عن أبي سعيد الْخُدْرِي -رضي الله عنه- أن رسول الله -صلى الله عليه وسلم- قال: «مَنْ رَضِيَ بالله رَبًّا، وبالإسلام دِيْنًا، وبمحمد رسولًا، وجَبَتْ له الجنة»، فَعَجِبَ لها أبو سعيد، فقال: أَعِدْهَا عَلَيَّ يا رسول الله، فَأَعَادَهَا عليه، ثم قال: «وأُخْرَى يَرْفَعُ الله بها العَبْد مائة دَرَجَة في الجنة، ما بين كل دَرَجَتَينِ كما بين السماء والأرض» قال: وما هي يا رسول الله؟ قال: «الجهاد في سَبِيل الله، الجهاد في سَبِيل الله».
[صحيح.] - [رواه مسلم.]
المزيــد ...

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی سەعیدی خودریەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت: «هەرکەسێک ڕازی بێت بەوەى ( الله ) پەروەردگاری بێت، ئیسلام ئاینی بێت، وموحەمەد پێغەمبەری بێت؛ ئەوا چوونە بەهەشت بۆ ئەو کەسە واجب دەبێت»، ئەبو سەعید زۆر بەلایەوە سەیر بوو، ووتی: ئەی پێغەمبەری خودا، دووبارەی بکەرەوە، ئەویش فەرموودەکەى دووبارە کردەوە، پاشان -صلى اللە علیە وسلم- فەرمووی: «شتێک هەیە خودا بەهۆیەوە سەد پلە بەندەکەى بەرزدەکاتەوە لە بەهەشتدا، وماوەى نێوان هەردوو پلەیەک وەکو (ماوەى دووری) نێوان ئاسمان وزەوییە»، ووتی: ئەو شتە (کردەوەیە) چییە ئەى پێغەمبەری خودا؟ ئەویش فەرمووی: «جیهاد کردن لە پێناو خواى گەورە، جیهاد کردن لە پێناو خواى گەورە».
صەحیحە - موسلیم گێڕاویەتیەوە

شیکردنەوە

واتاى فەرموودەکە: هەرکەسێک باوەڕ بە ( الله ) بهێنێت وەکو پەروەرگاری وباوەڕ بە ئیسلام بهێنێت وەکو ئاینی وباوەڕ بە موحەمەد بهێنێت وەکو پێغەمبەری؛ ئەوا چوونە بەهەشت بۆ ئەو کەسە واجب دەبێت. ولە گێڕانەوەیەکدا: (يا أبا سعيد ثلاثة من قالهن: دخل الجنة، قلت: ما هن يا رسول الله؟ قال: من رضي بالله رباًّ، وبالإسلام ديناً، وبمحمد رسولاً) [رواه أحمد] واتە: ( [پێغەمبەر -صلى اللە علیە وسلم- بە ئەبو سەعیدی فەرموو]: ئەی ئەبو سەعید سێ شت هەیە هەرکەسێک بیڵێت دەچێـتە بەهەشتەوە، ووتم: ئەوانە چین ئەی پێغەمبەری خودا؟ فەرمووی: هەرکەسێک ڕازی بێت بەوەى ( الله ) پەروەردگاری بێت، ئیسلام ئاینی بێت، وموحەمەد پێغەمبەری بێت؛ ئەوا چوونە بەهەشت بۆ ئەو کەسە واجب دەبێت). ئەبو سەعید ئەم فەرموودەى زۆر بەلاوە سەیر وجوان بوو بۆیە داواى کرد کە پێغەمبەر -صلى اللە علیە وسلم- جارێکی تر بۆی دووبارە بکاتەوە، ئەویش دووبارەی کردەوە، پاشان -صلى اللە علیە وسلم- فەرمووی: (شتێک هەیە): واتا لە کردەوە چاکەکان وپەرستنەکان. (خودا بەهۆیەوە سەد پلە بەندەکەى بەرزدەکاتەوە لە بەهەشتدا، وماوەى نێوان هەردوو پلەیەک وەکو -ماوەى دووری- نێوان ئاسمان وزەوییە): پێغەمبەر -صلى اللە علیە وسلم- فەرمووی کردەوەیەک هەیە خواى گەورە بەهۆیەوە بەندەکەى سەد پلە بەرز دەکاتەوە لە بەهەشتدا، وسەرەتا پێی نەفەرموو؛ بۆئەوەى بیری لێبکاتەوە وهەوڵ بۆ بەدەستهێنانى بدات وپرسیار سەبارەتی بکات، ئەگەر لە پێشدا باسی ناکات پاشان دەریبخات وڕوونی بکاتەوە ئەوا ئەمە دەبێتە هۆی ئەوەى لە بیردا بمێنێتەوە ولە یادی نەچێت، ئەویش ووتی: ئەو شتە (کردەوەیە) چییە ئەی پێغەمبەری خودا؟ ئەویش -صلى اللە علیە وسلم- فەرمووی: (جیهاد کردن لە پێناو خواى گەورە، جیهاد کردن لە پێناو خواى گەورە): موجاهید وتێکۆشەر لە پێناو خواى گەورە ئەگەرچیش هەر لە ئەهلی بەهەشتە بەڵام پلەی لە ئەوانى تر بەرزترە لەوانەى باوەڕیان هێناوە بەوەى: ( الله ) پەروەرگاریان بێت وئیسلام ئاینیان بێت وموحەمەد پێغەمبەریان بێت، لەکاتێکدا جیهاد وتێکۆشانیان ئەنجام نەدا لە پێناو خواى گەورە، وئەمیش لە فەزڵ وبەخشین ڕێزلێنانی خودایە بۆ موجاهیدان وتێکۆشەران لە ڕێبازی سەرخستنی ئاینی خودا -سبحانه وتعالى-، چونکە ئەوان نەفسی وڕۆحی خۆیان بەخشی لە پێناو سەرخستنی ئاینی خودا بۆیە خودا ڕێزی لێیان گرت بەوەى ئەو پلە بەرز ومەزنانەیان پێببەخشێت لە بەهەشتدا، وپاداشت لە ڕەگەزی کردەوەکانە.

وه‌رگێڕانی ماناكان: ئینگلیزی فەڕەنسی ئیسپانی تورکی ئۆردی ئەندەنوسی بۆسنی ڕووسی بەنگالی چینی فارسی تاگالۆگ هیندی ئیگۆری هوسا
پیشاندانی وەرگێڕانەکان
Donate