Hadith: “Izay miompy alika, afa-tsy alika mpiambina na mpihaza, dia hesorina amin’ny asany isan’andro ny bolongan'ny asa soa roa.”

عَنْ ابنِ عُمَرَ رَضيَ اللهُ عنهما عَنْ رَسُولِ اللهِ صَلَّى اللهُ عَلَيْهِ وَسَلَّمَ قَالَ:
«مَنِ اقْتَنَى كَلْبًا إِلَّا كَلْبَ ضَارٍ أَوْ مَاشِيَةٍ نَقَصَ مِنْ عَمَلِهِ كُلَّ يَوْمٍ قِيرَاطَانِ»، قَالَ سَالِمٌ: وَكَانَ أَبُو هُرَيْرَةَ يَقُولُ: «أَوْ كَلْبَ حَرْثٍ»، وَكَانَ صَاحِبَ حَرْثٍ.
[صحيح] - [متفق عليه] - [صحيح مسلم: 1574]

Niteny Ibn Omar (RA), niteny ny Irak'Allah (SAW) manao hoe :
“Izay miompy alika, afa-tsy alika mpiambina na mpihaza, dia hesorina amin’ny asany isan’andro ny bolongan'ny asa soa roa.” Hoy i Salim : Ary niteny i Abo Horaïra manao hoe : “Na Alika manampy amin'ny fambolena, ary izy no tompon'ny angadin'omby.
[Mari-pototra] - [Notantarain’i Bokhari sy Moslim] - [Sahìh Moslim - 1574]

Ny fanazavana

Nampitandrina ny Mpaminany (S.A.W) ny amin'ny fiompina alika, afa-tsy amin'ny fihazana, na fiambenana biby fiompy sy vokatra, ary izay miompy izany ho an'ny ankoatra izany, dia hesorina amin'ny tambin'ny asany ny bolongan'ny asa soa roa isan'andro; izy io dia fatra fantatra eo anatrehan'I Allah.

Lesona azo avy amin'ny Hadith

1. Tsy azo ataon'ny mpino silamo ny miompy alika, afa-tsy izay notsongaina.
2. Fisorohana ny fananana alika; Noho ny fisian’ny faharatsiana sy ny fahasimbana maro ao anatiny dia voaporofo avy amin’ny Mpaminany (S.A.W), fa tsy miditra amin’ny trano misy alika ny anjely. Satria misy fahalotoana mavesatra izay tsy azo esorina raha tsy amin'ny fanasana miverimberina amin'ny rano sy fotaka.