عَنِ ابنِ عُمَرَ رضي الله عنهما قَالَ:
لَمْ يَكُنْ رَسُولُ اللَّهِ صَلَّى اللهُ عَلَيْهِ وَسَلَّمَ يَدَعُ هَؤُلَاءِ الدَّعَوَاتِ، حِينَ يُمْسِي وَحِينَ يُصْبِحُ: «اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالْآخِرَةِ، اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي وَدُنْيَايَ وَأَهْلِي وَمَالِي، اللَّهُمَّ اسْتُرْ عَوْرَتِي -أَو: عَوْرَاتِي- وَآمِنْ رَوْعَاتِي، اللَّهُمَّ احْفَظْنِي مِنْ بَيْنِ يَدَيَّ، وَمِنْ خَلْفِي، وَعَنْ يَمِينِي، وَعَنْ شِمَالِي، وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي».

Yii a ɭbn ʿƲmar nengẽ, (Wẽnd yard be b yiibã yĩnga) a yeelame:
Nabiyaamã (Wẽnd pʋʋsg la A tɩlgr be a yĩngɑ) rag n ka yɩ n basd kos-kãensã, a sẽn wat n ta zaabre, la a sẽn wat n yik yibeoogo:«Allɑhummɑ ɩnnii ɑs'ɑlukɑ Al-ɑɑfɩyɑtɑ fɩd-Dunyɑɑ wɑl-Aɑẖɩrɑtɩ, Allɑhummɑ ɩnnii ɑs'ɑlukɑ Al'ɑfwɑ wɑl- Aɑfɩyɑtɑ fɩɩ diinii wɑ Dunyɑɑyɑ wɑ Ahlɩɩ wɑ Mɑɑlɩɩ, Allɑhummɑ ʋstʋr Awrɑtɩɩ wɑ ɑɑmin Rɑw'ɑɑtɩɩ, Allɑhummɑ ɩhfɑẓnii min bɑyni yɑdɑyyɑ wɑ min ẖɑlfɩɩ wɑ an yɑmiinii wɑ an šɩmɑɑlɩɩ wɑ min fɑwkɩɩ, wɑ ɑʿʋʋḏʋ bɩ Aẓmɑtɩkɑ an ʋgtɑɑlɑ min tɑhtɩɩ. (M Soɑb ɑ Wẽnde mɑm kot-F-lɑ Lɑɑfɩ Dũni lɑ Lɑɑhre, M Soɑb ɑ Wẽnde m kot-F-lɑ Yɑɑfɑ lɑ Lɑɑfɩ m Dĩinɑ pʋgẽ lɑ m Dũni wã lɑ m zɑkã rãmbɑ lɑ m ɑrzεkɑ, m Soɑb ɑ Wẽnde lill m yãnã lɑ F gãneg m pεlgã, m Soɑb ɑ Wẽnde gũ-mɑ m neng tɑoore lɑ m poor wεεngẽ lɑ m rɩtg wεεngẽ lɑ m goɑbg wεεngẽ lɑ m yĩngr wεεngẽ, lɑ m kotɑ gũudum ne Fo Zɩslemã tɩ b rɑ wɑ zãmb n kʋ-mɑ m tẽngrã wεεngẽ ye».

Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a An-nasaa'ɩy la a ɭbn Maaǧa la a Ahmad n togs-a Sunan Abɩɩ Daawʋʋd - 5074

bilgrã

Nabiyaamã (Wẽnd pʋʋsg la A tɩlgr be a yĩngɑ) rag n ka yɩ n basd kos-kãngã a sẽn wat n ta zaabr la a sẽn wat n vẽeg beoogo:
(M Soɑb ɑ Wẽnde mɑm kot-F-lɑ Lɑɑfɩ) la m kot-F-la tɩlgre n yi bãase la balag-rãmba la dũni yel-kεgemse, la yõyã yamleoodo la dĩin zarbgo (dũni kaanẽ la laahr) sẽn yaa tao-tao mas-masã la sẽn yaoondã.
(M Soɑb ɑ Wẽnde m kot-F-lɑ Yɑɑfɑ ) la zũnuub yẽesgo la gãndg n bas-ba (la laafɩ) la tɩlgre n yi zamse (m dĩinã pʋgẽ) tɩ m yi lagem-n-taare la Bid'ah-rãmb la Wẽnd kɩɩsgo (la m dũni wã) n yi masɩɩb-rãmba la nango la wẽnga (la m zaka rãmba) m pagbã la m koambã la m rog-pẽtse ( la m ligdã) m arzεkã la m tʋʋma.
(m Soɑb ɑ Wẽnde lill m yãnã) la bũmb ning sẽn be mam pʋgẽ sẽn yaa zamse la yεl sẽn keoose, la maan koεεgã la F yẽes m zũnuubã (la F gãneg m pεlεngã) la m yεεsgã.
(m Soɑb ɑ Wẽnde gũ-ma) n tus baolleg-rãmbã n yi-ma, sẽn namsd ninsaala (min bɑyni yɑdɑyyɑ wɑ min ẖɑlfɩɩ wɑ an yɑmiinii wɑ an šɩmɑɑlɩɩ wɑ min fɑwkɩɩ) zĩ-kãngã a kosame tɩ Wẽnd gũ-a n yi ween-n-vɩɩsã gilli, bala baolleg-rãmbã la zamsã b paamda ninsaalã sẽn tũud ne ween-vɩ-kãensã a yembr wεεngẽ.
(la m kot gũudum ne Fo zɩslemã tɩ b rɑ wa zãmb n kʋ-m ye) la b ra zεεg-ma tɩ m wa halk ne lingr ye, (m tẽngrã wεεngẽ), tɩ m wa halk ne Tẽng bõrb ye.

Sẽn be Hɑdiisã yõod-rãmbẽ

  1. D sõmb n gũusa gom-kãensã n yet-ba, tɩ yaa Wẽnd Tẽn-tʋʋmã tikri (Wẽnd pʋʋsg la A tɩlgr be a yĩngɑ).
  2. Ninsaala b sẽn saglg-a t'a kos tɩlgr dĩinã pʋgẽ wã, yaa woto bala b sagend-a lame t'a kos tɩlgre dũni wã yεlẽ.
  3. At-Tɩɩbɩɩ yeelame: t'a gũbga ween-n-vɩɩs a yoobã fãa, bala zamsã yita beenẽ, la a kenga tẽngrã wεεngẽ, bala bãag ning sẽn yita be wã a yaa yook wʋsgo.
  4. Sẽn yaa sõma n yɩɩd doosã karengẽ yaa yibeoogo: fagirã sẽn na n puk n tãag wĩndgã pukri, raarã sɩngrẽ, la sẽn na n leb n sɩng Laansar poorẽ, n tʋg n tãag Magrib noorẽ, la a sã n yeel-a yibeoog wĩndgã sẽn wat n zẽk sasa, sek-a lame, la a sã n yeel-a Zafarã poorẽ sek-a lame, la a sã n yeel-a Magrib poorẽ sek-a lame, bala yẽ fãa ket n yaa Wẽnd yʋʋr tẽegr wakato.
  5. Daliil ka wilgi tɩ Wẽnd yʋʋrã tẽegr tara wakat sẽn welg n yãk yʋngo, wala Al-baƙara (Nɑɑfã sʋʋrɑ) Aayae baasds a yiibã karengã ye, bala yẽnda karengã yɩta yʋngo, wĩndgã lʋɩɩs poorẽ.

Wilg Goɑmã lebg-rãmbã

51 Buudɑ gomdã
EN English Ãnglε
UR اردو Urdiimdu
ES Español Espayõlle
ID Indonesia Ẽndoneziimdu
UG ئۇيغۇرچە Wiguuriimdo
BN বাংলা Bãngeliindu
TR Türkçe Turkiindu
RU Русский Risɩɩndã
BS Bosanski Bʋsnɑndã
SI සිංහල Sanhaliimdo
HI हिन्दी Ẽndẽemdo
ZH 中文 Sɩnondo
FA فارسی perisẽendo
VI Tiếng Việt Vieetnãamdo
TL Tagalog Tɑgεloog
KU Kurdî Kurdiimdo
HA Hausa Haoosa
PT Português Portɩgaleemdo
ML മലയാളം Malayalam goama
TE తెలుగు Telgoomdo
SW Kiswahili Sʋwaahɩlɩɩmdo
TA தமிழ் Tamulɩɩmdo
MY မြန်မာ Buruma rãmb goama
TH ไทย Taɩɩland rãmb goama
DE Deutsch Almaando
PS پښتو Pastuumdu
AS অসমীয়া Asaneemdo
SQ Shqip Albaneemdo
SV Svenska Sʋwεεd rãmb goama
AM አማርኛ Amharɩɩmdo
NL Nederlands Holandẽemdo
GU ગુજરાતી Guzaratɩɩmdo
KY Кыргызча Kɩrkɩzɩy rãmb goama
NE नेपाली Nepalẽemdo
LT Lietuvių Litianeemdo
PRS دری Dari rãmb goama
SR Српски Serbɩɩmdo
TG тоҷикӣ Tagikẽemdo
RW Kinyarwanda Kinyaroaandẽemdo
RO Română Rʋmaneemdo
HU Magyar Hõngriimdo
MG Malagasy Madagaskaar rãmb goama
OM Oromoo Oromoomdo
KN ಕನ್ನಡ Kanadẽemdo
WO Wolof الولوف
UK Українська Ikreneemdo
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية