Хадис: „Божјиот пратеник, салаллаху алејхи ве селем, беше најдарежливиот човек во правењето добро, а неговата дарежливост беше најизразена во месецот рамазан, кога Џибрил, алејхи селам, го посетуваше

عَنِ ابْنِ عَبَّاسٍ رضي الله عنهما قَالَ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ أَجْوَدَ النَّاسِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ، وَكَانَ يَلْقَاهُ فِي كُلِّ لَيْلَةٍ مِنْ رَمَضَانَ فَيُدَارِسُهُ القُرْآنَ، فَلَرَسُولُ اللَّهِ صَلَّى اللهُ عَلَيْهِ وَسَلَّمَ أَجْوَدُ بِالخَيْرِ مِنَ الرِّيحِ المُرْسَلَةِ.
[صحيح] - [متفق عليه] - [صحيح البخاري: 6]

Ибн Абас, Аллах нека е задоволен со него, раскажува:
„Божјиот пратеник, салаллаху алејхи ве селем, беше најдарежливиот човек во правењето добро, а неговата дарежливост беше најизразена во месецот рамазан, кога Џибрил, алејхи селам, го посетуваше. Џибрил го посетуваше секоја ноќ сè додека месецот не завршеше, а Пратеникот, салаллаху алејхи ве селем, му го изложуваше Куранот. Кога Џибрил, алејхи селам, ќе го посетеше, Пратеникот, салаллаху алејхи ве селем, стануваше подарежлив и од ветерот што носи благодати.“
[صحيح] - [متفق عليه] - [صحيح البخاري - 6]

Објаснување

Божјиот пратеник, салаллаху алејхи ве селем, бил најдарежливиот меѓу луѓето, а неговата дарежливост најмногу беше изразена во месецот рамазан. Тој секогаш помагаше онаму каде што имаше најголема потреба и им даваше на тие што најмногу заслужуваа. Неговата зголемена дарежливост во рамазан се должеше на две причини:
1. Неговите средби со Џибрил, алејхи селам.
2. Повторувањето и читањето на Куранот напамет.
Џибрил, алејхи селам, го посетуваше секоја вечер во текот на Рамазан за да го повторуваат целиот објавен Куран. Божјиот пратеник, салаллаху алејхи ве селем, беше најдарежливиот и најпосветен во правењето добри дела. Неговата добрина и корист за луѓето беа побрзи и пообилни од свежиот ветар кој Аллах го испраќа со дожд и милост.

من فوائد الحديث

1. Опис на дарежливоста на Божјиот пратеник, салаллаху алејхи ве селем, и неговата благородност, особено во месецот рамазан – месецот на покорноста и сезоната на добрите дела.
2. Поттикнување на дарежливост во секое време, со препорака за зголемување на доброчинствата и добрината во месецот рамазан.
3. Зголемување на дарувањето, добрината и великодушноста, како и на рецитирањето на Куранот во текот на месецот рамазан.
4. Една од причините за зачувувањето на знаењето е неговото споделување, учење и повторување заедно со учениците и учителите.