Hadithi: Ne nuk e merrnim në konsideratë gjakun e turbullt apo të verdhë që dilte pas pastrimit

عن أُمِّ عَطِيَّةَ رَضي الله عنها، وكَانَتْ بايَعَت النبيَّ صلى الله عليه وسلم، قالت:
كُنَّا لا نَعُدّ الكُدرَةَ والصُّفْرَةَ بعدَ الطُّهرِ شيئًا.
[صحيح] - [رواه أبو داود بهذا اللفظ، ورواه البخاري بدون زيادة (بعد الطهر)] - [سنن أبي داود: 307]

Nga Umu Atijeh (Allahu qoftë i kënaqur me të!), e cila i pati dhënë besën Pejgamberit (paqja qofët mbi të!) përcillet se ka thënë:
"Ne nuk e merrnim në konsideratë gjakun e turbullt apo të verdhë që dilte pas pastrimit".
[Ky hadith është sahih] - - [Suneni i Ebu Davudit - 307]

Shpjegimi

Sahabija Umu Atijeh (Allahu qoftë i kënaqur me të!) tregon se gratë në kohën e Pejgamberit (paqja qoftë mbi të!) nuk i konsideronin pjesë të menstruacioneve sekrecionet që anonin nga ngjyra e zezë apo e verdhë, që dilnin nga organi gjenital i femrës pas pastrimit nga menstruacionet. Kështu që ato nuk e linin namazin dhe as agjërimin për shkak të tyre.

Mësime nga hadithi

1. Sekrecioniet që dalin nga organi gjenital i femrës pas pastrimit nga menstruacionet nuk merren në konsideratë, edhe nëse janë të turbullta apo të verdha prej gjakut.
2. Sekrecionet e turbullta dhe të verdha gjatë kohës së menstruacioneve konsiderohen gjak menstruacionesh, sepse ky është gjak që rrjedh në kohën e vet, vetëm se është i përzier me lëngje të tjera.
3. Gruaja nuk duhet ta lërë namazin dhe as agjërimin për shkak të sekrecioneve të turbullta apo të verdha që dalin pas pastrimit, por duhet të marrë abdes dhe të falet.