح] - [متفق عليه] - [صحيح البخاري: 6]
المزيــد ...
इब्ने अब्बास (रजियल्लाहु अन्हुमा) ले बयान गरेका छन् :
"रसूल (सल्लल्लाहु अलैहि वसल्लम) सम्पूर्ण मानिसहरूमध्ये सर्वाधिक परोपकारी हुनुहुन्थ्यो। विशेषगरी रमजानको महिनामा, जब जिब्रील (अलैहिस्सलाम) उहाँसँग भेट गर्नुहुन्थ्यो, उहाँको उदारता अझ बढ्दथ्यो। जिब्रील (अलैहिस्सलाम) रमजानको प्रत्येक रात उहाँकहाँ आउनुहुन्थ्यो र उहाँलाई कुर्आन पढाउहुन्थ्यो । वास्तवमा, अल्लाहका रसूल (सल्लल्लाहु अलैहि वसल्लम) भलाइ र दानपुण्यका कार्यमा, तीव्र वेगले बहने हावाभन्दा पनि अधिक उदार र परोपकारी हुनुहुन्थ्यो।"
[सही] - [मुत्तफकुन अलैहि] - [सही बुखारी - 6]
नबी (सल्लल्लाहु अलैहि वसल्लम) मानिसहरूमध्ये सर्वाधिक उदार र दानशील हुनुहुन्थ्यो। उहाँको यो उदारता रमजान महिनामा अझ बढी हुन्थ्यो, जहाँ उहाँले प्रत्येक योग्य व्यक्तिलाई उचित कुरा प्रदान गर्नुहुन्थ्यो। उहाँको उदारतामा वृद्धि हुनुका दुई प्रमुख कारणहरू थिएः
पहिलो कारणः जिब्रिल (अलैहिस्सलाम) सँग भेट्नु ।
दोस्रो कारणः कुरआनको 'मुदारसा', अर्थात् कण्ठस्थ रूपमा पढ्ने कार्य।
जिब्रील (अलैहिस्सलाम) ले उहाँसँग त्यस समयसम्म अवतरित कुरआनको 'मुदारसा' ( पाठन) गर्नुहुन्थ्यो। यस क्रममा अल्लाहका रसूल (सल्लल्लाहु अलैहि वसल्लम) उदारता, दान र परोपकारका कार्यहरूमा अझ बढी तत्पर रहनुहुन्थ्यो। उहाँको उदारता, सबैको हितका लागि वर्षा र कृपा बोकेर बहने तीव्र बतासभन्दा पनि अधिक वेगवान् र लाभदायी थियो।
हदीसका केही फाइदाहरू
- नबी (सल्लल्लाहु अलैहि वसल्लम) को उदारताको वर्णन, विशेषगरी रमजानको महिनामा, किनकि यो आज्ञाकारिता र सत्कर्म गर्ने मौसम हो ।
- हरेक मौसममा परोपकारी हुनुको प्रोत्साहन तर रमजानको महिनामा अझै धेरै उदार गर्नु मुस्तहब हो ।
- रमजानको महिनामा अझै धेरै खर्च गर्नु, दान दिनु, परोपकार गर्नु र कुर्आन पढ्नु ।
- ज्ञान जोगाउने एउटा कारण भनेको विधार्थी र विद्वानसँग अध्ययन गर्नु हो ।
वर्गीकरण
थप
- हदीस: रसूल (सल्लल्लाहु अलैहि वसल्लम) मानिसहरूमध्ये सबैभन्दा उत्कृष्ट व्यवहारका व्यक्ति हुनुहुन्थ्यो ।
- हदीस: उहाँको अख्लाक (नैतिकता) नै कुर्आन थियो ।
- हदीस: ”जब नबी (सल्लल्लाहु अलैहि व सल्लम) लाई हाच्छ्युँ आउँथ्यो, तब आफ्नो हात वा कपडा मुखमाथि राख्नुहुन्थ्यो र त्यसैद्वारा आफ्नो आवाजलाई मधुरो वा कम गर्नुहुन्थ्यो।”
- हदीस: यदि मलाई मेरो उम्मत कठिनाइमा पर्ने डर नभएको भए, म तिनीहरूलाई प्रत्येक नमाजको समयमा मिस्वाक (दाँत सफा) गर्न आदेश दिने थिएँ।