حدیث: څوک چې له ښکاري او یا د رمې ساتنې له سپي پرته بل کوم سپی وساتي نو هره ورځ به یې له اجر (د عمل له ثواب) څخه د دوه قیراطونو په اندازه ثواب کمېږي

عَنْ ابنِ عُمَرَ رَضيَ اللهُ عنهما عَنْ رَسُولِ اللهِ صَلَّى اللهُ عَلَيْهِ وَسَلَّمَ قَالَ:
«مَنِ اقْتَنَى كَلْبًا إِلَّا كَلْبَ ضَارٍ أَوْ مَاشِيَةٍ نَقَصَ مِنْ عَمَلِهِ كُلَّ يَوْمٍ قِيرَاطَانِ»، قَالَ سَالِمٌ: وَكَانَ أَبُو هُرَيْرَةَ يَقُولُ: «أَوْ كَلْبَ حَرْثٍ»، وَكَانَ صَاحِبَ حَرْثٍ.
[صحيح] - [متفق عليه] - [صحيح مسلم: 1574]

دا ژباړه بیا لیدنې او کره کتنې ته اړتیا لري.

له ابن عمر رضي الله عنهما څخه روایت چې رسول الله ﷺ وفرمایل:
«څوک چې له ښکاري او یا د رمې ساتنې له سپي پرته بل کوم سپی وساتي نو هره ورځ به یې له اجر (د عمل له ثواب) څخه د دوه قیراطونو په اندازه ثواب کمېږي» سالم وایي: ابو هریره به ویل: «أَوْ كَلْبَ حَرْثٍ»یعنې «یا د کروندې دساتنې سپی»، حال دا چې (ابوهریرة) د کروندې خاوند و.
[صحيح] - [متفق علیه دی ( بخاري اومسلم دواړو روایت کړی دی)] - [صحیح مسلم - 1574]

تشریح

نبي ﷺ له سپي ساتلو څخه منع کړې ده، مګر د ښکار، د څارویو یا د کروندو د ساتنې د اړتیا لپاره، او که څوک یې بې له دې موخې پرته وساتي، د هغه د عمل له ثوابه به هره ورځ دوه قیراطه کمېږي او دا اندازه الله تعالی ته معلومه ده.

د حديث له ګټو څخه

1. یو مسلمان ته جواز نه لري چې سپی وساتي، پرته له هغو حالاتو چې استثناء یې شوی وي.
2. د سپي ساتلو ممانعت د دې لپاره دی چې له دې سره ډېر زیانونه او مفاسد تړلي دي، له پیغمبر ﷺ څخه ثابت دي چې پریښتې هغه کور ته نه ننوځي چې سپی پکې وي؛ او همدارنګه سپی د ډېرو سختو ناپاکیو سبب کېږي، چې یوازې د اوبو او خاورو په څو ځل مینځلو سره له منځه ځي.