فەرموودە: خواى گەورە بەشەرم وبەخشندەییە وشەرم دەكات ئەگەر بەندەیەک دەستى پاڕانەوەى بۆ لا بەرز بكاتەوە، بە بەتاڵى دەستی بگێڕێتەوە

عن سلمان رضي الله عنه عن رسول الله صلى الله عليه وسلم قال: «إن ربكم حَييٌّ كريم، يستحيي من عبده إذا رفع يديه إليه، أن يَرُدَّهُمَا صِفْراً».
[صحيح] - [رواه أبو داود والترمذي وابن ماجه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە سەلمانەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت: «خواى گەورە بەشەرم وبەخشندەییە وشەرم دەكات ئەگەر بەندەیەک دەستى پاڕانەوەى بۆ لا بەرز بكاتەوە، بە بەتاڵى دەستی بگێڕێتەوە».
صەحیحە - ئیبنو ماجه گێڕاویەتیەوە

شیکردنەوە

ئەم فەرموودەیە بەڵگەیە لەسەر ڕێگەپێدراوی دەست بەرزکردنەوە لە کاتى نزا ودوعا کردندا، وهۆکارێکە بۆ وەڵامدانەوەى نزاکان، چونکە ئەم شێوە وحاڵەتە دەربڕین ونیشاندانی زەلیلی وپێویستیە لە بەندەوە بەرامبەر ئەو زاتەى دەوڵەمەندە وبەخشندەیە، چونکە خواى گەورە بەهۆی بەخشندەیی وڕێزلێنانى بۆ بەندەکەى شەرم دەکات ئەگەر بەندەکەی دەستی بەرز بکاتەوە وداوایەک بکات؛ دەستی بە بەتاڵی بگێڕێتەوە وهیچی پێ نەبەخشێت، چونکە ئەو بەخشندەیە.