हदीस: “भन : ला इलाह इल्लल्लाहु वह्-दहू ला शरीक लहु, अल्लाहु-अक्बर कबीरा, वल्हम्दु-लिल्लाहि कसीरा, सुब्हानल्लाहि रब्बिल-आलमीन्, ला हौल वला कुव्वत इल्ला बिल्लाहिल-अजीजिल-हकीम ।
عَنْ سَعْدٍ رضي الله عنها قَالَ:
جَاءَ أَعْرَابِيٌّ إِلَى رَسُولِ اللهِ صَلَّى اللهُ عَلَيْهِ وَسَلَّمَ، فَقَالَ: عَلِّمْنِي كَلَامًا أَقُولُهُ، قَالَ: «قُلْ: لَا إِلَهَ إِلَّا اللهُ وَحْدَهُ لَا شَرِيكَ لَهُ، اللهُ أَكْبَرُ كَبِيرًا، وَالْحَمْدُ لِلَّهِ كَثِيرًا، سُبْحَانَ اللهِ رَبِّ الْعَالَمِينَ، لَا حَوْلَ وَلَا قُوَّةَ إِلَّا بِاللهِ الْعَزِيزِ الْحَكِيمِ» قَالَ: فَهَؤُلَاءِ لِرَبِّي، فَمَا لِي؟ قَالَ: «قُلْ: اللهُمَّ اغْفِرْ لِي وَارْحَمْنِي وَاهْدِنِي وَارْزُقْنِي».
[صحيح] - [رواه مسلم] - [صحيح مسلم: 2696]
المزيــد ...
साअ्द (रजियल्लाहु अन्हु) ले बयान गरेका छन्,
एक गाउँले रसूल (सल्लल्लाहु अलैहि वसल्लम) कहाँ आयो र भन्यो: मलाई केही जिक्रहरू सिकाउनुहोस्, जुन म पढ्न सकूँ । उहाँले भन्नुभयो : “भन : ला इलाह इल्लल्लाहु वह्-दहू ला शरीक लहु, अल्लाहु-अक्बर कबीरा, वल्हम्दु-लिल्लाहि कसीरा, सुब्हानल्लाहि रब्बिल-आलमीन्, ला हौल वला कुव्वत इल्ला बिल्लाहिल-अजीजिल-हकीम ।" उसले भन्यो: यी शब्दहरू मेरा रबका लागि हुन्, अनि मेरो लागि ? उहाँले भन्नुभयो: "भन: 'अल्लाहुम्मग्-फिर्ली, वर्-हम्नी, वह्दिनी वर्जुक्नी ।"
[सही] - [मुस्लिमले वर्णन गरेका छन्] - [सही मुस्लिम - 2696]
गाउँबाट आएका एक सहाबीले रसूल (सल्लल्लाहु अलैहि वसल्लम) लाई केही जिक्रहरू सिकाउन आग्रह गरे । रसूल (सल्लल्लाहु अलैहि वसल्लम) ले भन्नुभयो : भन : "ला इलाह इल्लल्लाहु वह्-दहू ला शरीक लहु ।" उहाँले तौहीद (एकेश्वरवाद) बाट सुरु गर्नुभयो र यसको अर्थ भनेको अल्लाह बाहेक कोही सत्य पूज्य छैन । "अल्लाहु-अक्बर कबीरा" अर्थ : अल्लाह सबै भन्दा महान र ठूलो हुनुहुन्छ । "वल्हम्दु-लिल्लाहि कसीरा" अर्थ : अल्लाहप्रति उहाँका गुणहरू, कार्यहरू र अनगिन्ती आशीर्वादहरूका लागि धेरै प्रशंसा छन् । "सुब्हानल्लाहि रब्बिल-आलमीन्" अर्थ : उहाँ हरेक कमी-कमजोरीबाट पवित्र हुनुहुन्छ । "ला हौल वला कुव्वत इल्ला बिल्लाहिल-अजीजिल-हकीम" अर्थ : अल्लाहको सहयोग र तौफीक बिना एक अवस्थाबाट अर्को अवस्थामा जाने शक्ति छैन । उसले भन्यो: यी शब्दहरू मेरा रबको स्तुति र महिमा गर्नका लागि हुन्, अनि म आफ्नो लागि के दुआ गरुँ? रसूल (सल्लल्लाहु अलैहि वसल्लम) ले भन्नुभयो : भन : "'अल्लाहुम्मग्-फिर्ली" हे अल्लाह मेरो पापलाई मेटाएर र त्यसलाई ढाकेर मलाई माफ गर्नुहोस् । "वर्-हम्नी" मलाई धार्मिक र सांसारिक लाभहरू प्रदान गरेर ममाथि दया गर्नुहोस् । "वह्दिनी" राम्रो अवस्था र सीधा मार्गमा मलाई मार्गदर्शन गर्नुहोस् । "वर्जुक्नी" मलाई धन, सुस्वास्थ्य र सबै भलाइ प्रदान गर्नुहोस् ।
हदीसका केही फाइदाहरू
- सुब्हानल्लाह, अल्हम्दु लिल्लाह र अल्लाहु अकबर द्वारा अल्लाहको प्रशंसा गर्न प्रोत्साहन ।
- दुआ गर्नु अघि अल्लाहको प्रशंसा र महिमा गर्नु मुस्तहब हो ।
- मानिसले दुआ गर्दा दुनियाँ र आखिरत (लोक र परलोक) का सबै भलाइ र राम्रो कुराहरू समावेश गरेको प्रमाणित दुआहरू छनोट गर्नु मुस्तहब हो र त्यसपछि आफुले चाहेको दुआ गर्नु ।
- सेवकले यस संसार र परलोकमा फाइदा पुर्याउने कुराहरु सिक्न उत्सुक हुनुपर्छ ।
- क्षमा, दया र रोजीरोटीको लागि दुआ गर्न प्रोत्साहन, किनकि तिनीहरू भलाइका मूल सुत्र हुन् ।
- नबी (सल्लल्लाहु अलैहि वसल्लम) आफ्नो उम्मत (अनुयायी) प्रति निकै दयालु हुनुहुन्थ्यो, त्यसैले उनीहरूलाई फाइदाजनक कुराहरू सिकाउनु हुन्थ्यो ।
- मगफिरत (क्षमा) पछि रहमत (दया) उल्लेख गरिएको छ, ताकि शुद्धिकरण पूर्ण हुन सकोस् । क्षमाले पापहरू ढाक्छ, पखाल्छ र नरकबाट टाढा गर्छ अनि दयाले राम्रो काम र स्वर्गमा प्रवेश गर्छ र यो नै ठूलो विजय हो ।
वर्गीकरण
थप
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।
- हदीस: मृतकलाई गालीगलौज नगर, किनकि उनीहरू पहिले गरेका (राम्रा वा नराम्रा) कर्मतर्फ फर्किसकेका छन् ।”
- हदीस: “कुनै मान्छेको लागी आफ्नो भाइसँग तीन दिनभन्दा बढी कुरा नगर्नु जायज छैन । दुबै एक अर्कालाई भेट्छन् तर अर्कोतिर मुख फर्काएर फर्कन्छन् भने दुई मध्ये सबैभन्दा राम्रो त्यो हो जसले सलाममा पहल गर्छ ।
- हदीस: सम्बन्ध तोड्ने व्यक्ति स्वर्गमा प्रवेश गर्नेछैन ।
- हदीस: अल्लाहको नजरमा सबैभन्दा घृणित व्यक्ति त्यो हो जो अत्यन्त झगडालु र सधैं विवादमा रहन्छ ।
- हदीस: जसले आफ्नो भाइको इज्जत र मर्यादाको रक्षा गर्छ, अल्लाहले उसलाई न्यायको दिन नरकको आगोबाट बचाउनुहुनेछ ।