ഹദീസ്: ആർത്തവം ശുദ്ധിയായതിന് ശേഷം കാണപ്പെടുന്ന അഴുക്ക്നിറമോ മഞ്ഞ നിറമോ ഞങ്ങൾ യാതൊന്നുമായി പരിഗണിക്കാറില്ലായിരുന്നു
عن أُمِّ عَطِيَّةَ رَضي الله عنها، وكَانَتْ بايَعَت النبيَّ صلى الله عليه وسلم، قالت:
كُنَّا لا نَعُدّ الكُدرَةَ والصُّفْرَةَ بعدَ الطُّهرِ شيئًا.
[صحيح] - [رواه أبو داود بهذا اللفظ، ورواه البخاري بدون زيادة (بعد الطهر)] - [سنن أبي داود: 307]
المزيــد ...
ഉമ്മു അത്വിയ്യഃ -رَضِيَ اللَّهُ عَنْهَا- -നബി -ﷺ- ക്ക് ബയ്അത്ത് നൽകിയ വനിതകളിൽ പെട്ടവരായിരുന്നു അവർ- നിവേദനം ചെയ്യുന്നു:
"ആർത്തവം ശുദ്ധിയായതിന് ശേഷം കാണപ്പെടുന്ന അഴുക്ക്നിറമോ മഞ്ഞ നിറമോ ഞങ്ങൾ യാതൊന്നുമായി പരിഗണിക്കാറില്ലായിരുന്നു."
[സ്വഹീഹ്] - - [سنن أبي داود - 307]
നബി -ﷺ- യുടെ കാലഘട്ടത്തിൽ ജീവിച്ചിരുന്ന സ്വഹാബീ വനിതകൾ ആർത്തവം ശുദ്ധിയായതിന് ശേഷം ഗുഹ്യസ്ഥാനത്ത് നിന്ന് പുറത്തു വന്നിരുന്ന മഞ്ഞ നിറത്തിലോ കറുപ്പിനോട് അടുത്ത നിറത്തിലോ ഉള്ള സ്രവം ആർത്തവത്തിൻ്റെ ഭാഗമായി കണ്ടിരുന്നില്ല എന്ന് ഉമ്മു അത്വിയ്യഃ -رَضِيَ اللَّهُ عَنْهَا- അറിയിക്കുന്നു. അവർ അക്കാരണത്താൽ നിസ്കാരമോ, നോമ്പോ ഉപേക്ഷിച്ചിരുന്നില്ല എന്നർത്ഥം.
ഹദീഥിൻ്റെ പാഠങ്ങളിൽ നിന്ന്
- ആർത്തവത്തിൽ നിന്ന് ശുദ്ധിയായതിന് ശേഷം കാണപ്പെടുന്ന സ്രവം ആർത്തവ രക്തത്തിൻ്റെ ഭാഗമായി കണക്കാക്കേണ്ടതില്ല. ഈ സ്രവത്തിന് മഞ്ഞ നിറമോ അഴുക്ക് നിറമോ ഉണ്ടെങ്കിലും അത് പരിഗണിക്കേണ്ടതില്ല.
- ആർത്തവം ശുദ്ധിയാകുന്നതിന് മുൻപ് മഞ്ഞ നിറത്തിലോ അഴുക്ക് നിറത്തിലോ കാണപ്പെടുന്ന സ്രവം ആർത്തവമായി പരിഗണിക്കേണ്ടതുണ്ട്. കാരണം ആർത്തവത്തിൻ്റെ സമയം വരുന്ന രക്തം വെള്ളവുമായി കൂടിക്കലരുന്നത് കൊണ്ടാണ് ഇങ്ങനെ സംഭവിക്കുന്നത്.
- ആർത്തവത്തിൽ നിന്ന് ശുദ്ധിയായതിന് ശേഷം അഴുക്ക് നിറത്തിലോ മഞ്ഞ നിറത്തിലോ ഉള്ള സ്രവം കാണപ്പെട്ടാൽ സ്ത്രീ നിസ്കാരമോ നോമ്പോ ഉപേക്ഷിക്കേണ്ടതില്ല. മറിച്ച് വുദൂഅ് ചെയ്യുകയും നിസ്കാരം നിർവ്വഹിക്കുകയുമാണ് വേണ്ടത്.
വിഭാഗങ്ങൾ
കൂടുതൽ
- ഹദീസ്: അതൊരു നാഡിക്ക് ബാധിക്കുന്ന അസുഖമാകുന്നു. അതിനാൽ നിനക്ക് ആർത്തവം ഉണ്ടാകാറുണ്ടായിരുന്ന ദിവസങ്ങളുടെ എണ്ണം കണക്കാക്കി അവയിൽ നിസ്കാരം ഉപേക്ഷിക്കുകയും, ശേഷം കുളിക്കുകയും നിസ്കാരം നിർവ്വഹിക്കുകയും ചെയ്യുക
- ഹദീസ്: നിൻ്റെ ആർത്തവമുറ നിന്നെ (നിസ്കാരത്തിൽ നിന്നും മറ്റും) തടഞ്ഞു വെക്കാറുള്ളത്ര സമയം നീ കാത്തുനിൽക്കുകയും, ശേഷം കുളിക്കുകയും ചെയ്യുക