Hadiis: M Soab A Wẽnde, yaaf-ma m sẽn tudgi la m sẽn zɩ la m maan-n-zʋʋkã m yellã fãa pʋgẽ, la Fo sẽn mi bũmb ninga n yɩɩd maam. M Soab A Wẽnde, yaaf-ma m sẽn tudgi la m pʋ-toogo, la m zɩɩlem la m reem, la woto fãa gill yii mam nengẽ. M Soab A Wẽnde, yaaf-ma m sẽn tʋm tɩ reng taoore, lɑ m sẽn yɑoolge, lɑ m sẽn solge la m sẽn vẽnege, Foom A Wẽnd la Lʋɩɩs taoor Naaba, la Foom la Yaoolgda, la Foom la bũmbã fãa gill Tõogda

عَنِ أَبِي مُوسَى رضي الله عنه، عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ كَانَ يَدْعُو بِهَذَا الدُّعَاءِ:
«رَبِّ اغْفِرْ لِي خَطِيئَتِي وَجَهْلِي، وَإِسْرَافِي فِي أَمْرِي كُلِّهِ، وَمَا أَنْتَ أَعْلَمُ بِهِ مِنِّي، اللَّهُمَّ اغْفِرْ لِي خَطَايَايَ، وَعَمْدِي وَجَهْلِي وَهَزْلِي، وَكُلُّ ذَلِكَ عِنْدِي، اللَّهُمَّ اغْفِرْ لِي مَا قَدَّمْتُ وَمَا أَخَّرْتُ، وَمَا أَسْرَرْتُ وَمَا أَعْلَنْتُ، أَنْتَ المُقَدِّمُ وَأَنْتَ المُؤَخِّرُ، وَأَنْتَ عَلَى كُلِّ شَيْءٍ قَدِيرٌ».
[صحيح] - [متفق عليه] - [صحيح البخاري: 6398]

Yii a Abɩɩ Muusa nengẽ, (Wẽnd yard be a yĩnga), tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) t'a rag n yɩɩme n kot do-kãngã:
«M Soab A Wẽnde, yaaf-ma m sẽn tudgi la m sẽn zɩ la m maan-n-zʋʋkã m yellã fãa pʋgẽ, la Fo sẽn mi bũmb ninga n yɩɩd maam. M Soab A Wẽnde, yaaf-ma m sẽn tudgi la m pʋ-toogo, la m zɩɩlem la m reem, la woto fãa gill yii mam nengẽ. M Soab A Wẽnde, yaaf-ma m sẽn tʋm tɩ reng taoore, lɑ m sẽn yɑoolge, lɑ m sẽn solge la m sẽn vẽnege, Foom A Wẽnd la Lʋɩɩs taoor Naaba, la Foom la Yaoolgda, la Foom la bũmbã fãa gill Tõogda».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 6398]

bilgrã

Bee Nabiyaamã (Wẽnd pʋʋsg la A tɩlgr be a yĩngɑ) doosã sẽn tigim bũmbã fãa wã, a sẽn ra yete:
"M Soab A Wẽnde, yaaf-ma m sẽn tudgi" la m zũnuubã, "la m sẽn zɩ" la bũmb ning sẽn yi mam nengẽ tɩ ka yɩ ne bãngre.
"La m maan-n-zʋʋkã m yellã fãa gilli" la m kʋʋg koεεga la m maan tɩ loog toadgã.
"La Fo sẽn mi bũmb ninga n yɩɩd maam" Fo mi-a lame, m Soab A Wẽnde, tɩ mam yĩm-a.
"M Soab A Wẽnde, yaaf-ma m sẽn tudgi la m pʋ-toogo" La bũmb ning sẽn yi mam nengẽ ne pʋ-toogo la zũnuub ning mam sẽn mi.
"La m sẽn maan sɩd-sɩdã la m reemã" la bũmb ning sẽn yi mam nengẽ tɩ yaa reem, la bũmb ning sẽn yi mam nengẽ halhaal a yiibã fãa gilli.
"La woto fãa gill yii mam nengẽ" zĩ-kãngã b sẽn togsã tigma zũnuub-rãmbã la zamse.
"M Soab A Wẽnde, yaaf-ma m sẽn tʋm tɩ reng taoore" tɩ loogã, "la m sẽn yaoolge" sẽn na n watã.
"La m sẽn solge" la mam sẽn lilli, "la m sẽn vẽnege" la m yiis yɩnga.
"Foom A Wẽnd la Lʋɩɩs taoor Naaba" la Foom la Yaoolgda" F lʋɩɩsda taoor Fo sẽn tʋll-a, Fo yembsã pʋgẽ, n tʋg Fo yolsgẽ wã, ne Fo segl sõngã f sẽn yard bũmb ningã, Foom n leb n yaoolgd F sẽn tʋll a soaba, n yaand-a ne Fo sẽn bas-a wã, la ned ka be n tõe n leb lʋɩɩs tɑoore bũmb ning Fo sẽn yaoolg ye, la ned me ka be n tõe n yaoolg bũmb ning Fo sẽn lʋɩɩs taoore yεlã pʋgẽ ye.
"La Foom la bũmbã fãa gill Tõogda" tɩ F tõog yaa sẽn pidi, F raab yaa sẽn pidi, n maand F sẽn rat fãa.

Sẽn be Hɑdiisã yõod-rãmbẽ

1. Yaa doaag-kãngã yɩɩdlemã la yã-beed maaneg ne Nabiyaamã tikri (Wẽnd pʋʋsg la A tɩlgr be a yĩngɑ).
2. B gɩdgame tɩ b ra maan n zʋʋg ye, la b bãng tɩ maan-n-zʋʋgã a yaa bũmb sẽn kẽesd ned namsg pʋgẽ.
3. Wẽnde (A Naam zẽk yã) n tar minim ne ninsaala n yɩɩd a mengã, rẽnd a sõmbame n rogl a yellã ne Wẽnde, bala a tõeeme n tudgi tɩ yẽnda ka mi ye.
4. Ninsaala b tõe n yõk-a lame a reem pʋgẽ, wala b sẽn tõe n yõk-a a sɩd-sɩd pʋgẽ, rẽnd sõmba ne ninsaala t'a gũus a reemẽ wã.
5. A ɭbn Hagar Al-Asƙalaaniy yeelame: mam ka yã hadiisã soyã fãa sẽn wilgd zĩig ninga a sẽn kot doaag-kãngã ye, la hadiis-rãmbã wʋsg fãa b baasgẽ wã a yeelame, tɩ Nabiyaamã rag n yeta yãwã yʋng Pʋʋsg pʋgẽ, leb n waame n wilgdẽ t'a rag n yet-a lame Pʋʋsgã baasgẽ, la togsg-rãmbã yõsa taaba: rẽ yĩngã, a rag n yet-a lame taoor t'a na n ka ning saleem bɩ yaa sallemã ningr poorẽ? B yiibã fãa waame.
6. Rẽ yĩnga (Wẽnd pʋʋsg la A tɩlgr be a yĩngɑ) tudgdame n baood n na n kos yaafa bɩɩ? B yeelame tɩ Nabiyaamã rag n yeta woto tɩ yaa gãneg-m-menga, leb n yaa a mengã wõrbo. Sã n ka rẽ, a sõda bas bũmb ning sẽn pid n yɩɩdã tɩ põsg foomã, maa fo bas bũmb ning sẽn rag n sõmb n yɩɩd tɩ b mɑɑn-ɑ wã tɩ yaa zũnuuba, maa a rata bũmb ning sẽn yɩ tɩ yaa yĩmbu, maa bũmb ning sẽn rag n yɩ taoor tɩ nabiyaademã na n ka wa wã, tɩ sãnda yeele: tɩ yaafgã kosg meng yaa tũudum, tɩ yaa tɩlae tɩ b wa ne-a, ka zũnuub kosg yĩng ye, la yaa tũudum yĩnga, b yeelame yεsa: tɩ Nabiyaamã sẽn maan woto wã yaa nekre, sẽn na yɩl n karem a poorẽ rãmbã tɩ b ra maan bas-m-yam yaafã kosg ye.