Hadith: “បុគ្គលណាសុំពីអល់ឡោះដោយទៀងត្រង់ចង់ស្លាប់ក្នុងនាមជាអ្នកពលី(ស្ហាហ៊ីទ) អល់ឡោះជាម្ចាស់នឹងឲ្យជននោះឈានដល់ឋានៈរបស់អ្នកដែលពលី ទោះបីជាគេស្លាប់នៅលើគ្រែក៏ដោយ”។

عَن سَهْلِ بْنِ حُنَيْفٍ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«مَنْ سَأَلَ اللهَ الشَّهَادَةَ بِصِدْقٍ بَلَّغَهُ اللهُ مَنَازِلَ الشُّهَدَاءِ، وَإِنْ مَاتَ عَلَى فِرَاشِهِ».
[صحيح] - [رواه مسلم] - [صحيح مسلم: 1909]

អំពី សះល៍ ពិន ហ៊ូណៃហ្វ៍ رضي الله عنهពិតណាស់ ណាពី ﷺ លោកបានមានប្រសាសន៍ថា៖
“បុគ្គលណាសុំពីអល់ឡោះដោយទៀងត្រង់ចង់ស្លាប់ក្នុងនាមជាអ្នកពលី(ស្ហាហ៊ីទ) អល់ឡោះជាម្ចាស់នឹងឲ្យជននោះឈានដល់ឋានៈរបស់អ្នកដែលពលី ទោះបីជាគេស្លាប់នៅលើគ្រែក៏ដោយ”។
[صحيح] - [رواه مسلم] - [صحيح مسلم - 1909]

Explanation

ណាពី ﷺ លោកបានប្រាប់ថា ជាការពិតណាស់ អ្នកដែលចង់បានការស្លាប់ក្នុងនាមជាអ្នកពលីក្នុងមាគ៌ារបស់អល់ឡោះ(ស្ហាហ៊ីទ) ប្រសិនបើគេមានភាពទៀងត្រង់ និងជ្រះថ្លានៅក្នុងការនៀតរបស់ខ្លួនចំពោះអល់ឡោះជាម្ចាស់ នោះទ្រង់នឹងប្រទានដល់គេនូវឋានៈនៃអ្នកដែលពលីតាមរយៈការនៀតដ៏ទៀងត្រង់របស់គេ ទោះបីជាគេស្លាប់នៅលើគ្រែដេកក្នុងស្ថានភាពមិនមែនជាការតស៊ូ(ជីហាទ)ក៏ដោយ។

Benefits from the Hadith

1. ការមានភាពទៀងត្រង់ក្នុងការនៀត ព្រមជាមួយនឹងការធ្វើនូវអ្វីដែលខ្លួនលទ្ធភាព គឺជាមូលហេតុមួយក្នុងការទទួលបាននូវផលបុណ្យដែលខ្លួនចង់បាន ទោះបីជារូបគេមិនបានធ្វើសកម្មភាពនោះដោយផ្ទាល់ក៏ដោយ។
2. លើកទឹកចិត្តឱ្យធ្វើការតស៊ូ(ជីហាទ) និងស្វែងរកការស្លាប់ក្នុងនាមជាអ្នកពលី(ស្ហាហ៊ីទ)ក្នុងមាគ៌ារបស់អល់ឡោះ។
3. ក្តីសប្បុរសរបស់អល់ឡោះជាម្ចាស់ចំពោះប្រជាជាតិនេះ ដោយទ្រង់ប្រទានឋានៈដ៏ខ្ពង់ខ្ពស់ក្នុងឋានសួគ៌តាមរយៈទង្វើកុសលតិចតួច។